هل جربت تشترى حاجة من على النت ؟

**خالد** · 08-05-2010 09:55 PM

المشاركة الأصلية كتبت بواسطة moh_zaher

المشكله بقى ان ولا ebay ولا amazon متعرفش تشتري منهم من مصر
لانهم محتاجين اكونت على باي بال و البنك ده مابيشتغلش في مصر
لو حد جرب و عرف يشترى من عليهم ياريت يقولى لاني محتاج حاجات ومش عارف اجيبها خالص

اللى أنا عارفه أن الباى بال ده نظام دفع زى الفيزا كارت كده مش بنك ولا حاجة
ياريت اللى أشتروا من الموقعين دول يفيدونا

**M.Zaher** · 09-05-2010 12:54 PM

المشاركة الأصلية كتبت بواسطة خالد

اللى أنا عارفه أن الباى بال ده نظام دفع زى الفيزا كارت كده مش بنك ولا حاجة
ياريت اللى أشتروا من الموقعين دول يفيدونا

لاء ياباشا الباي بال ده بنك الكتروني بتقوم بتعبئه رصيد فيه عن طريق الفيزا او تحويل الاموال او اي طريقة متاحه ليه
و بعدين في مواقع الشراء زي الاي باي بتقوم بالشراء عن طريق الباي بال
جرب تعمل شراء في ال ebay هايقولك ادخل حسابك على الاي باي

**Xenophobik** · 06-06-2010 05:11 PM

السلام عليكم
لو هتشتري حاجة من على النت انصح بانك تتعامل مع الشركة الأم نفسها عشان تتفادى أي عمليات نصب من الناس اللي على Ebay و Amazon
أنا جبت iPad من موقع Apple ولابتوب HP Envy من موقع HP وشحنتهم عن طريق ال-DHL و الحاجة وصلت مصر واستلمتها من فرع 6 أكتوبر في 10 أيام بالضبط ومقارنتا بالاسعار هنا موفر حوالي 5000 جنيه من السعر الاجمالي بتاع الحاجة بعد الشحن وضريبة المبيعات
لو ناوي اتوكل على الله بس أهم حاجة تشتري الحاجة من موقع الشركة الرسمي