خلوا بالكو من محلات الكاوتشات في البنزينات!!!!!
السلام عليكم
بغض النظر عن اسم الموضوع الشعري
اسمع مني القصه ديه وخلي بالك لتحصلك
زوج اختي ومعاه اختي نازلين على اسكندريه الزراعي رايحين فرح وراجعين علطول
دخل بنزينة ما عشان يمون
قام حد من من الليي شغالين في البنزينه قاله الكاوتشات مهويه
دخل يشوف الكاوتشات الراجل فك الكاوتشات وقعد يفحصهم وهباااااااااا
واحد فيه 8 اخرام والتاني 6 !!!
قاله ماشي بكام الواحد قاله 5 جنيه يبقى عجله هتكلف حوالي 40
والتانيه مرضيش يدفعله اكتر من 2 جنيه في الخرم عمل 2 وساب الباقي
المهم دفع في الموضوع دا حوالي خمسين جنيه واتنرفز على الراجل وسابه ومشي بس كان جوز اختي متضايق جدا عشان مداش الراجل حقه والراجل قاله ياعم انت على طريق وكدا وكان شويه وهيدعي عليه !! شوف الايمان يا سلااااااااااااااااااااام !!
المهم جوز اختي راح النهارده عشان يتاكد من الاخرام اللي متعملتش عند محل محترم ووجد الاتي
ان كل الاخرام دي مصطنعه !!!!!
وتبين ان القصه كالاتي
انت دخلت بنزينه والناس شافت ان كده الى حدما مريش ومش على بالك
يا باشا الكاوتشات مهويه
تخش لبتاع الكاوتش
وهوا بيفحص الكاوتش لابس خاتم فيه مسمار !!!! من الداخل وعمال يخرم في الكاوتش السليم بتاع سعادتك وانت زي الباشا فرحان ان المشكله دي اكتشفت وانت هتكمل الطريق بدون عجل متخرم !!!!! يا سلااااااااااااااااااااااا اااااااااااااااااام
لا لما جيت عليه شويه بالفلوس دعا عليك عشان الايمان برده !!!!!!!!!
حسبي الله ونعم الوكيل !!!!
يعني من الاخر
لو دخلت بنزينه وقالولك ان الكاوتش مهوي عند حل من الاتنين :
يا تتنش
يا اما تكشف على العجل بس لازم تقيس ضغط الهوا على العجل وهوا راكب في العربيه قبل ما يفكه عشان تتاكد فعلا ان في مشكله، والا العجل هيتفك وتبدا الاخرام المصطنعه بالظهور وانت عايش في اللذيذ !!!!!!!!!!!!!!
صباح الفل على الناس الحلوين
وحسبي الله ونعم الوكيل
وخلو بالكم العربيه دي ياريس موديل 2007 والعجل بتاعها لسه زي الفل بس مبقاش زي الفل من اللي حصل
ودمتم على خير.
