طيب انا لابس نضاره نظر واكيد مش هجيب راي بان وارمي عدساتها !!
مفيش مثلاً توكيل تطلب منه النضاره بالطلب على مقاس النظر؟؟
ولا اجيب lenses والبس عليها النضاره عادي ولا اعمل ليزك ؟؟
عرض للطباعة
طيب انا لابس نضاره نظر واكيد مش هجيب راي بان وارمي عدساتها !!
مفيش مثلاً توكيل تطلب منه النضاره بالطلب على مقاس النظر؟؟
ولا اجيب lenses والبس عليها النضاره عادي ولا اعمل ليزك ؟؟
انا سألت علي الجروب بتاع الناس اللي كريم قال عليهم و دة الحوار
#
Mohamed Samir انا بالفعل بستعمل نظارة طبية ، إية أنسب حل لو عايز نظارة شمس ونظر في وقت واحد ؟ وهل هتكون بتحجب اليو في ولا مجرد لون ؟
#
Ali Frikiko انت ممكن تعمل نظارة شمس نظر
اكيد دة افضل من انك تلبس عدسات لاصقه مع النظارة الشمس
وعدسات الى بتتعملك على النظارة الشمس
بيكون فيها كل مميزات العدسه بتاعت الشمس
بس بتكون عدسات بلاستيك
#
Mohamed Samir شكرا لسرعة الرد
بس افهم من كدة انها بتكون عبارة عن عدسات شمس أصلا وبيتم عمل مقاس النظر عليها وتركب علي أي نظارة ؟
ويا ريت لو متوسط اسعار العدسات دي ؟
شكرا
#
Ali Frikiko الاسعار بتختلف على حسب الكشف
ونوع العدسة
وحجم الكرف فى النظارة
وهى بتتعمل مخصوص لمقاس النظر الخاص بيك
بس مش اى نظارة ممكن تتعمل شمس نظر
تحياتى
#
Mohamed Samir تمام
يا ريت برضو تقولي مثال اقدر احدد منة رينج السعر
أو الحد الأدني والأقصي او ما شابة لأني معنديش اي فكرة عن الموضوع دة
شكرا
#
Ali Frikiko للأسف الا سعار مش معايا
بس حضرتك تأدر تزور اقرب فرع ليك من محلاتنا
وهما هناك هيدوك الاسعار وانواع العدسات المتوافره
انا معايا Ray.Ban Aviator
جبتها ب 380 جنيه
Made in U.S.A
:)
كنت غاوي كدة وكان عندي اتنين ري بان اتكسرو بنفس الطريقه مرة انا قعدت على واحدة وانا داخل العربيه ومرة واحد قعد عليها وانا حاطتها جنبي من ساعتها حلفت عليهم واخري بجيب اي واحدة عاديه ب10 20 جنيه استخدمها لما اكون سايق والشمسه ضربه فعيني وشكرا علي كده لان حرقه الدم على الوفات تنتهى بالشكل ده صعبه بجد ووارده جدا تتكرر علطول
هو ما فيش حد هنا بيجيب Carrera, Lacoste, YSL ولا إيه؟ :colsmil:
السلام عليكم احب اوضح حاجة مهمة انا واحد صحبى شغال فى النظارات فية حاجه اى نظارة تعمل فى حدود 350الى حوالى 1000 تعرف انها احتمال كبير جدا انها copy وبتبا نفس الشكل الاصلى وكمان الجراب هو هو انا صحبى مثلا لما يجى يبيع فى المحل عندة مثلا نظارة برسون او ربان او كريرا بيقول للزبون 400 مثلا الزبون بيقول ماشى بس بيسئل دية اصلى فصحبى يقولة لا هى كوبى يروح الزبون ماشى ويلقيها فى محل تانى 700 يقول اة دية اصلى اكيد وممكن الى واقف فى المحل ميكونش عندة ضمير ويقولة اة اصلى والله ياجماعة هى هى النظارة الفرق اختلاف محل عن التانى النظارة الاصلى بتبقى غالية ومتجبش من اى حد ومعظم الى فى السوق تقليد والمكتوب علية اطالى دة كلة صينى بس فية حاجة فى ايطالى بس غالى اوى وكمان ممكن ميكنش مضمون وانا عارف ممكن ناس منكم تقرا كلامى وتقول لا كلام غلط انا كنت زيكم كدة قبل ماصحبى عرفنى الحاجات دية معن كدة متتغرش بالسعر مثلا فى محطة الرمل الاسكندرية بيبيعو800او700وفى محل تانى 400او 450 ودة حسب اسم المحل ومكانة حتى لو محفور على النظارة بردة بتبقى صينى الصين عملت كل حاجة انا حبيت اقول نصيحة لوجة الله واسف انى طولت عليكو