بدء تصنيع جيب رانجلر 4 أبواب في مصر

http://www.youm7.com/images/NewsPics...0104201126.jpg

أعلنت شركة "النيل الهندسية" وكيل شركة "كرايسلر إيجيبت" في مصرعن بدء إنتاج السيارة "جيب رانجلر" الشهيرة فى مصانعها داخل مصر. صممت السيارة الجديدة ذات الأربعة أبواب، حيث هذا التصميم تطرحه الشركة لأول مرة فى مصر.

زودت الشركة السيارة "رانجلر Unlimited" 2010 بمحرك قياسى SMPI V6 سعة 3800 سى سى لمواجهة جميع أنواع الطرق. كما أشارت الشركة إلى أن السيارة الجديدة ستكون متوفرة فى الأسواق فى منتصف شهر أبريل الحالى بسعر 245.000 جنيه.

http://www.lincah.com/wp-......./upl...-1-588x441.jpg

http://image.automobilemag.com/f/149...+side_view.jpg

http://image.automobilemag.com/f/149...arter_view.jpg

انا قريت الاعلان بتاعها و فعلا كنت سعيد جدا لان هي دي السياره اللي طول عمري بحلم بيها رانجلر و 4 باب كمال, سيارة الدفع الرباعي المثاليه. بس صحيت على الواقع المر اللي حطتها فيه حكومتها, العربيه في امريكا تمنها اقل من 20 الف دولار يعني بالكتير 110 الف مصري بس لازم تشتريها ب 250, يعني حكومتنا الرشيده بتاخد مره و نص اللي بيتصرف على العربيه من خامات و مصنعيات و مصاريف تكنولوجيا و تطوير و مكسب الشركه الام و ضريبة التصنيع اللي بتاخدها امريكا نفسها على المصنع و ضريبة الدخل اللي بتاخدها حكومتهم هناك من العمال و المهندسين و حملة الاسهم. يعني كل دول بياخدوا فلوس و بيتصرف عليهم على حس العربيه و ياخدوا منك 100 الف بس , و تيجي حكومة بلدك لأنك اتولدت مصري علشان خظك الهباب تاخد منك 150 الف علشان اتجننت و فكرت تشتري عربيه في حياتك بدل زنقه الاوتوبيسات و زحمة المترو و لطعة و اهانة الميكروباصات, و لانك اتجرأت و حبيت تحافظ على كرامتك و كرامة مراتك. بيدفكوك ضريبه انك على قيد الحياه و عايش تعيش و مش كده بس لأ و الف لأ لما تيجي ترخص حتدفع 2% من تمن العربية يعني 5000 جنيه كل سنه يعني 500 كل شهر يعني مش كفايه خدوا تمن العربيه مره و نص في الاول لأ حياخد قد اللي حتصرفوا على العربيه كل شهر مره و نص كمان. كمان شويه حتلاقيهم قاعدين معاك في البيت كل ما تقضم لقمة عيش تلاقي واحد جنبك بتاخد قصادها قضمة و نص.
معلش اصلي اتخنقت, بحب العربيه جدا بس خلوها مستحيله! عموما معروف ان الرانجلر وحش الصحراء و علشان كده اكتر جيوش العالم بتمتلكها و اشد بكتير من الشيروكي نفسها

خبر حلو جدا
العربيه دي فعلا كانت محتاجه موديل 4 باب

شكرا جدا

245 الف
بكده يبقوا وقفوا سوقها قبل ما يبيعوها
امال لو هتيجي من بره هتيجي بكام

بقي حد يصدق ان الشكل القديم ده حد يشتريه اصلا

صحيح بلد العجايب يا مصر

عربية جامدة طبعا
بس الصغيرة احلى وشبابي اكتر

طبعاً السعر والضريبة هيقفا عائقاً أمام الإنتشار

عربية تحفة!