الموضوع: تغطية لمهرجان الشيكولاتة

و الله انا كنت حاسس انه حيطلع كده من اول ما قالولى رسم دخول 35 جنيه و تدخل تاكل , قلت استحاله حيخلونا ناكل الا القليل و فى جزء من ( الرخامه ) علينا مش معروض و تدوق و خلاص , انا رفضت انى اروحو مع اصدقائى و رهنتهم انه لو طلع حلو حوديهم تانى يوم على حسابى , و مرديوش يحكو شافو ايه بس قالو عجبنا ال event و انا مش فاهم لحد دلوقتى يعنى ايه بس قالو هو كفايه عليه مره واحده و ممل

35 جنيه علبتين جالكسى قدام التلفزيون و اعيش مع نفسى

شكراً يا باشا على الشرح كان نفسى بصراحه اعرف ايه الكان موجود هناك

ربنا يجعل أيامكم كلها فرحة يا دكتور شريف
انا مش شايفه سفه بصراحة :)
قصاد انبساط البنات المبلغ مش كبير وياما بندفع أكتر من كدة في حاجات ومش بنتبسط
انا كدة اللي ضميري بيأنبني عشان مرضيتش أسمع كلام مراتي وأشد الرحال من أكتوبر لسيتي ستارز عشان المهرجان

المشاركة الأصلية كتبت بواسطة Dr.Sherif Mansy

و كان أول مقلب ان الدعوة مالهاش علاقة برسم الدخول ... 35 جنيه للفرد ايا كان السن .. يعنى الصغير زى الكبير (المساواة مهمة برضه) .. طيب و الدعوة ؟؟ مالهمش دعوة بالدعوة ...

الدعوة معناها إنهم بيدعوا حضرتك إنك تروح تدفع فلوس....واضحة آهيه...ههههههه...بس زي ما حضرتك قلت...مفيش فلوس تساوي ضحكة الأولاد ونظرة السعادة في عيونهم

المشاركة الأصلية كتبت بواسطة Dr.Sherif Mansy

و ترابيزات صغيرة لو حد من الاطفال حب يقعد عليها ، و اخيرا فى اخرها ترابيزة كبيرة 5 او 6 متر عليها كل ما يمكن ان تتخيله من الشيكولاته و منتجاتها ، شرائح شيكولاتة ، ميلفيه شيكولاته ، كور ، قوارب ، نافورة شيكولاتة بنى و نافورة شيكولاتة بيضاء ، و جنبهم طبق كريم شانتى ، و انواع فاكهة (زى الفراولة و الكانتلوب) مغروزة فى اعواد علشان تغمسها فى الشيكولاتة قبل ما تاكلها ، و بيوزعوا قبعة الشيف على الأطفال و يدخلوا عند الشيف وراء الترابيزة و يكتبوا اسمهم على الشيكولاتة بالشيكولاتة البيضاء و ياخدوه ياكلوه بعد ما الكل يصفق لهم ، و جيلاتين عادى و بالشيكولاتة ، و العاب اخرى بيمارسوها زى انهم يملوا قوارب الشيكولاتة بالكاسترد...الخ الخ

my fantasy place
ويا سلام لو يقفلوا عليك القاعة ويسيبوك ويروحوا والواحد يستفرد بأكوام الشيكولاتة دي

المشاركة الأصلية كتبت بواسطة dr.sherif mansy

لو حضرتك اخذت بالك من كلامى تلاقى انى باشكره على خدمة قدمها لى ... مش علشان نقلبها تريقة و نضحك على كده ... حضرتك لو رايح مكان ماتعرفوش بتبقى بتدور على اى طريقة تعرف بيها السكة منين ... و عموما ممكن تبعث له على الخاص و تطلب رقمه و تناقش معاه حكاية توفير تمن الجى بى اس



يا باشا اهلا بيك انت و بنتك ، بس واضح ان حضرتك مش مركز فى المكتوب تانى ...

انا مش داير ابعثر فى الفلوس او اتفنجر ... انا كنت رايح لأنى فاكر ان فيه دعوة فعالة مش منظر و بس ، و ماكنتش عارف ان ده رسم دخول بس ... و واضح من كلامى ان ده مقلب و انا شربته ، و لكن كله يهون علشان عيون بناتى ... امال الواحد دوره ايه فى الحياة لولاده ..
اما بالنسبة للكوفرتينا فماكانوش عارضين هناك ... يمكن كانوا مستنيين ان حضرتك هاتعدى عليهم فخافوا انهم يروحوا و ماتلاقيهمش فى مكانهم اللى انت بتجيب منه.
و ربنا يخليلك بنتك و ماتنساناش فى الكوفرتينا اللى هاتجيبها بالمية جنيه ..

و يجعله عامر

يظهر ان حضرتك فهمتني غلط
انا كل قصدي اني اهزر معاك لما لقيتك حاسس ان الموضوع طلع مقلب
وانا اسف اذا كان كلامى ضيقك
وارجوا انك تقبل اعتذارى
وشكرا علي ذوقك