سعر الماروتي مبالغ فيه

**m7nsh** · 14-06-2010 05:51 AM

والله ياباشا لو جبتها مش هتندم .. انا كل شويه بعز العربيه دى عن الأول

**kimo_cat** · 14-06-2010 11:38 AM

بالنسبة لى الماروتي أول عربية أركبها
بس انا شايف انها تحفة في كل شيء
احيانا بنركب فيها خمسه
لو معايه حاجات بنقلها بتني كرسي ده بيشيل كتير ولو تنيت كرسيين بيبقه أكتر من نص العربية شنطه
خفيفه وبتجري وبتتركن في اي مكان (مرة خارج بالعربية واحد جه يركن مكاني شفته في المرايا بعض على سنانه من الغيظ مكنش لاقي ركنة ومكاني مكفاهوش ههههههه)
حلوة في السفر روحت بيها كفر الشيخ ورجعت في نفس اليوم أكتر من مره (400 كيلو)
موفرة في البنزين (فولت وانا رايح ورجعت بيها من غير ما ازود بنزين ) يعني التفويله بتعمل حوالي 400 كيلو (في السفر)
موضوع الجري انا آخر حاجه جبتها بيها كان راكب معايه 2 وكان معانا شنط علشان السفر 130 كيلو (معتقدش انك هاتجري اكتر من كده)

بصراحه حتى لما ربنا يكرمني ان شاء الله لو جبت بي أم دبليو مش هافرط في الماروتي

**haneen83** · 14-06-2010 01:14 PM

انا بافكر اجيب العربيه دى بس خايفه من ان الناس بتقول عليها خفيفه و بتعوم احيانا لما مثلا عربيه نقل تعدى جنبها بسرعه او اتوبيس او عاصفه
يا ريت حد يطمنى لانى هامشى بيها على المحور

**zigzag2001** · 14-06-2010 08:45 PM

انتا في نفس الحيرة بتاعتي علي فكرة انا زيك برده بس سمعت ان سعر الماروتي نزل شوية هل دا صحيح

**zigzag2001** · 14-06-2010 08:53 PM

يا جماعه سؤال مهم الله يكرمكم هل العربية دي تستحمل تروح من القاهرة للاسكندرية ؟ سؤال ساذج جايز بس انا فعلا بسال يعني من اللي كنت بشوفة وانا في الطريق من عطلة ناس علي الطريق وبعربيات محترمة

**m7nsh** · 16-06-2010 02:47 AM

تروح ياباشا

**fadod** · 16-06-2010 08:11 AM

مينفعش يركب لها تكييف؟

**ABDULLAH AHMED** · 16-06-2010 11:22 PM

العربية دي الفلوس فيها حلاااااااااااااال :d
كانت معايا لمدة سنة تقريبا
العربية بتركنها في اي حته وجبت فيها 140 و 145 وكنا حنفتح البيبان واطيير :p:p
لا بحد هيا كعربية تحفة بمعنى الكلمة لا يعيبها سوى التكييف
بالنسبة للمساحة يركب فيها 4 عادي
وانسى البنزين مع الماروتي
وبجد كل ما اشوفها بحن اوي للعربية دي كنا بنضحك ضحك لما نركبها :d

**ehab_11_22** · 28-06-2010 04:36 PM

المشاركة الأصلية كتبت بواسطة haneen83

انا بافكر اجيب العربيه دى بس خايفه من ان الناس بتقول عليها خفيفه و بتعوم احيانا لما مثلا عربيه نقل تعدى جنبها بسرعه او اتوبيس او عاصفه
يا ريت حد يطمنى لانى هامشى بيها على المحور

انا ساكن فى الشيخ زايد وشغلى فى المهندسين حاليا
وكل يوم تقريبا على المحور

العربية جميلة وثابتة
بالنسبة لموضوع انها خفيفة
هى فعلا خفيفة وممكن تعوم منك لو عدى من جمبك مكروباص بسرعة بس تعويمة خفيفة جدا
ومع الوقت هاتتعودى على سواقتها وان شاء الله يكون اختيار موفق بإذن الله

**shiko85** · 28-06-2010 08:07 PM

هو مش خلاص مفيش ماروتى جديده بعد القرار بوقف انتاجها لانها لا تتطابق المواصفات القياسيه البيئيه
يعنى الموجود هيكون موديل قديم و كمان المفروض من شهر 8 على ما اتذكر ان مصر هتبدأ تطبيق الشروط و المواصفات القياسيه للسيارات المستورده و المجمعه محليا
يعنى اللى عايز يشترى عربيه ماروتى يلحق قبل تنفيذ القرار بس يبقى عارف انها موديل قديم

الموضوع: سعر الماروتي مبالغ فيه

LinkBack

أدوات الموضوع

عرض

-

-

-

-

المواضيع المتشابهه

ثبات بى إم حقيقة أم مبالغ فيه

سعر مبالغ فيه

راجل مبالغ فيه !!!

هل سعر الانسر2008 الشكل القديم مبالغ فيه

اسعار اللاننس فى مصر مبالغ فيه جدا

الكلمات الدلالية لهذا الموضوع

المفضلات

المفضلات

ضوابط المشاركة