الموضوع: موضوع لمناقشة فيلم (القادمون)

المشاركة الأصلية كتبت بواسطة nabaster

بنزل الحلقات من لينك التورنت ولنا لقاء بعد الفاصل

A.Yakout

+1

المشاركة الأصلية كتبت بواسطة Ahmed Samy

الموضوع طويل

ومشوق

و الحمد لله ربنا اداني اللي يكفيني فتنة الدنيا و المسيخ الدجال

بجد انا لما باقرأ او اتفرج على مناقشات حامية على مواضيع جدلية زي دي اقوى ادلتها في كثير من الأوقات غير مثبت ...و كثير منها صدق و كثير منه كذب

باتلخبط ....و ارجع احمد ربنا الف مرة انه رزقني نعمة الاسلام و الهداية

حاسس إن الموضوع هايطلع برضه حاجة زي كده واللى بيأكد كلامي توضيح abou_ruqi التالي الموضوع مليون في المية هايكون فيه معلومات بالهبل غير صحيحة طالما اللى عامله عبارة عن باحث هاوي ... لكن أعتقد إني هاشوفه برضه من باب الفضول ... والله أعلم

المشاركة الأصلية كتبت بواسطة abou_ruqi

الفيلم جاب درس للحبيب الجفري (وأكده إنه سني) بيحكي فيه وصايا الرسول عليه الصلاة و السلام في الساعات الأخيرة وإزاي الرسول و صى بالنساء و بأهل بيته (عسل)

وجاب أحاديث من الترمذي (من كتب أهل السنة ) بتأكد نفس الكلام (عسل)

صانع الفيلم بقه بيقول
"أسرة النبي تتكون في الأساس من أربع أعضاء أصلين
1- علي
2- فاطمة
3- الحسن
4- الحسين
و8 من الخلفاء يصبح المجموع 12 (سم و حقولكم ليه) بعدين ده خالف مذهبه و حسب فاطمة من الإثنى عشر و دي أول مرة أشوفها بصراحة !!!!

وبعدين ذكر حديث رسول الله من الترمذي (سني) أنه سيكون من بعده 12 أميرا كلهم من قريش (عسل)

وقال إن الـ 12 أمير هما الأئمة الـ 12 عشر (سم)

نقول ليه بقه

طبها كل اللي كتبت عليه عسل أقصد إنها رواية صحيحة و نؤمن بها سواء ما قاله الجفري أو ما رواه الترمزي

إنما السم بقه هو تقويل اللافندي اللي عمل الفيلم

أولا من اللي قاله يختصر أهل البيت في الـ 12 دول ؟؟

يعني

إزاي يعتبر على بن ابي طالب من أهل البيت و ما يعتبرش حمزة من أهل البيت ؟؟؟ هو نظام نقاوة ؟؟

وبعدين حط فاطمة , طيب إزاي أعتبر فاطمة من أهل البيت و لم يعتبر أمها خديجة من أهل البيت , هو في نقاوة ؟؟
وبعدين ليه ماحطتش أمهات المؤمنين كلهم ومنهم عائشة وألا علشان هو شيعي حينقي اللي بيحبهم ؟؟؟

وبعدين ليه أختار الحسن والحسين دونا عن كل ولاد علي و فاطمة ؟؟
سيدنا علي كان عنده
الحسن والحسين والعباس وابو بكر وعمر وعثمان وعلي الاكبر وعلي الاصغر وزين العابدين وجعفر وعون وأخرون

هو نظام نقاوة ؟؟؟ (وبدين مش ملاحظين ان سيدنا على مسمي أولاده باسماء الصحابة يعني مكنش في ه خلاف ولا حاجة أهه !!

وبعدين ليه خد الآئمة من نسل الحسين بس ؟ طيب و نسل زين العابدين اللي منه كل الأشراف اللي موجودين لحد النهاردة مالهم يعني ؟؟ مش من آل البيت ليه ؟؟؟؟ هي نقاوة ؟؟؟

وبعدين بالنسبة لحديث الإثنى عشر أميرا اللي كلهم من قريش , تحققت النبؤة في الأربعة خلفاء الراشدين (3 منهم مش من آل البيت) و الباقيين من الأمويين) كلهم قريشين زي نبوءة الرسول ما بتقول مش المقصود أبناء الحسين يعني زي ما بيحاول يثبت


يعني الرد على الإثنى عشرية طويل إنما أنا رديت بس على اللي جه في الفيلم علشان محدش يتفتن باللي قاله اللافندي ويصدقه

ده سم في العسل مش أكتر

جزاك الله خيرا على توضيح حاجة زي كده أنا لسة ماشفتش ولا حلقة وأعتقد التوضيح هايبقى مهم بالنسبة لية قبل ما أشوف الحلقة دي

ولنا عودة بإذن الله