انتا حسدتني
انا كنت وصلت لـ 5% بالزق
وبعدين قالي تورنت ايرور ووقف كل حاجه :120146b
يلا نبدا تاني من جدييييييييييييييييد
A.Yakout
عرض للطباعة
انا شفت منه 15 حلقة من فترة
انا متفق معاه في حاجات و مختلف معاه في حاجات
بس مش هانكر اني استفدت منه كتير خصوصا فيما يخص الماسونية , و لاحظت انه في بعض الحلقات (فيه حلقة واحدة كان واضح جدا) كان ماسك المفهوم الشيعي
أنا وصلت للحلقة التاسعة و لسه مش فاهم حاجة :mahf(5):
بعد مشاهده 18 حلقه
اقدر اقول ان الموضوع على الاقل مسلى ومشوق
انا شفت لحد الحلقة رقم18 بجد مجهود عالى ...بس اكتر حلقتين شدونى هما 15 و 16
بصوا بقه أنا وصلت لحلقة 39 وأعتقد هي دي حلقة دس السم في العسل
وندمت بعد ما شفتها إني فتحت موضوع الفيلم ده , كان المفروض تجاهله , وكنت ناوي أطلب حذفه
بس فكرت شوية وقلت طالما الفيلم كده كده مشهور , يبقى نبين مواضع العور فيه و نوري الناس الفساد فين في صناع الفيلم !
في الحقيقة هما اتكلموا كلام مظبوط عن الماسونية و الصهيونية , إنما لبخوا لما اتكلموا عن الإسلام و في الأخر طلعت الحلقات كلها تمهيد للحلقة 39 (ويمكن ما بعدها)
من الأخر يا جماعة الفيلم دعوة للتشيع على مذهب الإمامية الإثنى عشرية علشان أكون دقيق
يتبع ...
الفيلم جاب درس للحبيب الجفري (وأكده إنه سني) بيحكي فيه وصايا الرسول عليه الصلاة و السلام في الساعات الأخيرة وإزاي الرسول و صى بالنساء و بأهل بيته (عسل)
وجاب أحاديث من الترمذي (من كتب أهل السنة ) بتأكد نفس الكلام (عسل)
صانع الفيلم بقه بيقول
"أسرة النبي تتكون في الأساس من أربع أعضاء أصلين
1- علي
2- فاطمة
3- الحسن
4- الحسين
و8 من الخلفاء يصبح المجموع 12 (سم و حقولكم ليه) بعدين ده خالف مذهبه و حسب فاطمة من الإثنى عشر و دي أول مرة أشوفها بصراحة !!!!
وبعدين ذكر حديث رسول الله من الترمذي (سني) أنه سيكون من بعده 12 أميرا كلهم من قريش (عسل)
وقال إن الـ 12 أمير هما الأئمة الـ 12 عشر (سم)
نقول ليه بقه
طبها كل اللي كتبت عليه عسل أقصد إنها رواية صحيحة و نؤمن بها سواء ما قاله الجفري أو ما رواه الترمزي
إنما السم بقه هو تقويل اللافندي اللي عمل الفيلم
أولا من اللي قاله يختصر أهل البيت في الـ 12 دول ؟؟
يعني
إزاي يعتبر على بن ابي طالب من أهل البيت و ما يعتبرش حمزة من أهل البيت ؟؟؟ هو نظام نقاوة ؟؟
وبعدين حط فاطمة , طيب إزاي أعتبر فاطمة من أهل البيت و لم يعتبر أمها خديجة من أهل البيت , هو في نقاوة ؟؟
وبعدين ليه ماحطتش أمهات المؤمنين كلهم ومنهم عائشة وألا علشان هو شيعي حينقي اللي بيحبهم ؟؟؟
وبعدين ليه أختار الحسن والحسين دونا عن كل ولاد علي و فاطمة ؟؟
سيدنا علي كان عنده
الحسن والحسين والعباس وابو بكر وعمر وعثمان وعلي الاكبر وعلي الاصغر وزين العابدين وجعفر وعون وأخرون
هو نظام نقاوة ؟؟؟ (وبدين مش ملاحظين ان سيدنا على مسمي أولاده باسماء الصحابة يعني مكنش في ه خلاف ولا حاجة أهه !!
وبعدين ليه خد الآئمة من نسل الحسين بس ؟ طيب و نسل زين العابدين اللي منه كل الأشراف اللي موجودين لحد النهاردة مالهم يعني ؟؟ مش من آل البيت ليه ؟؟؟؟ هي نقاوة ؟؟؟
وبعدين بالنسبة لحديث الإثنى عشر أميرا اللي كلهم من قريش , تحققت النبؤة في الأربعة خلفاء الراشدين (3 منهم مش من آل البيت) و الباقيين من الأمويين) كلهم قريشين زي نبوءة الرسول ما بتقول مش المقصود أبناء الحسين يعني زي ما بيحاول يثبت
يعني الرد على الإثنى عشرية طويل إنما أنا رديت بس على اللي جه في الفيلم علشان محدش يتفتن باللي قاله اللافندي ويصدقه
ده سم في العسل مش أكتر
abou_ruqi
انا شفت الحلقة اللي اتكلمت في المبدأ الاثنا عشري و ذكرت انهم اتقتلوا كلهم , و منها فهمت ان اللي عامل السلسلة شيعي
بس خد بالك من حاجة , انه مش شرط يكون متعمد دس السم في العسل , هو ممكن ببساطة يكون مؤمن بكده
و ما تنساش انه في نظر الشيعي العادي, حزب الله بطل , و ايران دولة واقفة في وش الشيطان الأعظم ( امريكا و اسرائيل) , و السنة كلهم خونة للاسلام ( اللي من برة و يبص على الحكام اياهم هايقول كده اكيد )ـ