لعمل خصومات وتخفضيات لملاك نيسان

**elamerstar** · 05-04-2010 10:43 PM

فكرة عظيمة والموضوع ده موجود فى اللانسر والبروتون هنا فى المنتدى ممكن نستشير الاخوة هناك

**Ahmed.TV** · 06-04-2010 12:17 AM

وده لينك الاتفاق اللى حصل بين قسم فيات وبين التوكيل اللى تبعهم
http://www.nilemotors.net/Nile/117520-a.html

انا اعتقد ان ذهابنا لعمل اتفاقية حيكون مع السبع او مودرن مش مع نيسان ايجيبت !

والله انا مش عارف محتاج رايكم هل بنعمل اتفاقية مع التوكيل لعمل التخفضيات ام نروح على السبع على طول او مودرن

وبعدين اذا كان مع السبع او مودرن تفضلوا تعمل مع الاتنين اتفاقية ام مع واحد منهم ؟

عن نفسى اختار مودرن لان مودرن عنده اكسيسورز لكل سيارات نيسان , وكمان في توكيل مودرن قالولى قبل كدا ان احيانا السبع بيلجا ليهم فى الحالات الكبيرة وبيبعت عليهم سيارات

فانتوا ايه رايكم !!

ارجوا من كل ملاك نيسان المشاركة بفاعلية لاخد خطوة جادة لعمل هذه الاتفاقية

وكلمت الاستاذ كريم منير المنسق العام للمنتدى فى الموضوع ده وقالى انه معندوش مانع

**amir** · 06-04-2010 12:43 AM

الله ينور علي دي افكار
هي دي الهمه يا شباب
انا معاكم و جاهز اروح وياكم الجلسه التفاوضيه دي

**Ahmed.TV** · 06-04-2010 03:14 AM

انا شاكر لكل الملاك اللى شاركوا ومستنى المزيد طبعا يشاركوا
ومش عايزين الموضوع ينام او نكسل فيه لان ده للمصلحة العامة لكل ملاك نيسان
وخالينا نعمل المشوار ده على الاسبوع القادم الجديد عشان نكون اعطينا فرصة لانفسنا خلال الاسبوع ده على الاتفاق على ميعاد للانطلاق ونكون كمان اتفقنا مع بعض على اللى حتعمله باذن الله
واتمنى منكم المشاركة الجادة فى اتمام الموضوع ده على خير , وانا شايف فى بداية كويسة من بعض الملاك اللى حابة تتطوع

**Ahmed.TV** · 06-04-2010 12:11 PM

انا عندى استعداد ا ابعت رسالة على الخاص واخد بيانات كل واحد حابب يجى معانا واتصل بيكم لغاية ما نتوفق على ميعاد ومكان نتقابل فيه

بس اهم حاجة نتفق على يوم فى الاسبوع الجى
وخالى بالكم التوكيل بيشتغل الصبح وبيقفل الساعة 5
يعنى لو حبينا نروح نروح وقت الظهر , عشان بس اللى يجى يكون عامل حسابه انه حيجى ممكن فى وقت عمله ,

**amir** · 06-04-2010 12:35 PM

المشاركة الأصلية كتبت بواسطة ahmed.tv

انا عندى استعداد ا ابعت رسالة على الخاص واخد بيانات كل واحد حابب يجى معانا واتصل بيكم لغاية ما نتوفق على ميعاد ومكان نتقابل فيه

بس اهم حاجة نتفق على يوم فى الاسبوع الجى
وخالى بالكم التوكيل بيشتغل الصبح وبيقفل الساعة 5
يعنى لو حبينا نروح نروح وقت الظهر , عشان بس اللى يجى يكون عامل حسابه انه حيجى ممكن فى وقت عمله ,

هو ده الكلام المظبوط
انا معاكم ان شاء الله
و بفكر في السبع زهراء المعادي كخطوه اولي و منها ممكن يتاح لينا خصم في باقي افرع السبع
انما مودرن انا مليش اي علاقه بيهم فمش هقدر اتصدر عندهم
السبع زهراء المعادي علاقتي بيهم كويسه الحمد لله