انا نفسى اسال سؤال وهحد مش حرام الواحد يدفع 38 الف فى عربية زى الماروتى من غير تكييف و 800 سي سي حرااااااااااااااام
تم تعديل العنوان
الاشراف - 6أ
عرض للطباعة
انا نفسى اسال سؤال وهحد مش حرام الواحد يدفع 38 الف فى عربية زى الماروتى من غير تكييف و 800 سي سي حرااااااااااااااام
تم تعديل العنوان
الاشراف - 6أ
انا دافع 55 وجايب شاهين من غير تكييف (علامة تعجب )(علامة تعجب )(علامة تعجب ):(
انت اشترتها ولا عاوز تشتريها
ولا اية بالظبط؟
أنت بتكلم فى أية هو السعر دة أقل سعر لعربية زيرو يابانى تقفيل هندى
ال 128 كانت زيرو ب 42000 و اللادا التقفيل المصرى مش الروسى 50000 جنية . ودول كلهم من غير تكييف ومن غير كماليات كمان
الفرق هو السى سى
وكل اللى جاب ماروتى وركبها لاقها عملية وأقتصادية وحمولة وعلى قد ثمنها
حاليا ما تلقيش عربية بالسعر دة وزيرو كمان
وهى على فكرة بتلبى طلبات ناس كتير قوى على قد حالهم وعلى قد أمكانياتهم .وأحسن من عربيات تانية كتير فى السعر المتقارب دة
وهى عربية الحمد لله ما لهاش مشاكل وأثبتت وجودها ومش هتلاقى عربية فى الآمكانيات دية وبالسعر دة
والله الموفق والمستعان
الشاهين الزيرو 67000 ايام ما كانت بتتصنع وفا ضييييييييه من كل شي حتي القعده المريحه
انا عايز اشتريها ما تعرفوش انا متبهدل قد ايه بالعربية اللى معايا بس بصراحة مستخسر المبلغ ده عليها و لا ايه رايكم
انا شايف ان 38 مش حرام فى الماروتى خالص
لان فى عربيات كتير أغلى منها بكتير ومفيهاش تكييف برضه
و للأسف أقل عربيه فيها تكييف هاتبقى مش اقل من 49 او 50 الف زى الالتو 2009 والاسبيرانزا a113 والشيرى qq والجيلى باندا
فى عربيات تانيه أرخص شويه بس معرفش فيها تكييف ولا لأ زى ايديا الصينى 1000 سى سى ب 43 الف والشانا بينى اللى ب 45
يبقى لو عايز حاجه بتكييف مفيش قدامك غير انك تشوف شيفروليه سبارك أو هيونداى اتوس أو سوزوكى التو مستعمله موديل حديث فى حدود 40 الف وأهى هاتبقى موتور أكبر وفيها تكييف
لو هاتجيب من غير تكييف يبقى الماروتى أولى وهاتبقى راكب زيرو وعربيه اقتصاديه
دي بسبب عجائب الجمارك المصرية
شوف عربيه صينى مستعمله و تكون نضيفه
انا خايف اجيبها و اندم بعد
كده
ده الطمع و الاستغلال اللى احنا بنشوفه فى المحروسة
انت معاك 38000 جنية قدامك حلين
الاول انك تشترى عربية مستعملة موديل قديم وتكون حالتها كويسة زى الاكسنت أو الاكسيل أو أى حاجة فى رنج الفلوس الفلوس الى معاك بس فى الحالة دى لازم تحط فى أعتبارك ان فى نسبة مخاطرة انت عارف ان أى عربية مستعملة بتبقى عاملة زى البطيخة وانت ونصيبك
تانى حاجة تشترى الماروتى 2010 جديدة وتريح دماغك
وهأولك بالنسبة ليا انا عن تجربتى الخلاصة
مميزاتها 1- اقتصادية فى البنزين جداً 2- تركنها فى اى حتة ولو انت فى الدور الارضى ممكن تاخدها معاك فى البلكونة 3- ناعمة فى سواقتها واى ميكانيكى يشتغل فيها
عيوبها 1- صغيرة ومفيهاش شنطة 2- لو عديت على ظلطة بتحس بيها والسبب ان الكاوتش 12 صغير اوى
وربنا يعينك على المقارنة
أستخير الله والى فيه الخير ربك ان شاء الله يهديك الية
فقط لى تعليق على موضوع الحجم والعفشة، العربية فيها ميزة طى نصف الكنبة او الكنبة وبالكامل، يعنى ممكن تشيل 4 افراد و4 حقائب من حجم حقيبة النوتبوك فى الشنطة الخلفية، او 3 افراد ومشتروات الشهر كاملة من الهايبر ماركت لو تم طى نصف الكنبة الخلفية، او فردين وحمولة سيارة ربع نقل لو تم طل الكنبة الخلفية كاملة، اما بالنسبة للعفشة فحكاية الظلطة دى بالتجربة مش واقعية، العربية دى عفشتها اكثر من ممتازة، ناعمة جدا ومتجاوبة جدا فى الطرق الوعرة ومش بتحسسك بمشاكل الطريق تحت منك اطلاقا، عيوب الماروتى تنحصر فى ان فراملها ضعيفة الى حد ما على السرعات العالية، وانها ثباتها مش اوى بعد سرعة 100 ، وان الناس فى الشارع بتستهيفها وتحاول تكسر عليها بدون سبب ، فيما عدا ذلك العربية ممتازة سواء داخل المدينة او فى السفر
بعد سنه و اكثر مع الماروتى ( العربيه دى حلال فيها الـ 38000 ) بجد
انا احترت و الله دا ظلم اللى بيحصل فينا شوفوا اسعار العربيات فى كل حتة فى الدنيا رخيصة ازاى و الواحد قعد يصبر فى نفسه على امل ان العربيات قال هترخص فى 2010 جت 2010 و طلعولك فى بند جهنمى ان الجمارك هتنخفض بالتدريج 10% كل سنة لغاية 2020 و عليك خير و قال ايه دى بس مع العربيات الاوروبية يعنى يابانى كورى صينى هندى هيفضل عليه جمارك شفتوش الحلاوة
احسن وافضل عربية ركبتها من وجه نظرى وعن تجربة
الماروتى بلا منازع فى هذة الفئة
متقلقش العربيه اه سعرها زايد بسبب الجمارك بس ارخص الموجود
هنعمل ايه منتا مننا و عارف
و بالنسبه لعيوبها و مميزاتها بعد دراسه متأنيه
لو الكماليات شيء محوري عندك اصبر شويه لحد متجيب عربيه فيها كماليات زيرو بردو ( و مش صيني )
و لو الكماليات ممكن تعيش من غيرها ( زي اي ماروتاوي في الدنيا ) يبقي اتجه علي طول الي ماروتي حبيبه الملايين
عربيه مميزاتها اكتر من عيوبها
قطع غيار متوفره
صيانه سهله
كربراتير
و يكفي انها ياباني ( صنع نضيف ) و تقفيل هندي ( بردو دوله نضيفه )
و استخير و احنا هنا اخواتك تحت امرك
و كفايه اوي عظما ء السوزوكي جاوبوك
والله ياباشا لو جبتها مش هتندم .. انا كل شويه بعز العربيه دى عن الأول
بالنسبة لى الماروتي أول عربية أركبها
بس انا شايف انها تحفة في كل شيء
احيانا بنركب فيها خمسه
لو معايه حاجات بنقلها بتني كرسي ده بيشيل كتير ولو تنيت كرسيين بيبقه أكتر من نص العربية شنطه
خفيفه وبتجري وبتتركن في اي مكان (مرة خارج بالعربية واحد جه يركن مكاني شفته في المرايا بعض على سنانه من الغيظ مكنش لاقي ركنة ومكاني مكفاهوش ههههههه)
حلوة في السفر روحت بيها كفر الشيخ ورجعت في نفس اليوم أكتر من مره (400 كيلو)
موفرة في البنزين (فولت وانا رايح ورجعت بيها من غير ما ازود بنزين ) يعني التفويله بتعمل حوالي 400 كيلو (في السفر)
موضوع الجري انا آخر حاجه جبتها بيها كان راكب معايه 2 وكان معانا شنط علشان السفر 130 كيلو (معتقدش انك هاتجري اكتر من كده)
بصراحه حتى لما ربنا يكرمني ان شاء الله لو جبت بي أم دبليو مش هافرط في الماروتي
انا بافكر اجيب العربيه دى بس خايفه من ان الناس بتقول عليها خفيفه و بتعوم احيانا لما مثلا عربيه نقل تعدى جنبها بسرعه او اتوبيس او عاصفه
يا ريت حد يطمنى لانى هامشى بيها على المحور
انتا في نفس الحيرة بتاعتي علي فكرة انا زيك برده بس سمعت ان سعر الماروتي نزل شوية هل دا صحيح
يا جماعه سؤال مهم الله يكرمكم هل العربية دي تستحمل تروح من القاهرة للاسكندرية ؟ سؤال ساذج جايز بس انا فعلا بسال يعني من اللي كنت بشوفة وانا في الطريق من عطلة ناس علي الطريق وبعربيات محترمة
تروح ياباشا
مينفعش يركب لها تكييف؟
العربية دي الفلوس فيها حلاااااااااااااال :d
كانت معايا لمدة سنة تقريبا
العربية بتركنها في اي حته وجبت فيها 140 و 145 وكنا حنفتح البيبان واطيير :p:p
لا بحد هيا كعربية تحفة بمعنى الكلمة لا يعيبها سوى التكييف
بالنسبة للمساحة يركب فيها 4 عادي
وانسى البنزين مع الماروتي
وبجد كل ما اشوفها بحن اوي للعربية دي كنا بنضحك ضحك لما نركبها :d
انا ساكن فى الشيخ زايد وشغلى فى المهندسين حاليا
وكل يوم تقريبا على المحور
العربية جميلة وثابتة
بالنسبة لموضوع انها خفيفة
هى فعلا خفيفة وممكن تعوم منك لو عدى من جمبك مكروباص بسرعة بس تعويمة خفيفة جدا
ومع الوقت هاتتعودى على سواقتها وان شاء الله يكون اختيار موفق بإذن الله
هو مش خلاص مفيش ماروتى جديده بعد القرار بوقف انتاجها لانها لا تتطابق المواصفات القياسيه البيئيه
يعنى الموجود هيكون موديل قديم و كمان المفروض من شهر 8 على ما اتذكر ان مصر هتبدأ تطبيق الشروط و المواصفات القياسيه للسيارات المستورده و المجمعه محليا
يعنى اللى عايز يشترى عربيه ماروتى يلحق قبل تنفيذ القرار بس يبقى عارف انها موديل قديم
[quoteالعربية جميلة وثابتة
بالنسبة لموضوع انها خفيفة
هى فعلا خفيفة وممكن تعوم منك لو عدى من جمبك مكروباص بسرعة بس تعويمة خفيفة جدا
ومع الوقت هاتتعودى على سواقتها وان شاء الله يكون اختيار موفق بإذن الله ][/quote]
فعلا اهم حاجة التعود بجد بعد متتعودي عليها خلاص هتبقي مرتاحة معاها جدا لان العربية فيها مميزات كتير في الركنة والزحمة والبنزين حتي حجمها ميعتبرش صغير لانها من جوة واسعة يعني متخنقش اما موضوع خفيفة فمع التعود والثبات في السواقة وعدم التهور مش هيبقي فيه مشكلة
الماروتى من احلى وانعم العربيات اللى موجوده وبعدين استهلاك بنزين ممتاز وعربيه ترحمك من البهدله فى الموصلات كمان العربيه ممتازه وسرعتها حلوه دا انا سافرت بيها مرتين من اسكندريه للقاهره رايح جاى يعنى عملت بيها 450 كم فى يومين وماشاء الله عليها بصراحه ممتازه لسعرها
بس لو مستحرم تدفع فيها الفلوس يبقى لازم تعرف ان حرام الناس تدفع فلوس فى اى عربيه فى مصر
حرام اللنسر تبقى ب120 وحرام الكورولا تبقى ب140 وحرام الكورى يتدفع فيه اسعاره اللى موجوده فى السوق وحرام حد يشترى عربيه صينى بالاسعار اللى موجوده برضه وحرام وحرام وحرام
أنا سمعت كلام حلو كتير عن العربية دى من توفير بنزين و غملية بس بردة لقيت أن فى ناس كتير من اللى بيمدحو فيها باعوها بعد سنه أو اتنين ( مدة صغيرة أوى بالنسبة لعمر العربيات ) و لو قولتولى عادى بيحصل فى كل العربيات أفول لأ موش بنفس السرعة و العدد و الصورة اللى فى الماروتى ومش معقول كل ده بسبب التكيف أو الحجم بس لأن الى بيشتريها عارف الغيوب دى عن ظهر قلب و ما كانتش فارقة معاه يقوم يخسرله فى سنتين بس (7 أ 8 ألاف .. كتير أوى ) .. كمان لاحظت أن معظم الى معاهم الماروتى اشتكو من أن العربية بتعلى خرارتها جامد لدرجة أن كتير غير لها الموبينة بسبب الحرارة أ:ثر من مرة .. و كتير عدلو المروحة اما أنها تفضل شغالة على طول أو بمفتاح .. كتير برده اشتكو من كهربة العربية الى بتكون دايما موش مظبوطة و بتعمل مشاكل و تنتيشة غبية أحيانا .. الكل بالاجماع اشتكى من تدوير العربية و هى سخنة على عكس كل العربيات ..دى كلها حاجات عادية فى العربيات بس مش اللى عمرها مجرد سنة أو اتنين يعنى لسة زيرو كمان كتير بيتكلمو على أن قدرات العربية بتقل بصورة ملحوظة فى وقت قليل لأن كتير أول ما جابو العربية كانو بيجيبو ال130 بسهولة و بعد سنة أصبح الموضوع صعب و أخيانا ما بتجبش بعد سنة أو اتنين دى تبقى عربية ورق يعنى أشتريها النهاردة و تفابلنى كل المشاكل دى بعد سنة أو اتنين أفوم بيعها على طول خوفا من أنها بعد 5 سنين حتقرفنى أخر أرف زى المستعمل التعبان و بعد 10 سنين تبقى خرده؟؟.. .أنا موش بهاجم العربية لا سمح الله و لكن أنا بفكر أجيبها بس نتيجة كل الى سمعته من خبرات أصحابها خوفتنى و خصوصا أن سعرها فعلا مبالغ فيه جدا بالنسبة للمستعمل ( النضيف يعنى موديلات حديثة 2003 /2004 /2005 /2006 ) زى الأكسنت و الأتوس و خلافة
اسباب البيع مختلفه فيه اللى عاوز يشترى عربيه اكبر وربنا سهله بشوية فلوس
فيه اللى كان مطلع رخصه جديده محتاج عربيه صغيرة يعرف يتحكم فيها وناعمه وسهله فى القياده
فيه اللى بييجبها لبنته او لمراته ولما ربنا سهله حب يجيب حاجه احسن
الاسباب كتيره لكن كل واحد حسب اختياره ومتطلباته
بالنسبة لمقارنة الماروتى بسيارة مستعملة فمعتقدش ان فيه عربية مستعملة من ماركة تتركب وموديل 2005 و 2006 او اعلى بسعر قريب من سعر الماروتى، العربيات اللىمن الموديلات دى بيندفع فيها ارقام بتكون فى اواخر الأربعينات وطالع ، اما لو هنفارنها بسيارة مودل 8-10 سنسن فاتوا فدىباه تتعلق بطوله بال كل منا، يعنى اللى عنده طولة بال على البحث عن عربية تكون قضت فى شوارع مصر 10 سنوات ولا تزال بحالة جيدة وورقها سليم وكل هذا يكون حقيقى وليس بالنصب والاحتيال فى بلد كل ما فى شوارعها معادى للسيارات و99% من تجار السيارات المستعملة فيها نصابين يستحلون الغش باسم الشطارة ، اقول ان من لديه طولة البال عن البحث عن سيارة نضيفة بحجم الإبرة فى كوم قش بحجم سوق تجارة السارات المستعملة المغشوشة هو حر، بالرغم من انه بعد ان يصل بالفعل لسيارة "نضيفة" بمقاييس السوق المصرى اللى هى مرشتش شنطة ولا حوض وكبس موتورها 80% وطالع، لن يعدم مشاوير اسبوعية للورش لضبط الزويا وتغيير بلى دينامو وجلب مقصات وكاوتش مساعدين وبطارية واطارات واصلاح كرسى السائق المكسور وتغيير جلب عمود الديريكسيون ولحام علبة شكمان ....الخ الخ الخ الخ الخ الخ الخ الخ الخ الخ من المشاكل التى لا تنتهى ولا تعتبر مشاكل تعيب السيارة المسعتملة، لكن يعرفها جيدا كل من اشترى سيارة مستعملة قديمة واكتشف ان حياته تحولت للعمل 5 ايام فىالأسبوع وقضء يومين فى الأسبوع لدى الميكانيكى والكهربائى والعفشجى مقابل ان يحصل على سيارة كبيرة بسعر قليل
اما من ليس لديه مرارة لهذة الامور فهو يفضل شراء الزيرو حتى ولو كان صغير، لأن العربية بتقعد 5 سنوات بدون مصاريف تذكر، ولو بعتها بعد 10 بألف من ثمنها ب 10 آلاف جنيه انا الكسبان لأن مصاريف الصيانة للسيارة القديمة اكثر من 2000 جنيه سنويا ناهيك عن ضياع الوقت وحرقة البال
انا جربت هذا وذاك، وبصراحة يغور المستعمل القديم، العربية الكبيرة الحلوة اللى كانت عندنا قبل الماروتى (وقبلها اكثر من 10 عربيات مستعملة) كانت قاطعالى ابونيه عند الميكانيكى، لكن من ساعة ما جبنا الماروتى(عاملدة ديلوقتى 20 ألف كم) مصرفتش عليها مليم خارج اطار البنزين والزيت والفلاتر ومياه المساحة، لأجل الصدق بس اقول انى اشتريت لها مرة زجاجة ميه بطارية
المستعمل الوحيد القابل للشراء من وجهة نظرى هو مستعمل يكون بعمر قليل ومن حد تعرفه، غير كدة اللى عنده مرارة بأه يستحمل
حد شاف اعلان المحلاوي في الوسيط
منزل الماروتي قسط 5 سنوات ب 33 الف !!!
بصراحة اكثر حاجة تضايق في الماروتي موضوع التكييف
وطبعا صعب الواحد يفكر يلعب فيها وهي لسه زيرو فيركب تكييف ولا انذار والا سنتر
لا مش للدرجادى يا فندم !! سمكرى ونا رايح اشترى زيرو !! اكيد حضرتك بتهزرى :))
هو انا مع حضرتك تماما ان مبقاش فى ضمير .. و قريت الحقيقه كذا مره عن ناس اشترت عربيات و بعد ماشالو اللزق اﻷبيض بتاع الفابريكه المميز ده لقو شروخ و بلاوى زرقه .. ده غير العالم اللى فى الحرفيين اللى بيقولو انهم بيجلهم عربيات زيرو يظبطولها حاجه و بترجع زى الفل ( ممكن تكون اتخبطت اتحكت حصلها اى بلوى و هم يظبطوها و احنا نلبس ) ..فاحسن حاجه فى رايى انك تكشف على العربيه كويس جدا حتى لو زيرو و تجرب كل حاجه فيها و تشيل اللزق اﻷبيض ده و تشوف تحته ايه قبل ماتخرج من المعرض
بالنسبه لموضوع التكييف فممكن فعلا محدش يفكر يركبه للسبب ده و لاسباب تانيه كتيره قتلت بحثاً .. انما السنتر و اﻷنذار فدول عادى جدا و انا شخصيا مركبهم فى عربيتى ( الزيرو ) و الموضوع مش محتاج اكتر من كهربائى ( كفاءه 60 %بالكتير ) و مش هيخليلك اى حاجه باينه ومش هتعدى عليه تانى الا لرمى السلام او لتغيير بطاريه الريموت