السلام عليكم ورحمة الله وبركاته
YouTube - ‫ط·ط§ط¦ط±ظ‡ طھط.ط§ظˆظ„ ط§ظ„ظ‡ط¨ظˆط· ط§ط«ظ†ط§ط، ط¹ط§طµظپظ‡ ظ‚ظˆظٹظ‡‬‎
خلي بالك
اعتقد ان دي طياره كانت في ميونيخ او برلين
بس دا كان في ظروف صعبه زي ما انتو شايفين
ودمتم بصحه وعافيه
عرض للطباعة
السلام عليكم ورحمة الله وبركاته
YouTube - ‫ط·ط§ط¦ط±ظ‡ طھط.ط§ظˆظ„ ط§ظ„ظ‡ط¨ظˆط· ط§ط«ظ†ط§ط، ط¹ط§طµظپظ‡ ظ‚ظˆظٹظ‡‬‎
خلي بالك
اعتقد ان دي طياره كانت في ميونيخ او برلين
بس دا كان في ظروف صعبه زي ما انتو شايفين
ودمتم بصحه وعافيه
اول مرة اشوف حد معرض بطيارة.....
مشكور...
ده يا اما ماشية معاه ياما طيار جامد جدا
لونزل بيها كانت اتغدغت على 100000 حتة
حاجة غريبة فعلا كان هيروح هو والي معاه في الوبـــــــــــــــــــــ ــــــــــي
دى حاجة اسمها cross wind
الطريقة دى بيستخدمها الطيار اثناء الهبوط لما يكون اتجاة الهوا بزاوية مع جسم الطيارة وبالتالى هيحدفها بعيد عن الممر فا بياخد زاوية ضد اتجاة الهوا علشان يحافظ على الطيارة فى خط مستقيم ودى ببتوقف على مهارة الطيار
مش طيار جامد ولا حاجة
ده محاولة هبوط فاشلة وطار تاني..... والجناح الايسر كاد يلمس الارض ...ان ما كانش لمسها فعلا
الطيار الجامد ينزل بزاوية صح تعادل قوة دفع الرياح ..... يعني بيوزن الزاوية بتاعت الهبوط بميزان ذهب
انا اعرف واحد هبط بدون العجل الخلفي الايسر .... حصل عطل والعجل الخلفي الايسر مافتحش
يعني هبط على العجل الامامي والخلفي الايمن فقط والأجنحة لم تلمس الارض .... والطيارة طبعا اتضررت .... لكن بدون اي اصابات جسيمة .....
ده اللي طيار جامد فعلا .....لكن صاحبنا ده كان ح يتسبب في موت العشرات اللي ع الطيارة
سيبك انت ...... ربنا هو اللي بيستر
ربنا يكون في عون اللى راكبين الطيارة و هي عمالة بتلعب بيهم كده
هشوف الفيديو و ليا عوده ان شاء الله
كان قى عاصفة ورايح جامدة جدا والطيار ممتاز انه قدر حتى يحول فى العاصفة دى
بالضبط كدة، ده اسلوب معروف للهبوط فى حالات الرياح الشديدة العمودية على اتجاه الممر(يعنى رياح بعض الممر) وبيحتاج طيار متمرس وخبير لتنفيذه، مش مسألة طيار فاشل ولا حاجة، صحيح انه لم يحالفه التوفيق فى الهبوط هذة المرة لكن ده لأن واضح ان الرياح عنيفة جدا
وده رابط بيشرح موضوع الcross wind landing
Crosswind landing - Wikipedia, the free encyclopedia
وده فيديو تانى لكروس ويند لاندينج بواسطة طياره بوينح 747(جامبو)بس المرة دى ناجح ومعمول بالقلم والمسطرة زى ما الكتاب بيقول وعامله طيار متمرس
[youtube]http://www.youtube.com/watch?v=OtnL4KYVtDE[/youtube]
أنا باحب أتفرج على الـ crosswind landing ده على اليوتيوب
بس للأسف ما فيش فيديوهات كتير
بس فعلاً موضوع مرعب
بالذات لو الطيار إضطر إنه يلغي الهبوط ويطلع تاني
[youtube]http://www.youtube.com/watch?v=WDR1gGHHsck[/youtube]
كل اللى رافع الطيارة فى الجو فرق الضغط على سطحى الجناح
بمعنى سرعة الهوا واتجاهة من العوامل المؤثرة جدا فى الطيران فالموضوع بعيد عن الطيار .. صحيح فى فرق بين طيار خبرة ومتمرس وطيار تانى خبرتة اقل بس ظروف الجو فوق كل شئ فى الظروف دى
اما بالنسبة لموضوع الهبوط على العجل الخلفى الايسر فقط وطبعا انا مش بشكك فى كلام حضرتك بس بصراحة انا مستغرب الموضوع
اى نظام فى الطيارة لية بدائل بمعنى فى حالة تلف اى نضام لية البديل بتاعة يقوم بدورة وايضا البديل دة لة بديل تانى فى حالة عطلة
بالنسبة لعجل الطيارة اخر نظام تقدر تنزل العجل بية فى حالة حدوث عطل هو free fall اى نزول العجل تحت تأثير وزنة يعنى بيحرر العجلة ويسيبها تنزل بوزنها
لو طيار بركة شوية والعجل برضة منزلش ممكن ينزل بالطيارة بس بتجهيزات خاصة للممر
اللى مستغربة ان ازاى الجناح الايسر ملمسش الارض , الطيارة بتلمس الارض بالعجلتين الخلفيتين الاول وبعد كدة عجلة المقدمة , ازاى قدر يوزنها بحيث ان الجنب اللى مفهوش عجل ميهبطش تحت تأثير وزنة
+11
االله ينور يا هندسة :)
انا قلبي وجعني
امال اللي جوة الطيارة حاسين بايه
انا هاحكلكم على موقف حصلى مشابه جدا
كنت مسافر تونس لمده 10 ايام لشغل وماكونتش سافرت ليها قبل كده
المهم الرحله بتستغرق 4 ساعات وكانت مسأء على رحله مصر للطيران
وعلى ماعدينا ليبيا تقريبا والجو قلب قلبه سؤداء
مطر وبرق ورعد جنبك من الشباك مش زى مابنشوفه من الارض
ومطبات هواء غريبه بجد زى فايبريشن الموبايل
المهم قعدنا فى النظام ده حوالى 45 دقيقه من الاعصاب البايظه
لغايه لحظه الهبوط
اللحظه دى بالذات مش قادر انساها
لقيت ارض المطار عباره عن بحر ( بجد مش هزار ) لولا مبانى المطار وارض المهبط اللى منوره ماكنتش هاعرف افرقه عن البحر
وهوب --- لقينا الطياره بتطير تانى وماهبطيتشى
وفضلت طايره حوالى 20 دقيقه مش عارفه تنزل
الطيار لقيناه مكلمنا على السماعات بيشرحلنا الوضع وياريت ماعرفنا
1- الطائره اصيبت بصاعقه كهربئايه اثرت على جهاز الهبوط
2- اصابه فى الجناح الايمن فى الطائره
3- صعوبه الهبوط فى اى مطار تونسى لاتفاع منسوب المياه بدرجه كبيره وعدم سرعه تصريف هذه المياه
4- صعوبه النزول فى اى مطار لاى دوله مجاوره لصعوبه الجو
5- احتماليه الهبوط فى البحر
وبعدين جت مضيفه شرحتلنا ازاى نلبس قمصان البحر اللى تحت الكرسى وشغلو فديو على التلفزيونات للشرح ونزلو كمامات الاكسجين
-----------
شوفت بجد اسؤء لحظات حياتى وبالذات مع حالات الاغماءات والتشنجات اللى اصابت الركاب
لغايه ما حسيت ان الطيار بيحاول يهبط تانى وببص لقيت ارض المطار باينه والمياه خفت كتير عن الاول بس لقيت المنظر اللى رعبنى بجد
كميه لاتحصى من سيارات المطافى والاسعاف بتجرى جنب الطائره على بعيد
قلت بس الطياره هاتنفجر بينا
ومع اول محاوله هبوط -- الطيار هبط بسلام بس ولا كأنى كنت فى خلاط اسمنت
عرفنا بعد كده اننا الطياره الوحيده اللى فى الجو بقالها ساعه من اول دخول سماء تونس وتم تحويل جميع الرحالات الاخرى واحنا كنا خلاص داخلنا
طبعا لما نزلنا وشوفنا الجو حمدنا ربنا
عمرى ماشوفت منظر السيول دى -- عباره عن خراطيم مياه مفتوحه على الاخر
طبعا داخلنا المطار وجه ظباط لمو الجوازات وختاموها ورجعوها لينا بدون الاجراءات العاديه
ووزعو علينا مشروبات وجه اطباء كشفو على الكل بلا استثنا
عرفنا بعد كده انه كان فى خطر كبير لو هبطنا على البحر بسبب ارتفاع الامواج الكبير وكمان بسبب وجود جبال موازيه للبحر فيه خطوره كبيره جدا
الى جانب بداء نفاذ وقود الطائره
والطيار هو اللى قرر يهبط فى المطار على مسئوليته
بعد ما بلاغوه انهم قدرو يصرفو جزء كبير من المياه من على المهبط
----------------
صدقونى التجربه دى لايمكن انساها ابدا
انا طبعا مش خبير وماليش علاقة بالطيران غير اني باحب الطائرات وكل ما يتعلق بها
الراجل اللي باحكي عنه ده انا ما أعرفوش معرفه شخصية
ده كان قائد سرب في المطار اللي انا كنت فيه ايام التجنيد من حوالي ربع قرن
الطائرة كانت c130 طائرة شحن ونقل عسكري وب 4 مراوح والهبوط كان في امريكا
ولما المشكلة حصلت السلطات الامريكية طلبت منه الهبوط في البحر في موقع محدد وكانت فرق الاتقاذ مستعدة لانتشال الطاقم علي اساس ان الطائرة مصممة انها تفضل طافية فوق الماء لمدة محددة قبل ان تغرق ... والمدة كافية لانقاذ الطاقم ... وطبعا الطائرة ... باي باي
الراجل مارضيش و طلب انه يهبط في المطار على مسئولية
وفعلا ظبط زاوية الهبوط بحيث تلقت الطائرة الصدمة الاولى و بعدين انحرفت الي الرمال بجانب المدرج .... طبعا الطائرة اتضررت كتير .... لكنها لم تغرق في البحر .... وكمان الشحنة اللي فيها وصلت بسلام
ده اللي اعرفه لكن ازاي هوا عمل كدة انا طبعا ما اعرفش التفاصيل ... اكيد هو ضبط نفسة بزاوية معينة مع حساب ابعاد الطائرة وارتفاع الاجنحة
....
لغاية ما انا خلصت جيش عرفت انه بيدرس طرق طيران في امريكا وحصل على جوائز هناك وكانو بيعاملوه كعبقري طيران
الله اعلم هو فين دلوقت
يا جماعة حد فاكر طيارة مصر اللي كانت جاية من امريكا ووقعت في الجو اللي كان قائدها الكابتن البطوطي حد فاكر الموضوع ده او يعرف تفاصيله ؟
هم قالوا ان البطوطي انتحر عشان سمعوه في الصندوق الاسود بينطق الشهادة قبل سقوط الطيارة !!!!
وده اللي استبعده كل اهل الطيار وزمايله والشعب المصري كمان
لكن الكلام اللي كان بين ناس وقتها انها مضروبة بصواريخ
وان اشلاء الركاب اللي كانوا معظمهم ظباط مصريين بيتدربوا في امريكا لم يتعدى حجمها عدة سنتيميترات