هنا الاستشارات القانونية

**metenawy** · 06-04-2010 05:22 PM

المشاركة الأصلية كتبت بواسطة ekrami

انا شارى شقة بعقد تمليك باسمى و اسم المدام و اسم الاولاد فى خانة المشترى و العقد ماضى علية صاحب العقار البائع اية اجرات تسجيل العقد دة و هل اقدر ابيع الشقة بالعقد دة من غير تسجيل او صحة و نفاذ

ممكن تبيع بعقد ابتدائي المعاك بس المشتري(دا اذا لقيت) مش حيقدر يسجل زيك و ممكن تعمل دعوي صحة توقيع ودي مش حتكلفك اكتر من 500 جنيه ولا حاجة بس دي قرينة علي الملكية و وليست تعني التسجيل

**نور القمر** · 06-04-2010 05:42 PM

المشاركة الأصلية كتبت بواسطة metenawy

شوفي علي ما اعتقد انم البيحكم في السعودية في الواضيع ديه الشريعة الاسلامية لكن انا لما اروح المكتب حعرفلك

شكرا لك ومنتظرة الرد

**metenawy** · 06-04-2010 05:46 PM

المشاركة الأصلية كتبت بواسطة نور القمر

شكرا لك ومنتظرة الرد

العرفته انه لايجوز لها الا مع محرم او ان يكون سنها 45 عاما او اكثر

**A.Saad** · 06-04-2010 07:12 PM

لو فيه تعدى من
مستاجر ارض زراعية قام بتجريفها وتركها بور دون اذن صاحب الارض
وهو مستاجر دون عقد من المالك
2 - جيران للارض قاموا بالتعدى عليها

ايه الاجراء اللى المالك ياخده للحفاظ على حقه

**mohamedbook** · 06-04-2010 08:09 PM

المشاركة الأصلية كتبت بواسطة elassar2010

بالنسبة للمستاجر والجيران تعمل محضر فى قسم الشرطة (اثبات حالة)وتثبت فية التلفيات كلها وتركز مع الى بيكتب المحضر كويس وتشوف هو بيكتب الى بتقول علية ولا اية
المحضر هيروح النيابة وهيتحفظ
ترفع دعوى تعويض وترفق صورة المحضر الى انت اثبت فية التلفيات وتطلب تعويض

هو لو الواحد عمل محضر في قسم الشرطة بيروح النيابة والنيابه تحفظه (يعني مبتحققش فيه )

**elassar2010** · 06-04-2010 08:24 PM

المشاركة الأصلية كتبت بواسطة mohamedbook

هو لو الواحد عمل محضر في قسم الشرطة بيروح النيابة والنيابه تحفظه (يعني مبتحققش فيه )

وكيل النيابة طبعا هيسال الاتنين والاقوال هتتكتب وغالبا هيحفظة مع ان دى ممكن تكون جناية لو اثثبت ان الاتلاف دة عمدى بس الاغلبية الى اتعاملت معاهم كبر دماغك

اصل الكلام دة بالنسبة لوكلاء النيابة فاضى بيوفر جهدة وتعبة فى قضية مخدرات فى سلاح فى قتل بيعد يحقق ب3 ساعات

**د.محمود صلاح** · 06-04-2010 10:29 PM

شكراً جزيلاً

لدي شقة تمليك وبها مستأجر قانون جديد يراوغ في الإيجار كل شهر ويتأخر بالإسبوع ,,, ما العمل ؟

**metenawy** · 07-04-2010 01:06 AM

المشاركة الأصلية كتبت بواسطة elassar2010

بالنسبة للمستاجر والجيران تعمل محضر فى قسم الشرطة (اثبات حالة)وتثبت فية التلفيات كلها وتركز مع الى بيكتب المحضر كويس وتشوف هو بيكتب الى بتقول علية ولا اية
المحضر هيروح النيابة وهيتحفظ
ترفع دعوى تعويض وترفق صورة المحضر الى انت اثبت فية التلفيات وتطلب تعويض

اما لو الجيران تعدوا على الارض بمعنى خدوا اجزاء منها وضموها لارضهم فدة حوار كبيير وممكن يبقى غصب حيازة ويبقى كدة انت هتدخل جنح وممكن يتحبسوا

يا سيدي الفاضل ارجو ان تمتنع عن الافتاء علي اسئلة الزملاء لان مهنة المحاما مثل الطب اقل خطاء قد يودي الي اضرار كتيرة اصل دي مش موضوع عربية مابتدورش ولا بتسخن دا موضوع حساس