عايز مكان واسع اعلم فيه حد السواقة

السلام عليكم

الحقيقة انا كنت عايز اعلم اختي السواقة علشان لو انا نايم ولا حاجة او مش قادر انزل تقدر تستعمل هي العربية لوحدها
فا كنت عايز مكان واسع كدة ساحة مثلا مش شارع بالطول بحيث تقدر تتعرف عالعربية براحتها من غير خطر انها تخبط في حاجة .. و تتعلم بنفسها الفصل بين الدبرياج و البنزين ..

انا عايز اعمل كدة لأن بصراحة مش مقتنع بمدارس التعليم اللي جربتها بنفسي و كل اللي خته منهم الخوف في السواقة

فا يا ريت لو حد يعرف مكان حلو و يكون فيه نور كويس اكون شاكر جدا

كمان سؤال .. العربية في التليين ..استني اما اخلص بعد كدة اعمل الموضوع ده ولامفيش مشاكل عادي ؟

اولا استني لحد ما العربيه تخلص تليين لان اللي بيتعلم رجله بتبقي تقيله علي الدواسه و دا خطر علي الموتور.
لو عاوز مكان فاضي عندك العبور هاديه و جميله جدا
ما اعرفش مكان تاني الصراحه

لو اتنت قريب من مصر الجديدة ..يبقي مساكن شيراتون خلف عمارات مصر للتعمير ..
لو انت قريب من صلاح سالم ..يبقي ساحة بانوراما حرب اكتوبر بجانب البانوراما مباشرة
لو انت قريب من العبور و الشروق يبقي مدينة ظباط الهايكستب و دي موجودة بينهما علي طريق اسماعيلية ..
لو العربية لسه جديدة ..كبر دماغك من الموضوع كله .. و حاول تأجر مثلا عربية تعلمها عليها .
بالتوفيق

عندك سوق سيارات مدينة نصر عدا الاحد و الجمعة مكان راااااااائع لتعليم القيادة

انا اتعلمت في المقطم الهضبة السفلي وياريت يوم جمعة تكون طلبة الجامعة في اجازه

السلام عليكم ورحمة الله احسن مكان تعلمها فيه هو مساكن الشروق خلف مدرسه الجوية الثانوية قربيه من النادى الاهلى مدينة نصر وشكرا

ساحة بانوراما حرب اكتوبر
أرض فضاء بجانب حديقة الفسطاط
وادى حوف

اقتباس:

---

المشاركة الأصلية كتبت بواسطة Hassan Khalil

لو العربية لسه جديدة ..كبر دماغك من الموضوع كله .. و حاول تأجر مثلا عربية تعلمها عليها .
بالتوفيق

---

+1
العربية لسه جديدة و بلاش مخاطرة :)