السلام عليكم ورحمة الله وبركاته،،،
كان عندي سؤال يا جماعه بخصوص كاسيت الساجا:
هو ينفع يركبله aux ولا لأ؟
حد بحث في الموضوع ده؟
شكراً
عرض للطباعة
السلام عليكم ورحمة الله وبركاته،،،
كان عندي سؤال يا جماعه بخصوص كاسيت الساجا:
هو ينفع يركبله aux ولا لأ؟
حد بحث في الموضوع ده؟
شكراً
جــارى البحـث يامعلـــم :shine[1]:
السلام عليكم وحمة الله وبركاته،،،
ها يا جماعه حد وصل لحاجه؟
حد عنده ساجا يبص في الكاتلوج و يقلنا
محدش لقى حل لفكرة دي خالص
ادريان اللي في العروبة قالي انه الفكرة موجودة وسهلة تتنفذ ولكن ها تخرج الكاسيت بتاعك من الضمان بتاعوا !!!
هوة للي عايز يتعمق او يسأل بجدية على الموضوع هوة اكيد معروف ادريان اللي ورا محطة موبيل1 اللي على صلاح سالم ..
بس لا سألت على تكلفة ولا على غيرو :d
استاذ محمد هية عبارة عن وصلة بتبقى طالعة من الكايت وبتبقى male بمعنى انك تقدر توصلها على الموبايل كأنها هيد فونز او توصلها على الأيبود او على الإم بي ثري او اي جهاز انتا عايز صوته ينتقل الى سماعات العربية .. وهي طريقة افضل بكتير من الإم بي ثري بتاع الراديو واوضح في الصوت ودرجة النقاء ..
ودي شكلها ..
هيا ليها شكلين ..
اما انه الكاسيت يبقى جي فيه سوكيت في وشه لأنك تركب الوصلة زي مثلا السيراتو او غيرها ..
http://www.ce4arab.com/vb7/imgcache04900/85181.jpg
اما بقى لو الكاسيت مش كده بيتركب نفس الوصلة في قلب الجهاز الداخلي وده شكلها برضوا ..
http://www.mp3car.com/vbulletin/atta...ols-aux_in.jpg
انا اللي محسسني انها ممكن تركب عندنا في الكاسيت ......انها موجودة فعلا في النسخ الفيس لفت بتاعة الساجا 2011 هيا ووصلة اليو اس بي
ابو السيد هيا فين محطة موبيل اللي فصلاح سالم اللي عندها ادريان اللي بتقول عليه وياريت لوتعرف التكلفة بتاعتها كام اهو نريح السي دي شوية
وبعدين عندي استفسار كمان ....في شاشة العرض بتاعة الكاسيت مكتوب ام بي ثري مش عارف ايه الغرض منها يكون السي دي بيشغل اسطوانات ام بي ثري وانا معرفش اصل ماجربتش الفكرة دي خالص بس لمحة الكلمة جنب علامة الاسطوانة لما بتشتغل وتنور
والله اللي انا عارفه انه مش بيشغل ام بي ثري اوديو فقط :d
وبالنبة للمحطة فأنا اقولك فين يا سيدي الفاضل ..
انتا ماشي في صلاح سالم المتجه الى المطار ...
ها تيجي عند كبري الطيران (الجلاء) ومتطلعوش لف وارجع من تحتوا كده بقيت في الإتجاه التاني الراجع في صلاح سالم هيا اول بنزينة على ايدك اليمين .. بعد البنزينة يمين على طول ها تلاقي ادريان في وشك على طول ..
انا اصلا كنت بسأله لأني شفت تعديل في كاسيت كريزلر فان قبل كده بيتغير عدسة فيه وبيشتغل ام بي ثري بعد كده عادي جدا فكونت بسأله عليه وبصراحة الكلام ده كان من حوالي 4 شهور فعنيا حاضر انا رايح الناحية دي يوم السبت ها اسئل لحضرتك عليه .. ولكن انا شايف انها متستاهلش اني اخرج الضمان من على الكاسيت مش قبل سنة على الأقل :d
ممكن نسأل في التوكيل بتاع الكاسيت لو جبناها ممكن يركبهالنا ولا ايه الكلام ب انا معرفش التوكيل بتاع كلاريون مين في مصر ....
انا فعلا انا كمان لاحظتها وجربت اشغل اسطوانة ام بي ثري بس مشتغلتش بس الغريبة المفروض تدينى error cd
الغريبة بقى ان ظهر على الشاشة بداية اول تراك وكأن فى اول تراك شغال بس مفيش صوت فانا شاكك ان فى حاجة اكيد بتتعمل بيتظبط انه يشتغل زى الساجا الجديدة باليو اس بي
وانا ان شاء الله حبقى اسأل توكيل الكاسيت فى اسكندرية هنا على الموضوع ده عشان مشكلة الفصل كمان دى
انا بردو راي من راي mixd99999 عشان في الساجا الجديده فيه وحده منفصله تحت الكاست اللي هو هو الكاست بتاعنا فيها AUX & USB بس بتركب ازاي بقي مش عارف