الموضوع: CIB عمال بيزن عشان اعمل credit card : آه ولا لأ؟؟؟؟؟؟

المشاركة الأصلية كتبت بواسطة brown-eyes

طب يا جماعة انا عامل كريدت كارد تبع بنك اتش اس بي سي
وعشان مالش مفردات مرتب كان لازم اعمل وديعة ليها وتقريبا الوديعة دي بتجيب فلوس كل فترة
والمشكلة اني محتاج الكريدت كارد ده لاني بشتري بيه حاجات من ع النت كتير غير اني مسافر بره وبسحب بيها فلوس من الكاش ماشين
ياتري الفلوس اللي بتيجي دي اعمل فيها ايه واحسبها ازاي لان الموضوع ده بقاله فترة مضايقني ومش عارف اعمل فيه ايه وبردو موضوع اني فاتح حساب في البنك مش عارف اعمل فيه ايه لان بردو بيجلي فوايد لو الفوايد دي خدتها وزعتها هيكون بردو حرام لان منبتها حرام !
ياريت توضحولي شوية الموضوع ده

الأخ الكريم
بارك الله فيك على حرصك اكل الحلال الطيب
اولا اي فلوس جتلك عن طريق الفوائد الربوية تخلص منها في منافع عامة وليس في بناء مساجد او خلافة ولا تأكل منها ولا تستخدمها لأنها حرام وبالتالي لا يجوز لك ان تأخذها.. وطبعا مش هتسبها للبنك .. فانفقها في مصارف عامة كرصف الطرق او محطات الصرف الصحي او غذا لم تجد تصدق بها على الفقراء.
طبعا واضح ان حضرتك سمعت وقرأت عن خطورة الربا وزي محضرتك عارف مفيش بنك تجاري بيستثمر كله عقد إقراض منك إلى البنك ومن البنك إلى المقترض او رجل الأعمال او الشركات ... وده مكسب البنك الفرق بين الفائدة بين الإقتراض من الموديعين والإقراض.
اولا موضوع سحب نقود من ماكينات الصرف لو مش تابعة للبنك او تابعة لرابطة 123 او ما شابهة(ماكينات تحط مبلغ ثابت كمصاريف عملية مش نسبة على المبلغ المنصرف)فهي عملية ربوية بحتة .. انت تسحب مبلغ 100 دولار ويحطوا عليك فوائد 10% مثلا وده عين الربا.
الحل ان حضرتك تأخد نقودك من البنك وتقفل الحساب وتنهي اي تعماملات معاهم ثم تضع نقودك في بنك إسلامي مثل بنك فيصل وتتطلع كالات فيزا من حسابك تشتري بيه من المحلات وليس الإنترنت داخل وخارج مصر .. وانت مسافر خد معاك فلوس كاش على قد مصاريف المواصلات والأكل فقط لو مش عايز تشيل فلوس غير كده واصرف باقي مصاريفك بالفيزا بتاعة فيصل.

وربنا يبارك فيك وعليك وييسر لنا و لك أكل الحلال الطيب

المشاركة الأصلية كتبت بواسطة ahmed4000

لان فعلا موضوع الشراء من الانترنت او انى يبقى معايا كارت وانا مسافر حاجة مهمة جدا

علشان نبقى عمليين وف نفس الوقت نبعد عن الحرام

ممكن تشوف بنك عنده ديت كارد يعنى كارت لسحب من الحساب مباشرة من غير ميكون وديعة ولا يكون السحب كريدت
وبكده كان البنك حافظ للنقود عنده فقط وممكن تشوف بنك اسلامى بيقدم الخدمة دى واعتقد البنك الوطنى اللى بقى ممكلوك للكويت بيعمل الموضوع ده

إحتمال يكون البنك الوطني للتنمية الي بيتم تحويلة منذ فترة ليصبح بنك ابو ظبي الإسلامي مثل الي في الإمارات بيقدم الخدمة ديه.
وناس في بنك فيصل بلغوني انهم قريبا هيصدروا حل لموضوع الشراء من الإنترنت
بس عموما الموضوع عايز تحري زي ما الأخ السائل عمل وبرشح الي عنده سؤال فقهي خاص بالمعملات الإسلامية يتصل بالشيخ الدكتور احمد على السالوس وهو النائب الأول مجمع فقهاء الشريعة وعصو المجامع الفقهية العالمية وأرى انه من اعلم اهل زماننا بموضوع المعاملات المالية المعاصرة والأسهم وخلافة.. والله اعلم ولا ازكية على الله.
وهذة بطاقة تعريفية بالشيخ
طريق الإسلام - الشيخ علي السالوس

هاتف الشيخ في مصر 0020222717370
واعتقد مواعيد الإتصال يوميا عدا الأربعاء والجمعة من بعد صلاة الظهر إلى صلاة العصر.

كلنا نسعى للحلال لا اشك في ذلك لذا يجب علينا سؤال المتخصصون الذين يجيدون فنون العلم (المعاملات المالية) وقواعد الشريعة وخاصة في القضايا الفقهية المعاصرة.

وادعوا إخواني إلى التحري حتى لا نقع في معصية الله بدون عذر حيث نملك ونستطيع الوصول بعدة وسائل لمعرفة الحكم الشرعي.

وجزاكم الله خيرا

المشاركة الأصلية كتبت بواسطة ahmed4000

هو فى بنكين واحد الوطنى المصرى والتانى الوطنى للتنمية ودول اشتروهم ابو ظبى والتانى الكويت الوطنى

وواحد فيهم بيقدم حساب جارى اسلامى بدون اى فوائد وبيصدرلك بطاقة عليه تقدر تستخدمها فى السحب والشراء

جزاكم الله خيرا على المعلومة
عموما بنك فيصل من زمان عامل فيزا من حسابك تشتري بيه وتسحب بيه بس انترنت لسة.
وربنا يسهل احنا وراهم لحد ميقدموا الخدمات الي عايزنها بما يتوافق مع الشرع
وربنا يهدينا إلى ما يحب ويرضى
وجزاكم الله خيرا