رقم المهندس حاتم ...الحقيقه هو كان متوافر..
بس ممكن حضرتك تكلم مركز خدمة السبع على رقم الحجز..
و تسألهم على رقمه..
رقم المركز هو..
0100050700
عرض للطباعة
رقم المهندس حاتم ...الحقيقه هو كان متوافر..
بس ممكن حضرتك تكلم مركز خدمة السبع على رقم الحجز..
و تسألهم على رقمه..
رقم المركز هو..
0100050700
الحمد لله انا جبت رقم تليفون المهندس حاتم وحكلمه بكرة باذن الله وربنا يكرم ويوفقنا للخير
وباذن الله حنوافيكم بكل جديد اول باول وباى خطوة حنعملها
احنا يهمنا الاتفاق نعمله مع مراكز الخدمة مش الشركة الام لان تعمالنا مع مراكز الخدمة
وبصراحة احنا عاوزين نعلى راية نيسان وسيارات نيسان ومنتدانا الحبيب اللى مش بيقصر معانا ابدا وكمان نعلى راية قسمنا قسم نيسان عشان االناس المحترمة اللى فيه تستاهل كل خير,
ونعلى كمان راية مراكز الخدمة نيسان
لان مراكز الخدمة بتاعت نيسان محترمة جداا فى تعاملتهم وصيانتهم سواء كان السبع او مودرن او غيره من مراكز خدمة نيسان المعتمدة
ودايما نيسان للامام والافضل
بارك الله فيك يا استاذ أحمد..
كويس ان حضرتك جبت رقمه.
المهندس حاتم زوق جدا جدا..وخدوم فوق ما تتصور.
إن شاء الله لو بإيده حاجه مش حيتأخر.
و إن شاء الله الاتفاقيه تتم على خير.
most welcome I am with you specialy in that related to spareparts
ايه آخر الاخبار يا جماعه ... عايزين خبر حلو يفرحنا
اخر الاخبار
بعد ما جبت رقم تليفون المهندس حاتم اللى شغال فى توكيل السبع واغلبكم عارفينه , انه شخصية محترمة جدا وفوق الوصف والخيال بجد , وانا يشرفنى انى اتعرفت على شخصية زيه بتخدم لوجه الله
كلمته وقولتله على الفكرة اننا عاوزين نعمل اتفاق مع السبع فى موضوع الخصومات على الصيانة وعلى قطع الغيار واعمال السمكرة , و رحب بالموضوع وقالى انا حعرض الامر على الادارة عندهم فى السبع
وبعد كدا لما عرض الموضوع بالكلام وطرح الفكرة شفهى عليهم مكونوش فهمين الفكرة بشكل عملى اكتر
فبعد كدا قولتله انا حبعتلك كل العروض اللى ابرمها المنتدى عندنا مع التوكيلات والشركات الكبرى عشان تطبعها وتعرضها عليهم
وفعلا استاذ حاتم رحب بالفكرة وبعتله الموضوعات بتاعت عروض المنتدى , وسلمها ليهم فى الادارة وبلغوه انهم بيدرسوا الموضوع كام يوم وبيعرضوه بينهم وبين بعض لحين اتخاذ قرار
وهو متابع معايا هناك ولو فى اى اخبار جديدة حيبلغنى بيها عشان لو حصل نصيب والموضوع تم على خير حيقابلنى هناك ويعرفنى بالناس اللى حنعمل معاها الاتفاق
فالموضوع دلوقتى بقا عندهم فى السبع ومع استاذ حاتم اللى متابع معانا الموضوع بكل جهد وحب ايضا للمنتدى ولاعضائه الكرام
وفعلا هوانسان محترم وخدوم وشخصية مجتهدة فى عمله وبيحب عمله جدا , وربنا يكرمه ويوفقه
ربنا يكرم ان شاء الله
بس ليه حسس انهم اول ما يقعدو يتكلمو مع بعض هتيجي سيره الزحمه المرعبه اللي بيعانو منها في الفرع ده
فحاجه من اتنين
يا اما هيفكر جديا في موضوع كان مطروح داخليا قبل كده بالتوسع
يا اما العرض هيترفض علشان مش هيقدرو يستوعبو العدد اللي اكيد هيزيد عن الوضع الحالي بكتير
تفائلو خيراً .....
والله ما دام فرع السبع دول محترمين ... وكمان بتقولوا إن الفرع ده بيبقى هادي ....
يبقى إن شاء الله لما يعملوا تخفيض هيزيد الشغل عندهم عشان كمان أعضاء المنتدى دول مش قليليين ,,, هو بس الأعضاء تعرف كويس ان في تخفيض وكله يروح هناك ,,,,
هتبقى توكيل , معاملة محترمة و تخفيض , في ايه احسن من كده ....
يا مسهل ...........
والله يا دكتور احنا بنسعى وبنجتهد وادعى ان ربنا يكرم باذن الله , كل ده مناوشات فى التليفون وكنا مفروض نروح وناخد معانا العروض , بس لما كلمت المهندس حاتم هو قام بالواجب وعرض عليهم الفكرة بالاوراق والعروض المشابهة لموضوعنا , وربنا يكرم , ولو فى خير لينا وليهم اكيد حيتم على خير باذن الله , وفعلا المهندس حاتم مش بيتاخر عن اى خدمة فى حدود اللى بيقدر عليه ,
وانا قولتله وبلغته كمان على موضوع ان توكيل السبع مفروض يتوسع عشان الناس اللى بتحب التوكيل وبتثق فيه عددها بيكبر جدا , وانشاء الله يكون فى توسع عن قريب ليهم باذن الله فى القاهرة وفى المحافظات كمان
----------------------------------------------
Eng:mohamed
فعلا , انا مكنتش مصدق الا لما كلمته واتعرفت عليه , والراجل ده حقه يتعمل ليه قصيدة شعر بجد بسبب ذوقه
----------------------------
moomnighttoo
فعلا السبع ناس محترمة جدا والكل بيشكر فيهم , ونتمنى ان يكون بينا اتفاق , عشان تدوم المعرفة والود اكتر واكتر , لاننا بصراحة حابين مركز السبع وحابين نرتقى بيهم زى ما هما دايما بيرتقوا بينا ومش بيقصروا معانا فى حاجة
توكل على الله
دى حاجة مفيدة جدا
اهم حاجة منكسلشى
اعتقد ان الخطوه دى خطوه جيده جدا و انا اعتقد اننا نبدا بتوكيل واحد او اثنين و بعدين نشوف الباقى
انا اقترح توكيل يونايتد جروب ,, برضه ناس محترمه
ياريت لو حد فعلا يعرف حد فى اليونايتد جروب والعوضى يبقا تمام
وعايز اقولك كمان ان توكيل مودرن محترم جداااااااا وفى كام شخصية ذوق جدا اتعاملت معاهم عن قرب وبيخدموا من القلب
انا معايا رقم المهندس حاتم و هو 0120240612
فكرة جميلة جداً و ياريت لا تنسوا الإسكندرية
ايه اخر الاخبار ؟؟
مفيش اى تطور؟
ايه يا رجالة مافيش جديد بخصوص التخفيضات ....... ؟؟؟؟
ربنا معاكم ......
:shine[1]: :rfds:
والله اخر الاخبار بالنسبة الى السبع
الموضع كان مع المهندس حاتم , وهو جاهد وحاول عشان خاطرنا ومنفعش
هو بعتله العروض اللى عملها المنتدى مع التوكيلات الكبرى والمهندس حاتم مشكور عرضها على الادارة فى السبع وبعد كدا الجماعة هناك رفضوا بشياكة
وبصراحة المهندس حاتم مشكورا انه وقف معانا وكتر خيره بجد ومفيش نصيب
كدا فاضل باذن الله مودرن , وقريب حروح اقابلهم واشوف موضوعنا وصل الى فين لان الموضوع مع واحد هناك محترم جداااا اسمه استاذ عبد الجواد ماسك قسم الكماليات وراجل فى منتهى الذوق وربنا يكرم
لان مودرن بردوا مركز خدمة كبير جداااا وليه فروع فى المحافظات
ربنا يكرمك يا أستاذ أحمد ......
بالنيابة عن مُــــلّاك سيارات نيسان وأعضاء المنتدى الكرام أشكرك على عملك الدؤوب بشان إيجاد حل والتفاوض من أجل إفادة الجميع بالخصومات والتخفيضات .... وأشكرك أيضاً على تواصلك معنا وإفادتنا بالتطورات أول بأول .....
جزاك الله كل خير وإن شاء الله في ميزان حسناتك .....
:Ta_clap[1]:
ولا يهمك يا استاذ احمد..ان شاء الله تعبك ييجى بفايده.
بس السؤال هو ايه سبب الرفض من جانبهم؟؟؟
أكيد رؤيتهم لباقى التوكيلات مع المنتدى حيكون حافز ليهم.
هل فيه عوائق معينه منعت الاتفاق؟
والله يا جماعة الواحد مش ساكت بجد ,خصوصا لما الواحد اتعرف على ناس محترمة فى القسم هنا زيكم والله عاوز يخدكم من القلب
المشكلة بجد فى العقليات المصرية فى التسويق مش عارف ازاى وليه بقفلوا الدنيا كدا !!! وبعدين ده المصلحة حتكون ليهم قبل مننا
بالنسبة الى السبع المهندس حاتم انا كلمته قولتله يبقا يدخل هنا معانا ويبلغكم كمان بنفسه ويوضح الامور اللى حصلت هناك مع المسئولين فى خدمة ما بعد البيع
اللى قاله وبلغنى بيه ان المسئول اللى هناك قال احنا كدا كدا حنعمل تخفضيات الفترة الجاية والكل حيستفاد بيها
طبعا مفروض ان معاه العروض فى ايده وقرائها كمان وعارف احنا اتعاقدنا مع مين
وكان من العروض اللى راحتله , عرض فيات ومتسويشى وهيونداى ورينو وكيا وبريدج ستون , وكل العروض اللى عملها المنتدى مع التوكيلات الكبرى
الهم هو رفض بشياكة
ربنا يكرم ونخلص على خير الاتفاق مع مودرن ,ساعتها حروح السبع بس يكون فى ايدى عقد مودرن
قريب باذن الله حنروح انا والدكتور امير الى توكيل نيسان نفسه ونجبها من فوق على طول
بس هو الموضوع عاوز صبر وطولة بال , مع ان كل ده بيصب فى مصلحة مراكز الخدمة
بالنسبة بقا الى قصة مودرن رئيس القطاع لخدمة ما بعد البيع الاستاذ هانى المشكلة انه مش بقعد فى مكانه ومش ليه معاد تعرف تروح فيه وتلقيه, لان مرة يكون فى الدقى ومرة تلاقيه فى ابو رواش ومرة فى اسكندرية , وحتى المكان اللى بيرحوا مش بيقعد فيه الا ساعة مثلا
بس انا حفضل وراه لغاية ما التقى بيه باذن الله وهما على كلام اللى بيبلغنى جو انهم مرحبين , وناس متفاهمة
ويارب يكون الكلام ده صح
وبجد يا جماعة الواحد سعيد انى وسطيكم واتمنى اننا نلتقى كلنا فى مرة ونقعد مع بعض ونتكلم ونتناقش فى امور كتيرة فى الحياة و فى السيارات وخصوصا سياراتنا النيسان عشان نفيد بعض باى تعديلات على عربيتنا
شكلك عايز تعمل مقابله النيسان يا كبير
و الله فكره مش بطاله
بس ساعتها هنعمل ازمه لما ملاك الصني يمشو جمب بعض في شارع واحد
بس مش مشكله
ممكن لو ناوي بجد نتجمع في يوم كده علي الساعه 6 المغرب و ممكن اقتبس فكره المكان من اخوانا في قسم الاسبيرانزا و اقول جاردينا الموجود علي طريق السويس
ايه الاراء؟
يشرفنى اننا نتقابل كلنا مع بعض ويشرفنا كملاك التيدا اننا نتقابل ونقعد كلنا مع بعض كاسرة واحدة, ويارب كمان التيدا تنتشر زى الصنى كدا لان التيدا بجد حببتنى فى النيسان جدا
المهم كلنا تحت راية واحدة وهو اننا نرتقى بقسمنا الحبيب ومساعدة بعضنا بكل الافكار اللى عندنا لبعض
وبعدين احنا ممكن نعمل معاد يكون المقابلة فيه بعد فترة كبيرة عشان نضمن انه حيتحقق ويتواجد في اكبر عدد ممكن يجى كمان ,
وممكن يا دكتور حضرتك او اى حد من الاعضاء المحترمين الافاضل يتولى الموضوع ده
ويفتح موضوع مخصوص بيه
وعن المكان ممكن نقترح اى مكان يناسب الكل , ويبقا يوم ظريف نقضيه , زى ما باقى الاقسام بيتجمعوا
لان مش معقول كل ملاك النسيان متجمعوش لغاية دلوقتى على الطبيعة ولا اتقابلوا
والله فكره المقابله كانت فى دماغي بس قولت استني لبعد مقابله المنتدى اللى فى اسكندريه
وانا ان شاء الله معاكو فى اي قرار تاخدوه للمقابله
بس اهم حاجه يا جماعه نقدر نخلى استاذ خالد ( سبعاوي ) يحضر معانا المقابله لانه الاب الروحي للمنتدي وقسم نيسان ( حتى لو كان غير عربيته وجاب الكورولا :colsmil: )
وياريت نعمل بيها موضوع خاص
وانا تحت امركم فى اي حاجه يا اجمل قسم واحلى ناس
طيب مقابله عيد ميلاد المنتدي اتأجلت
انا هاعمل موضوع علي مقابله النيسان
و هحاول اوصل لسبعاوي و نشوف كده
عيب عليك يا ابو خليل
يعني كنا هنتجمع في عروس البحر المتوسط و انت مش منورنا؟!!
عموما المقابله دي اتأجلت لاسباب مختلفه و معادها المقترح 7 مايو تقريبا
قلب انت بس في مواضيه الاجتماعي هتلاقيها
و احنا في قسم النيسان بنرتب مقابله تجمعنا هنا في القاهره
ادي لينك مقابله النيسان شوف كده لو تشرفنا
http://www.nilemotors.net/Nile/143430-a.html
هل حنستفاد بالموضوع ده فى اسكندرية
الموضوع ماجلينه لبعد المقابلة بتاعت قسم نيسان يو الجمعة 30/4
وحنقعد مع بعض ونشوف حنعمل ايه فى موضوع الخصومات ده
أنا معاكم على طول الخط
والله فكرة تجنن يا رجالة
يلا قولولنا ايه المطلوب وانا معاكم
عاوزين همة ونشاط