الركن "الملاصق" للحائط +الاكصدام راااح

سلام عليكم
معلش اختكم مبتدئة جدا ومفيش حد يفيدني وعندي سؤالين
انا لسا باتعلم واللي بيعلمني ركن لي العربية لكن سايب مسافة كبيرة نسبيا بينها وبين الحائط على شمالها
حاولت اقربها ماعرفتش (مش صح اني المفروض الف الدركسيون شمال للاخر وارجعها ورا وارجع اجيبها قدام وهو الدركسيون على نفس الوضع شمال ع الاخر؟؟ ..ولا المفروض اعمل ايه عشان اضبطها لانها لو اتسابت كدا الف مين يخبطها..
الحاجة التانية للاسف رزعتها جامد ف الرصيف والاكصدام قدام اتخلع..الميكانيكي هو اللي يضبطه ولا مين؟ وبكام لعربية ماروتي؟
معلش هي اسئلة ساذجة بس انا قلت من الاول اني مبتدئة ع الاخر ولسا باتعلم
شكرا مقدما وجزاكم الله خيرا

االلى انا فهمته من كلام حضرتك إن فيه جدار على شمال العربيه.
و إن حضرتك عايزه تحضنى على الجدار ده.
أتعشم إن ميكونشى فيه عربيات وراكى.
1-حتلفى الدركسيون شمال على الأخر و تبتدى ترجعى واحده واحده وإنتى باصه فى المرايا اللى جمبك على طول.وبعد متبتدى ترجعى وتلاقى نفسك قربتى من الجدار.حترجعى الدركسيون لوضعه الطبيعى واحده واحده.يعنى حتلفيه ناحيه اليمين لحد مالعجل يكون عدل.بعد كدع بقى عايزه تطلعى قدام تكسرى شمالك.
يعنى زى مقولتى بس و إنتى بترجعى لازم تردى العجل واحده واحده فى الرجوع وإلا يبقى إحنا معملناش حاجه.
2- السمكرى هو اللى بيصلح الإكصدام و بيرجعه مكانه.
3-بكام قصدك تكلفه إنه يرجعه مكانه..أعتقد مش مبلغ.15 أو عشرين جنيه بالكتير.
والله أعلم.

مرحبا فى المنتدى
اولا اما تركنى حاولى تنزلى المراية اللى ناحية الرصيف لتحت علشان توريكى الرصيف
- بس ما تنسيش ترجعيها مكانها اما تيجى طالعة زى مانا بعمل -
وشغللى الفلاشر علشان الناس اللى جاية من الناحية التانية فيها عربيات تبعد عنك
وبرده ما تنسيش تبصى فى المرايا اللى ناحية العربيات علشان مقدمة عربيتك بتطلع جامد ولو حد جاى وانتى طلعتى بالمقدمة وانتى بتلفى بره جامد ممكن تخبطوا سوا
واقولك على نصيحة
اتعلمى الركن فى مكان فاضى على كراتين مش عربيات واقفة
انا عملت كدة
كرتونتين عاللين واتعلمت براحتى

الاكصدام المفروض هيصلحه سمكرى
بس حاولى تورينا صورته
ولو تعرفى تروحى الحرفيين
روحى المحل ده
http://www.nilemotors.net/Nile/118993-a.html
لان صاحبه انسان محترم معانا فى المنتدى وعنده امانة وضمير

بالتدريب والممارسة هتلاقي القيادة بقت سهلة

تمااام زي ما قال احمد

واحده واحده وبالممارسه كل شئ هيبقى عادى
بس بلاش التسرع

هو زي مقالك الاستاذ هتلفي الدريكسيون شمال و ترجعي لحد ما دهر العربية يقرب من الحيطة و تروحي وقفة بعد كدا تلفي الدركسيو يمبن خالص و ترجع لحد م العربية من قدام كمان تتظبت بس خدي بالك انت بتقولي ان الحائط شمال يعني اوعي تحضني اوي لحسن متعرفيش تنزلي اقصد ان الباب بتاعك هيبقي لازق في الحائط و هضطري بقي تنزلي من الباب التاني خدي بالك و تاكدي ان كل حاجة هتيجي با الممارسة تاكدي انك في يوم من الايام السواقي دي ب النسبالك هتبقي حاجة عادية جداااا متستعجليش و ربنا معاكي

زى ما الاخوه الاعضاء قالولك بس اوعى تركنى لوحدك لازم حد يلاحظك علشان اكيد مش واخده على ابعاد العربيه

سلام عليكم
بصراحة لم اتوقع هذه الردود الطيبة والمساعدة وبهذه السرعة..ربنا يجازيكم خير

اقتباس:

---

المشاركة الأصلية كتبت بواسطة eng:mohamed

االلى انا فهمته من كلام حضرتك إن فيه جدار على شمال العربيه.
و إن حضرتك عايزه تحضنى على الجدار ده.
أتعشم إن ميكونشى فيه عربيات وراكى.
1-حتلفى الدركسيون شمال على الأخر و تبتدى ترجعى واحده واحده وإنتى باصه فى المرايا اللى جمبك على طول.وبعد متبتدى ترجعى وتلاقى نفسك قربتى من الجدار.حترجعى الدركسيون لوضعه الطبيعى واحده واحده.يعنى حتلفيه ناحيه اليمين لحد مالعجل يكون عدل.بعد كدع بقى عايزه تطلعى قدام تكسرى شمالك.
يعنى زى مقولتى بس و إنتى بترجعى لازم تردى العجل واحده واحده فى الرجوع وإلا يبقى إحنا معملناش حاجه.
2- السمكرى هو اللى بيصلح الإكصدام و بيرجعه مكانه.
3-بكام قصدك تكلفه إنه يرجعه مكانه..أعتقد مش مبلغ.15 أو عشرين جنيه بالكتير.
والله أعلم.

---

شكرا جزيلا جدا جدا...انا عملت بكلام حضرتك لانه مفيد ومنطقي جدا وبفضل الله ضبطتها لحد كبير وانبسطت اني عرفت الحمد لله..ربنا يجازيك كل خير

اقتباس:

---

المشاركة الأصلية كتبت بواسطة a.saad

مرحبا فى المنتدى
اولا اما تركنى حاولى تنزلى المراية اللى ناحية الرصيف لتحت علشان توريكى الرصيف
- بس ما تنسيش ترجعيها مكانها اما تيجى طالعة زى مانا بعمل -
وشغللى الفلاشر علشان الناس اللى جاية من الناحية التانية فيها عربيات تبعد عنك
وبرده ما تنسيش تبصى فى المرايا اللى ناحية العربيات علشان مقدمة عربيتك بتطلع جامد ولو حد جاى وانتى طلعتى بالمقدمة وانتى بتلفى بره جامد ممكن تخبطوا سوا
واقولك على نصيحة
اتعلمى الركن فى مكان فاضى على كراتين مش عربيات واقفة
انا عملت كدة
كرتونتين عاللين واتعلمت براحتى

الاكصدام المفروض هيصلحه سمكرى
بس حاولى تورينا صورته
ولو تعرفى تروحى الحرفيين
روحى المحل ده
http://www.nilemotors.net/nile/118993-a.html
لان صاحبه انسان محترم معانا فى المنتدى وعنده امانة وضمير

الف شكر على نصايحك ..جديدة عليا ومفيدة ربنا يكرمك..هو للاسف صعب اصوره واحط الصورة.. بس باذن الله احاول اشوف موضوع السمكري

---

اقتباس:

---

المشاركة الأصلية كتبت بواسطة د.محمود صلاح

بالتدريب والممارسة هتلاقي القيادة بقت سهلة

---

اقتباس:

---

المشاركة الأصلية كتبت بواسطة n.a.j.d

تمااام زي ما قال احمد

---

اقتباس:

---

المشاركة الأصلية كتبت بواسطة hashem1999

واحده واحده وبالممارسه كل شئ هيبقى عادى
بس بلاش التسرع

---

جزاكم الله كل خير على تشجيعكم ونصائحكم
ربنا يحفظكم جميعا
شكرا

اقتباس:

---

المشاركة الأصلية كتبت بواسطة wise

هو زي مقالك الاستاذ هتلفي الدريكسيون شمال و ترجعي لحد ما دهر العربية يقرب من الحيطة و تروحي وقفة بعد كدا تلفي الدركسيو يمبن خالص و ترجع لحد م العربية من قدام كمان تتظبت بس خدي بالك انت بتقولي ان الحائط شمال يعني اوعي تحضني اوي لحسن متعرفيش تنزلي اقصد ان الباب بتاعك هيبقي لازق في الحائط و هضطري بقي تنزلي من الباب التاني خدي بالك و تاكدي ان كل حاجة هتيجي با الممارسة تاكدي انك في يوم من الايام السواقي دي ب النسبالك هتبقي حاجة عادية جداااا متستعجليش و ربنا معاكي

---

شكرا ربنا يكرمك..يارب ييسر..انا عملت كدا تقريبا وفعلا نزلت من الباب التاني بس دا لازم للاسف لان المكان يتطلب التحضين جامد عشان المسافة صغيرة والا هاتتخبط

اقتباس:

---

المشاركة الأصلية كتبت بواسطة asdcat39

زى ما الاخوه الاعضاء قالولك بس اوعى تركنى لوحدك لازم حد يلاحظك علشان اكيد مش واخده على ابعاد العربيه

---

انا فعلا مش واخدة على ابعادها ..عشان كدا هي اللي بقت واخدة ع الارصفة والتخبيط فيها بس ربنا يسهل باحاول اتعلم وباستفيد من نصايحكم ربنا يجازيكم خير عليها

اقتباس:

---

المشاركة الأصلية كتبت بواسطة abeeron

شكرا ربنا يكرمك..يارب ييسر..انا عملت كدا تقريبا وفعلا نزلت من الباب التاني بس دا لازم للاسف لان المكان يتطلب التحضين جامد عشان المسافة صغيرة والا هاتتخبط



انا فعلا مش واخدة على ابعادها ..عشان كدا هي اللي بقت واخدة ع الارصفة والتخبيط فيها بس ربنا يسهل باحاول اتعلم وباستفيد من نصايحكم ربنا يجازيكم خير عليها

---

طيب مينفعش تركنى بالعكس يعنى بحيث اليلمين هو الى يبقى جمب الحيطه اللى على الشمال دى ولا ايه ؟؟

الموضعين اللى فى التوقيع ممكن يفيدوا حضرتك

اقتباس:

---

المشاركة الأصلية كتبت بواسطة theblacksword

طيب مينفعش تركنى بالعكس يعنى بحيث اليلمين هو الى يبقى جمب الحيطه اللى على الشمال دى ولا ايه ؟؟

---

ممكن بس عشان اخرج بمقدمة العربية من الشارع يكون الشمال جنب الحيطة انما لو عكست يبقى الخروج بالرجوع لورا (مارشدير)..ربنا يسهل ومع التعليم يتساوى الوضعين..شكرا لحضرتك

اقتباس:

---

المشاركة الأصلية كتبت بواسطة محمد عز

الموضعين اللى فى التوقيع ممكن يفيدوا حضرتك

---

جزاكم الله خيرا يا باشمهندس محمد..شرح وتوضيح اكثر من رائع ربنا يجعله في ميزان حسناتك المتزايد باذن الله

سلام عليكم

نصيحة طالما مش حافظة لسه ابعاد العربية , خدي الأكثر أمنا و اي حاجة تحسي ان العربية هاتخبط فيها حاولي ما تقربيش منها بالعربية اوي

يعني الرصيف مثلا , مجرد ما جالك انطباع ان فيه مجرد احتمال ان العربية هاتخبط فيه , اقفي , و ممكن تنزلي تبصي العربية قريبة او فعلا منه ولا لسه بعيدة , و ساعتها ممكن تركبي و تقربي منه حاجة بسيطة و تنزلي تبصي تاني و هكذا

نفس الكلام بالنسبة للعربيات التانية , لما تحسي ان فيه مجرد احتمال خبط , يا تقفي يا تبعدي عنها , بس البعد و الوقوف طبعا بيبقوا بحساب يعني بعد نظرة سريعة على المرايات و الذي منه

اقتباس:

---

المشاركة الأصلية كتبت بواسطة tlrsiap

سلام عليكم

نصيحة طالما مش حافظة لسه ابعاد العربية , خدي الأكثر أمنا و اي حاجة تحسي ان العربية هاتخبط فيها حاولي ما تقربيش منها بالعربية اوي

يعني الرصيف مثلا , مجرد ما جالك انطباع ان فيه مجرد احتمال ان العربية هاتخبط فيه , اقفي , و ممكن تنزلي تبصي العربية قريبة او فعلا منه ولا لسه بعيدة , و ساعتها ممكن تركبي و تقربي منه حاجة بسيطة و تنزلي تبصي تاني و هكذا

نفس الكلام بالنسبة للعربيات التانية , لما تحسي ان فيه مجرد احتمال خبط , يا تقفي يا تبعدي عنها , بس البعد و الوقوف طبعا بيبقوا بحساب يعني بعد نظرة سريعة على المرايات و الذي منه

---

جزاك الله خيرا ..عندك حق ..انا باحاول اعمل كدا فعلا..لكن المراية اليمين يبدو كانت متلصمة فاتفكت واللي بيعلمني بيقول ممكن استغنى عنها بمراية صالون عريضة..ينفع فعلا؟؟

ينفع في المشي
لكن في الركنة المراية اليمين احسن بكتير اوي

اقتباس:

---

المشاركة الأصلية كتبت بواسطة abeeron

جزاك الله خيرا ..عندك حق ..انا باحاول اعمل كدا فعلا..لكن المراية اليمين يبدو كانت متلصمة فاتفكت واللي بيعلمني بيقول ممكن استغنى عنها بمراية صالون عريضة..ينفع فعلا؟؟

---

اللى بيعلمك ده ....
تعليمه غريب شوية
عادة بتوع المدارس بتبقى عربياتهم مدغدغة
فعمره ما هيقولك بصى على مرايا لانها مش موجوده

لكن لو بتتعلمى على عربيتك
هتلاقى اللى بيكون فاهم فيهم
بيقولك بصى فى المرايات
ادى اشارات

اله يمسيك بالخير يا سيد
ده اللى علمنى

وعلى فكرة
مش كل حاجة مرايا الصالون هتجبها
حتى لو عريضة

اقتباس:

---

المشاركة الأصلية كتبت بواسطة tlrsiap

ينفع في المشي
لكن في الركنة المراية اليمين احسن بكتير اوي

---

شكرا لردك..حضرتك عندك حق..رغم اني باتعلم لسا في بدايات البدايات بس حسيت ان المراية اليمين مهمة للركن لانها تظهر الجانب الايمن كله

اقتباس:

---

المشاركة الأصلية كتبت بواسطة a.saad

اللى بيعلمك ده ....
تعليمه غريب شوية
عادة بتوع المدارس بتبقى عربياتهم مدغدغة
فعمره ما هيقولك بصى على مرايا لانها مش موجوده

لكن لو بتتعلمى على عربيتك
هتلاقى اللى بيكون فاهم فيهم
بيقولك بصى فى المرايات
ادى اشارات

اله يمسيك بالخير يا سيد
ده اللى علمنى

وعلى فكرة
مش كل حاجة مرايا الصالون هتجبها
حتى لو عريضة

---

شكرا يا ا. أحمد..
انا فعلا مستغربة شوية لاني قبل اي حركة -بالذات جهة الشمال عشان مرايتها قريبة وهي اللي فاضلة لي!!!- بابص في المراية الشمال..لكن هو بيقول لي ما افكرش كتير في اللي ورايا عشان اركز اكتر في اللي قدامي
مشكلة اخرى انه نزل معايا مرتين وفي تاني مرة نزلني اماكن زحمة وكنت مرعوبة-ومازلت- لاني مش متاكدة اني قادرة استوعب واطبق كل حاجة بيقول عليها خاصة انه بيتدخل كتير طبعا عشان يعدل الدركسيون او بفرامل اليد ..الخ ..المفروض اني اتعلمت في مدرسة تبع المحافظة (شيراتون) والواقع ما اتعلمتش اي حاجة واخدت كورس في مدرسة تانية بس من فترة كبيرة وكان نصفه نظري
انا كدا باتعلم غلط؟؟؟... ياريت تنصحوني ربنا يكرمكم
مشكلة تانية عموما رغم اني لاصقة ورقة تعليم اثناء تعليمه لي ان الناس ماعندهاش صبر ورغم اني والله مش بطيئة وباحاول اسرع استجابتي- والاسوأ السخرية اللي الناس بتبدع فيها...
اعتذر للاطالة واشكركم
جزاكم الله خيرا