هو ايه معني الكلام ده ؟

**romeo_6887** · 06-04-2010 02:35 AM

فيها ايه لما الواحد ميعرفش الا ناس محترمين و يتكلم شويه بالانجليزي و ميكنش عايز يتمرمط طول اليوم في شغل ما يعلم بيه الا ربنا زي شغل في المصانع عندنا ... الفتره اللي فاتت صحابي يعدوا يقولولي ان انا فرفور ... يعني ايه الكلمه دي ؟ لا انا ماشي مع بنات و لا بعد اهبل بالعربيه زي معظم الشباب كل جريمتي اني انسان محترم و مبحبش اعرف الا المحترمين و الواحد بيتكلم شويه كلام بالانجليزي في وسط كلامه و نفسي اشتغل شغلانه محترمه الصبح بس زي مخاليق ربنا ... عشان انا كده و عايز كده بقيت فرفور و كل صحابي يعدوا يهرجوا و يستظرفوا ... اعمل ايه يعني ؟

**nabaster** · 06-04-2010 02:38 AM

فكك من اي حد خليك واثق في نفسك

A.Yakout

**Kareem_A** · 06-04-2010 02:42 AM

كبر دماغك تعيش ملك

انا كنت زاي حضرتك من فترة , صحابي كانوا بيتريقوا عليا عشان بعمل حاجات محدش فيهم بيعملها

بس كبرت دماغي , و بقا الي يتريق او يقول حاجة , اخد منه الكلمة و اقله برافو عليك

بعد فترة قصيرة جدا محدش بقا بيتريق و بالعكس بقوا بيحاولوا يقلدوني

**E30power** · 06-04-2010 05:03 AM

دة نقص من الى بيقولك كدة .....انو مش قادر يبقى زيك

**الغزالى** · 06-04-2010 05:10 AM

والله يا روميووو فى صفة فى الشعب المصرى عمرها ما هتتغير
وهيا ان الواحد يتدخل فى الى ملهوش فية
فى لازم تستحمل لحد ما هما هاطيبلواااا يبعرفوااا انت وصلت لكدة ازاى
لما تبئى حاجة كبيرة وفى مكانة محترمة
عشان لاسف احنا شعب بياخد بالمظاهر

**XXXMEMOXXX** · 06-04-2010 05:22 AM

انا متفق مع ردود الناس ,, وخليك واثق في نفسك بس لازم تتاكد انك بتعمل الحاجه دي ومش في نيتك اي حاجه عشان الناس متقولكش الكلام ده وساعتها يكون معاهم حق ,, بمعنى,, موضوع الانجليزي ,, حضرتك بتقول انه ساعات بيكون في وسط كلامك ,, مش مشكله خالص عشان كلنا كده وساعات بيكون في كلام بالانجليزي اسهل واسرع ,, بس المهم مش يكون زي الانجيليزي بتاع القنوات المصريه,, المذيعه تحس انها مش قادره تفتكر الكلمه بالعربي وتقولها بالانجيليزي والكلمه اللي بعديها على طول تكون الترجمه بتاعتها (طيب قولتيها ليها بالانجليزي مادام هيا على بالك بالعربي ,بس كده عشان تبان ان البنت يعني خلاص طول عمرها كانت في بلاد اجنبيه , وهي ماتعرفش المطار منين اساسا )
ياريت تكون فهمت قصدي ,واسف طولت عليك

تحياتي

**Ahmed Galal** · 06-04-2010 05:23 AM

طالما ما بتعملش حاجة حرام يبقا ما يهمكش اى حد لانك مش هاتخلص من كلام الناس

**Eng.Geo** · 06-04-2010 09:21 AM

معلش
المشكلة مش منهم
المشكلة عندك انت
مادام سألت كل الأسئلة ده يبقي ثقتك بنفسك مهزوزة
لازم تبقي واثق من كل حاجة بتعملها
وبمجرد ما تحس بكدة هما هيحسوا انهم قليلين جداااااااا
ارجو تتقبل كلامي وبأعتزرلك لو دايقك

-

-

الموضوع: هو ايه معني الكلام ده ؟

LinkBack

أدوات الموضوع

عرض

-

-

-

-

-

-

المواضيع المتشابهه

معني هذه العباره

ما معني جي تي اي

ايه معني الكلام ده ؟!!!!!!!!!

اية معني (KICKDOWN)

الكلمات الدلالية لهذا الموضوع

المفضلات

المفضلات

ضوابط المشاركة