ما هي عقوبة حادث السير

**vodanet** · 06-04-2010 02:56 AM

ما هي عقوبة حادث السير
انا بسئل بس لان واحد صديقى خبط اتنين واحده توفت والتانيه فى المستشفى

وهل هى مع التنفيذ ولا

**m2die4** · 06-04-2010 03:12 AM

انا الاعرفه واحد صديقى خبط موتوسيكل داخل عكسى كان راكبه شخصين ( بس للاسف شالوه و جريو بيه كان متلغم حشيش ) و عمله محضر فيه واحد قال انهم مشين على رجليهم و التانى قال انهم كانو بموتوسيكل , الاتنين داخلو المستشفى واحد رجله اتبهدلت و التانى كان رايح يضرب صاحبى راح مديلو بعصايا على دماغه

النتيجه ان الحل الودى منفعش , المحضر راح للنيابه و من النيابه قضيه و اخد برأه بس ده مش مضمون طبعاً و بالاخص لو توفى ( هو خد براءه لاسباب كتير منها ان الموتوسيكل اتشال , ليه شالوه محدش عرف يجاوب )

و ان شاء الله خير ربنا يستر علينا

**fady.bekatcho** · 06-04-2010 03:29 AM

بص حضرتك انا الى اعرفة ان مثلا لو طريق سريع وكدة براءة مع كفالة حوالى 200 جنية

وحصلت مع اتنين

الاول خالى سنة 89 سنة ميلادى

وحصل تقرير اثبت ان المتوفى كان سكران وطبعا كان طريق سريع فخد براءة

التانى حصلت معاة من قريب

على الاتوستراد خبط واحدة ومعاها طفلين
الست الله يرحمها والطفلين اصابات

خد براءة مع كفالة 500 جنية باين لان طبعا الاتوستراد معروف سرعتة وممنوع مشاة تعدى غير من الاماكن المخصصة

**djhaggar** · 06-04-2010 04:32 AM

اعـــــــدام ....ان شاء الله لانه شكله متهور في السواقة (خابط اتنين ومموت واحدة)

رجاء مراعاة الدقة فى كتابة لفظ الجلالة

8:50pm 6/4/2010

مشرف القسم 9ب

**romeo_6887** · 06-04-2010 04:36 AM

علي حسب الحادثه ... و الحمد لله الذي عافانا مما ابتلي به غيرنا ... انا عايش في رعب اني اخبط حد و اموته ... و ربنا يستر طريقنا جميعا

**Mostafa.Mahran** · 06-04-2010 04:50 AM

العقوبة فى حوادث السير بتكون عقوبة نفسية

يعنى كده كده مش هيتسجن و هيدفع غرامة و خلاص

بس المشكلة انك تعيش بذنبهم و تتخيل انك موت بنى ادم

ده الواحد لو موت قطة مش هيعرف ينام من منظرها امال لو بنى ادم هيعمل ايه؟

انا عارف ان فى ناس متخلفة حلال فيها انك تموتهم بسبب غبائهم بس معلش الواحد يحاول انه يخلى باله الى اقصى درجة حتى لو ان عربيتك هتتكسر مقابل انك متخبطش حد.

وربنا يستر على الجميع

**waelfarid** · 06-04-2010 07:51 AM

ربنا يكفينا جميعا شر الطريق وانا بادردش مع واحد زميلي في بدايات تعلم السواقة عموما قالي اول نصيحة متخبطش اي حاجة فيها روح لان فيه ناس قطتها جمل
نكتة ذات علاقة لتلطيف الموضوع
واحد عمل حادثة صدم 7موتهم القاضي بيسأله مكنتش عارف تفاديهم
قاله الفرامل هربت مني وكان قدامي حل من اتنين يا أحود شمال وده كان فيه شخص واحد لان الطريق كان مسدود يا أحود يمين وده كان محطة اتوبيس زحمة لتقليل الخسائر حاولت ادخل شمال ناحية اللي واقف لوحده
القاضي سأله وبعدين مش فاهم برضه السبعة ماتوا ازاي
ردعليه وقال أصله جري ناحيتهم لما لقاني داخل عليه فكملت وراه

**Ahmed Galal** · 06-04-2010 08:16 AM

ربنا يصبر اهل اللى ماتوا و ما حدش يقع فى الموقف ده يا رب لانه حتى لو ما فيهوش سجن كفاية العذاب النفسى و العقوبة بتنتهى على غرامة لانه قتل خطأ و ربنا يستر طريق الجميع