بمناسبه مرور عام على نزول اللوجان ما رأيك فيها

ما رأى ملاك اللوجان حتى الأن

سياره ممتازه ولكنها ليست صفقه ممتازه الى ان تنتشر قطع الغيار

انا مش من ملاك العربية بس هى تعتير صفقة ممتازة بالنسبة لسعرها و كمالياتها

عربيه :S_thum1[1]:

هوه كده عدت سنه واحده بس؟؟

عربيه جميله

سياره ممتازه و تعتبر صفقه ممتازه

عربيه كويسه

عربية ممتازة الحمد لله

عربية 10 على 10

معقولة بالنسبة لسعرها

حتي الآن ممتازة و الحمد لله .

انقذتنى من انى اركب كورى او صينى لان هى دى الفئه السعريه الى ممكن اركب فيها عربيه وتعتبر اكبر صفقه

تومبيل جامد
بلغة الميكانيكية

اقتباس:

---

المشاركة الأصلية كتبت بواسطة ahmedbakr50

تومبيل جامد
بلغة الميكانيكية

---

يابنى إسمها "ترومبيل عشرة على عشرة" :36_6_3[1]:
ده رأيى على فكرة :Ta_clap[1]:

اقتباس:

---

المشاركة الأصلية كتبت بواسطة m_bakr

يابنى إسمها "ترومبيل عشرة على عشرة" :36_6_3[1]:
ده رأيى على فكرة :Ta_clap[1]:

---

إخوات بأه

اقتباس:

---

المشاركة الأصلية كتبت بواسطة amrdiab

بسم الله الرحمن الرحيم


http://t2.gstatic.com/images?q=tbn:2...s/sign/6/6.jpg

حاولت ان اعمل مقياس من 20 معيار باجمالي 200 نقطه لقياس اللوجان كما احس بها
ووجدت الاتي وهو ما يعبر عن رايي فقط ووفقا لاداء السياره معي
كما ان هذا المقياس لهذه الفئه من السيارات ولا ينسحب الي سيارات من فئات اعلي

محمود شاكر

http://img168.imageshack.us/img168/6510/msa.png

---

حاولت ان اعمل مقياس من 20 معيار باجمالي 200 نقطه لقياس اللوجان كما احس بها
ووجدت الاتي وهو ما يعبر عن رايي فقط ووفقا لاداء السياره معي
كما ان هذا المقياس لهذه الفئه من السيارات ولا ينسحب الي سيارات من فئات اعلي

محمود شاكر
عرستى:120146b:120146b:120146b

حلو قوى النموذج اللى عملته
بس ليا شوية اسئله:
1- ليه مدى الموتور 6.5/10هو فيه مشاكل ولا ايه؟
2-التقفيل ليه 7/10ايه مشاكله هو كمان؟
3- اسعار قطع الغيار 5/10انا سالت عليها وسمعت انها مناسبه قوى ولا ياترى ده كلام كده وكده؟

اقتباس:

---

المشاركة الأصلية كتبت بواسطة derinyym

عرستى:120146b:120146b:120146b

قد الفيل وتتصر في منديل:shyy:

---

اقتباس:

---

المشاركة الأصلية كتبت بواسطة sukkar76

حلو قوى النموذج اللى عملته
بس ليا شوية اسئله:
1- ليه مدى الموتور 6.5/10هو فيه مشاكل ولا ايه؟

الموتور مفهوش مشاكل ولا حاجه ده بالعكس واخد جوايز لكن لما جيت اقيمه قيمته من النواحي الاتيه
*عزم الموتور 128 نيوتن وهو اقل من الفيرنا 138 نيوتن.
*خرج القوه اقل 90 حصان الفيرنا 105 حصان.
*صوت الموتور خشن مش هادي .
*موتور بتكنولوجيا قديمه كان في الميجان وان.
*8 صباب مش 16 صباب.
*مانيوال مفيش منه اوتوماتيك.

2-التقفيل ليه 7/10ايه مشاكله هو كمان؟

*بعض الاعضاء اشتكوا من تقفيل التنجيد فتحات بسيطه لا تذكر لكن تقلل من تقييم التقفيل.
*بعض الافراد وانا منهم ملاحظين فرق بسيط بين اكصدام العربيه وجسم العربيه"مش مطبع كويس"
*ساعات كتير الاكصدام الخلفي مبيكونش متربط كويس وده كان عندي.
ودي مقارنه بينها وبين البيكانتو وده في رايي


3- اسعار قطع الغيار 5/10انا سالت عليها وسمعت انها مناسبه قوى ولا ياترى ده كلام كده وكده؟

*مقارنه مع الفيرنا "مع الاعتراف ان الفيرنا بقالها فتره في السوق المصري" لكن اللوجان بقالها سنه ولسه قطع الغيار علي نفس اسعارها اللهم من نقص في بعض الاسعار مما لا يتفق مع كونها سياره اقتصاديه مثال المرايات الفول ابشن 1200 وقلت بقت 760 تقريبا ...زجاج اللوجان الخلفي 1600 جنيه في التوكيل
*مشكله عضو هنا بالنسبه للمساعدين واللي اتضح ان ضمانها 3 اشهر فقط.وده بعض التوكيلات بتدي عدد كليو ميترات محدد وهو 20000كم حتي يخرج من الضمان.
*اذا كانت السياره معفاه من الجمارك فمن باب اولي اعفاء قطع غيارها ايضا.
*عدم توافر معظم قطع الغيار خارج التوكيل مما يشكل نقطه ضغط كبيره اذا اردت ان تغير احداها فمكانك الوحيد هو التوكيل باسعاره
http://www.nilemotors.net/Nile/138322-4374.html
http://www.nilemotors.net/Nile/136651-a.html
http://www.nilemotors.net/Nile/136718-a.html
http://www.nilemotors.net/Nile/136143-2010.html
http://www.nilemotors.net/Nile/136358-a.html

---

خلينا نتفق ان دي وجهة نظرك و اللي هقولو دي وجهة نظري و نتقابل في اخر الشارع ان شاء الله

بالنسبة للموتور انت بتقارنوا بالفرنا من ناحية خرج موتور و عزم لكن مبصتش على وزن العربيتين و مدى الثبات بتاع الاثنين الفرنا عربية موتورها مفتري بس ليه؟ علشان العربية حجمها مش متناسب مع الموتور دي حاجة
الحاجة التانية ان اللوجان بتنزل برة اصلا بموتور اضعف من كدة و هو 1400 سي سي 8 صباب ، 73 حصان و عزم 112 نيوتن عند 3000 لفة و موتور SOHC مش عارف موتور اللوجان هنا نوعو ايه
موضوع مفيش منو اوتومتيك فده انا معاك فيه بصراحة حاجة انا مش فاهمها خالص لأن الميجان 1 كانت على نفس الموتور و كان بينزل معاها فتيس اوتو فالتوكيل ليه مش منزلها بيه مش عارف؟

نقطة التقفيل انا معاك فيها تماما

اسعار قطع الغيار انا شايف انها ممكن تاخد 8/10 مش 5 لأننا لو قارناها بالفرنا او اللانوس يبقى بنظلم لوجي لأكثر من سبب
اولا ان العربية تعتبر اوروبي و كلنا عارفين اسعار قطع غيار الاوروبي عاملة ازاي
ثانيا لما اتكلمت على اسعار قطع الاوروبي هنلاقيها بتتناسب طردي مع العمر الافتراضي فمثلا شوف طقم البوجيهات بتاع اللانوس بيقعد قد ايه و بكام و شوف طقم البوجيهات بتاعة لوجي بيقعد قد ايه و بكام هتلاقي ان لو قارنت العمر الافتراضي مع السعر هتلاقيها هي هي ان لم تكن ارخص كمان
المرايا سعرها مبالغ فيه جدا بس هي صحيح بقت ب 750 جنيه؟ فرحني و قلي اه و من امتى؟
موضوع المساعدين معاك فيه تماما
بالنسبة لان العربية معفية من الجمارك فبالتالي قطع غيارها بردو دي مش مظبوطة لأن قطع غيارها فرنساوي و ليست مغربي و بالتالي بيتحسب عليها ضرايب
و بالنسبة لأنها مش موجودة برة التوكيل فدي بدأت تتحل في اكثر من محل في امثر من حتة و من ضمنهم المهندس طلعت اللي انضم للمنتدى قريب و استنى عليها شوية هية مبقالهاش غير سنة =)

و سيبك من ده كلوا بقى قلي انت عامل ايه :Y_hi_3[1]: =)

اقتباس:

---

المشاركة الأصلية كتبت بواسطة gebreel

خلينا نتفق ان دي وجهة نظرك

وانا مقلتش غير كده

و اللي هقولو دي وجهة نظري

مفيش خلاف

و نتقابل في اخر الشارع ان شاء الله

مستنيك ع الناصيه:36_7_7[1]:

بالنسبة للموتور انت بتقارنوا بالفرنا من ناحية خرج موتور و عزم لكن مبصتش على وزن العربيتين و مدى الثبات بتاع الاثنين

انا قارنت بين الموتورين فعلا لكن الثبات في معيار مختلف وهو الارتفاع عن الارض والقابليه والقدره علي السفر ومدي اللوجان 8.5\10

الفرنا عربية موتورها مفتري بس ليه؟ علشان العربية حجمها مش متناسب مع الموتور دي حاجة
الحاجة التانية ان اللوجان بتنزل برة اصلا بموتور اضعف من كدة و هو 1400 سي سي 8 صباب ، 73 حصان و عزم 112 نيوتن عند 3000 لفة و موتور SOHC مش عارف موتور اللوجان هنا نوعو ايه

http://img39.imageshack.us/img39/4167/logang.png

موضوع مفيش منو اوتومتيك فده انا معاك فيه بصراحة حاجة انا مش فاهمها خالص لأن الميجان 1 كانت على نفس الموتور و كان بينزل معاها فتيس اوتو فالتوكيل ليه مش منزلها بيه مش عارف؟

نقطة التقفيل انا معاك فيها تماما

اسعار قطع الغيار انا شايف انها ممكن تاخد 8/10 مش 5

مش معاك لو دلوقت والعربيه يدوب معديه سنه وتاخد 8\10 امال بعد 5 سنين نديها كام وانا فسرت ليه في رايي انها تاخد 5\10

لأننا لو قارناها بالفرنا او اللانوس يبقى بنظلم لوجي لأكثر من سبب
اولا ان العربية تعتبر اوروبي و كلنا عارفين اسعار قطع غيار الاوروبي عاملة ازاي

بس مش هي الاوبل ولا حتي الاوكتافيا

ثانيا لما اتكلمت على اسعار قطع الاوروبي هنلاقيها بتتناسب طردي مع العمر الافتراضي فمثلا شوف طقم البوجيهات بتاع اللانوس بيقعد قد ايه و بكام و شوف طقم البوجيهات بتاعة لوجي بيقعد قد ايه و بكام هتلاقي ان لو قارنت العمر الافتراضي مع السعر هتلاقيها هي هي ان لم تكن ارخص كمان

العربيه لسه يدوب معديه سنه منقدرش نحكم علي عمر افتراضي بدليل المساعد اللي ضمانه 3 شهور

المرايا سعرها مبالغ فيه جدا بس هي صحيح بقت ب 750 جنيه؟ فرحني و قلي اه و من امتى؟
موضوع المساعدين معاك فيه تماما

بالنسبة لان العربية معفية من الجمارك فبالتالي قطع غيارها بردو دي مش مظبوطة لأن قطع غيارها فرنساوي و ليست مغربي و بالتالي بيتحسب عليها ضرايب

مين قال ان قطع الغيار كلها فرنسي كان فيه عضو هنا كان حاطط صور قطع الغيار والكفرات بتاعتها والمفاجأه ان منها تونسي
هدور ع الموضوع واضيف اللينك بتاعه

و بالنسبة لأنها مش موجودة برة التوكيل فدي بدأت تتحل في اكثر من محل في امثر من حتة و من ضمنهم المهندس طلعت اللي انضم للمنتدى قريب و استنى عليها شوية هية مبقالهاش غير سنة =)

بدات تتحل يعني لسه بدايات ومش كل قطع الغيار دي بعضها يعني برضه شيئ مش مؤثر
كمان بدات تتحل في القاهره واسكندريه طب والمحافظات اخبارها ايه يبقي بعد ده كله اديها ليه اكتر من 5\10 والله ده الحق ولما تتوافر هنشوف نرفع قيمتها

و سيبك من ده كلوا بقى قلي انت عامل ايه :Y_hi_3[1]: =)

عامل ملوخيه بسم الله:vctry:

مننساش يا جماعه ده تقييمي للعربيه بعد سنه مش مقياس دائم يعني ممكن حاجات كتير تعلي وحاجات كتير تقل

---

بسم الله الرحمن الرحيم

محمود شاكر

الاجابة .... القرش ... صح ولا ...للتورية

المهم ...

انا تقييمي يزيد شوية عليك .... يوصل 8.5 / 10 ...= ممتاز

ليـــــــه ؟

لان الماتور 128 نيوتن عند 3 ار بى ام ...

فالعربية بتجمع 100 كم /ساعة بسرعة 11 ثانية ...

مع الثبات والامان .........

لولا قطع الغيار كان بقى تقييم السيارة بالنسبة للفلوس (( قيمة بالنسبة لتمنها )) = 9.865421 / 10

اقتباس:

---

المشاركة الأصلية كتبت بواسطة أبو أدم

بسم الله الرحمن الرحيم

محمود شاكر

الاجابة .... القرش ... صح ولا ...للتورية

كل اللي تقوله صح يا ابو ادم يا غالي

المهم ...

انا تقييمي يزيد شوية عليك .... يوصل 8.5 / 10 ...= ممتاز

ليـــــــه ؟

لان الماتور 128 نيوتن عند 3 ار بى ام ...

فالعربية بتجمع 100 كم /ساعة بسرعة 11 ثانية ...

المشكله مش تجميع سريع ولا بطيئ لكن المشكله في النقاط اللي ذكرتها من انه تكنولوجيا قديمه من انه مانيوال بس من انه صوته خشن شويه
لكن نديله 8.5\10 امال الفيرنا تاخد كام لان في كل دول الفيرنا افضل

مع الثبات والامان .........

الثبات والامان كنت حاططهم في معيار مستقل وهو الارتفاع عن الارض والمقدره علي السفر واديتها 8.5\10

لولا قطع الغيار كان بقى تقييم السيارة بالنسبة للفلوس (( قيمة بالنسبة لتمنها )) = 9.865421 \ 10

يعني ضريبه مبيعات ومن غير جمارك والسعر كده وقطع غيار غاليه وتوكيل التعويره البسيطه بيعملها بالشيئ الفلاني ونديها قيمه مقابل النقود9.8\10 لا هي 8\10 حلو اوي عليها
ولعلم حضرتك ولا عربيه في مصر تاخد قيمه مقابل النقود النسبه اللي حضرتك حطيتها دي لان ده نتاج اكتر من عنصر من عناصر التقييم والا تبقي العربيات بتتباع بسعر التكلفه وبدون اي جمارك ومفهاش ولا غلطه والتوكيل فاتح لله وبيكسب بهامش ربح حلال:120105~352:
لكن العربيات بتتباع باعلي من سعرها 61% خلاف هامش الربح الغير معلوم للكثيرين وبدليل رخص بعض السيارات 15000جنيه من تمنها كعروض امال التوكيل كان بيكسب ايه
معنديش اعتراض علي المكسب لكن اعتراضي علي المكاسب الغير مدروسه واللي مفيش رقابه عليها
معنديش اعتراض علي الجمارك والضرائب لكن اعتراضي علي اوجه انفاق هذه الضرائب والجمارك
كيف بالله عليك تدفع اكثر من نصف ثمن العربيه جمارك وضرائب ولا يوجد طريق نظيف مدروس به ابسط قواعد الامان والنجده
كيف بالله عليك تذهب للترخيص فتعامل معامله العبيد مع ان الشرطه والمرور جهاز خدمي واجهزه غير ربحيه مرتبه من دافع الضرائب"مش رجال الاعمال بس" ده الموظف البسيط دافع ضرائب ومن مخالفات حضرتك ومع ذلك بيحطوا شويه موظفين اجارك الله لوقلت لواحد صباح الخير ميردش غير لو خد المعلوم ده غير لويه البوز
اللي يبقي نفسك انك تضربه بالجوز
خد ضرائب واديني خدمه
خد ضرائب واديني احترام

واحد يقول هو التوكيل ضربك علي ايدك وقالك اشتري
نرد نقول
قدامك اختيارين تاخد العميه ولا العوره تختار مين؟!؟!:s1[1]:
او تسيب البلد وتخلع:ask:
مين فينا مبيحلمش بعربيه:36_3_18[1]:
شوف بالفلوس اللي انت دفعتها ممكن تركب ايه في السعوديه
أسعار السيارات المستعملة في السعودية ,,,, وأسأل الله العلي العظيم أن يشفي والد كاتبه - تويوتا العربية

---

اقتباس:

---

المشاركة الأصلية كتبت بواسطة photographer

انقذتنى من انى اركب كورى او صينى لان هى دى الفئه السعريه الى ممكن اركب فيها عربيه وتعتبر اكبر صفقه

---

Exactly, i ve the same opinion. I can t compare it with other cars with the same price,Lugy wins. ( i mean the full option

سياره ممتازه و تعتبر صفقه ممتازه مقارنة بالمنفاسين ليها في الفئة السعرية
سيارة غير مناسبة للااشخاص الي مش بيحبو التامين غشان موضوع انتشار قطع الغيار حتي الان
سيارة غير مناسبة بالمرة لاي شخص معندوش استعداد انة يدفع مبلغ مبالغ فية لبعض القطع زي المراية مثلافي مقابل انة راكب عربية بتتقارن في ادائها بعربيات اغلي منها ب20 او30 الف.(وانا مش بدفع عن التوكيل لاننا شارين العربية علي ان المراية دية ب700 بمش بمزاجة يغليها كل شويةرغم ام بيقولو انهم هينزلوها عن 700جنية بس لحد ما دة يحصل دية نقط سودة)

الحمد لله إجماع عليها إلا من بعض النقاط

انا منبهر من نتيجة الإستطلاع بصراحة مشوفتش نتيجة استطلاع فى المنتدى بالمنظر ده

سياره ممتازه و تعتبر صفقه ممتازه 51
سياره عاديه و على قد فلوسها 8
سياره سيئه 1 واعتقد هيغير رائيه مع الوقت

سيارة ممتازة + صفقة ممتازة بالنسبة لتمنها او للفئة السعرية التى تنتمى اليها