الموضوع: معلومات عن اجهزة بلاك بيري

السلام عليكم ورحمة الله
بسم الله الرحمن الرحيم

دي شوية معلومات حبيت اقولها عن اجهزة البلاك بيري او البلاك بيري سرفر
اول حاجة واهم حاجة في البلاك بيري واللي يميزه عن باقي الاجهزة هي سرفر البلاك بيري والتعامل مع الايميلات لان البلاك بيري بتعامل مع الايميلات احسن من اي جهاز تاني ويقدر يتعامل مع كم رسائل كبير جدا
طبعا الكلام اللي فات ممكن اي موبيل يقوم بيه بس الميزة في البلاك بيري انه بيستلم الايميل بشكل فوري يعني زي الرسايل النصية مش لازم انك تخش تعمل تحديث او تشوف في ايميلات جديدة ولا لا . ودي من اهم مزاياه
تاني حاجة ان الايميل قبل ما يجيلك بيكون في نسخة تانية ماتخدة منه علي سيرفر بلاك بيري نفسه ده غير انك ممكن تعمل نسخة للكونتاكت (الاسماء) علي سيرفر البلاك بيري ودي حاجة مهمة جدا وفايدتها ان لو الجهاز حصله اي مشكلة او ضاع حتي
مجرد انك تجيب جهاز تاني وتدخل اليوزر نيم بتاعك والباسورد بيرجعلك الداتا بتاعتك تاني
وبردو البلاك بيري مهم للشركات او للمجموعات لان كل جهاز بلاك بيري ليه بين كود خاص بيه من خلال البين كود ممكن تعمل شات مع اي حد معاه جهاز بلاك بيري مثلا لو مدير شركة عايز يبعت رسالة عليه ل 10 موظفين يقدر يبعتهم في نفس الوقت ومن غير تكلفة

ده غير ان في حاجة مهمة وهي ان البلاك بيري بيدخل نت عن طريق سيرفر بلاك بيري مش عن طريق الانترنت العادي

واهم حاجة في البلاك بيري انك لازم تشتريه باشتراك بلاك بيري ودي مهمة جدا لان البلاك بيري من غير اشتراك البلاك بيري زيه زي اي تليفون عادي واقل كمان لان فيه بعض الاجهزة مابتدخلش نت غير بي الاشتراك
وبردو من مزايا البلاك بيري تعامله مع الفيلات المرفقة ب الايميل ( يدعم جميع برامج الـ MS office
وفي خاصية في الجاهز ان لو حد دخل الباسورد غلط للجهاز اكتر من 10 مرات بيعمل مسح اللي لكل البيانات اللي عليه
وبردو من مميزاته ان الجهاز الخامات المستخدمة في صناعته قوية جدا الجهاز فعلا صناعته ممتازة ممكن نقول زي العربيات الجاجوار كده :)

وفيه بردة حاجة مهمة ان فيه اوبشن في الجهاز بيعمل حماية للبيانات يعني لو عملت فورمات للجهاز او حتي عملتله سوفت وير لا يمكن البيانات اللي علي الجهاز تتمسح ودي عن تجربة شخصية انا جربت اعمل كل حاجة في الجهاز من فورمات لسوفت وير ومفيش اي حاجة اتمسحت من الجهاز

واخير احب اضيف ان البلاك بيري مش جهاز للملتي ميديا هو جهاز قوي جدا في التعامل مع الايميلات وكا تليفون بردو قوي جدا وعملي جدا بس بردو ضعيف جدا في المالتي ميديا يعني كاميرا ضعيفة صوت واطي كمان حجم كبير
ومن اشهر موديلات البلاك بيري
بلاك بيري كيرف

بلاك بيري ستورم

وبلاك بيري بولد


يارب اكون قدرت اوصل بعض المعلومات الخفيفة عن الجهاز ده لانه مش معروف لي ناس كتير والموضوع مفتوح للنقاش لو حد عنده معلومات يحب يضيفها او يصححلي وربنا يزيدنا من علمه

blackberry curve



General 2G Network GSM 850 / 900 /

Weight 110 g
Display Type TFT, 65K colors
Size 480 x 360 pixels, 2.4 inches
- QWERTY keyboard
- Trackball navigation
Sound ..... types Vibration; MP3 ringtones
Speakerphone Yes
Memory Phonebook Practically unlimited entries and fields, Photocall
Call records Yes
Internal 256 MB ROM
Card slot microSD, up to 16GB, buy memory
Data GPRS Class 10 (4+1/3+2 slots), 32 - 48 kbps
EDGE Class 10, 236.8 kbps
[OVERLINE] [/OVERLINE][OVERLINE]
3G No
WLAN Wi-Fi 802.11b/g
[/OVERLINE]Bluetooth Yes, v2.0 with A2DP
Infrared port No

Camera Primary 3.15 MP, 2048x1536 pixels, autofocus, LED flash
Features Geo-tagging, image stabilization
Video Yes, 240x180 pixels
Secondary No
Features OS BlackBerry OS
CPU 512 MHz processor
Messaging SMS, MMS, Email, IM
Browser HTML
Radio No
Games Yes + downloadable
Colors Black
GPS Yes, with A-GPS support
Java Yes
- BlackBerry maps
- MP3/AAC/AAC+/WMA player
- DivX/XviD/MP4/H.263/H.264/WMV player
- Organizer
- Voice dial/memo
Battery Standard battery, Li-Ion 1400 mAh
Stand-by Up to 356 h
Talk time Up to 5 h 30 min


وده جهازي المفضل في البلاك بيري
ومن مميزاته شكله شيك جدا وزنه خفيف شاشته الوانها قوية وواضحة وطبعا انه فيه وير ليس بعكس اخو الكبير ال ستورم
ومن اقوي عيوبه انه مفهوش 3 جي
يعني لما بيدخل نت السيم اعلي سرعة ليه هي سرعة ايدج
هي اعلي من سرعة الجي بي ار اس العادي واقل من سرعة ال 3جي