اقتباس المشاركة الأصلية كتبت بواسطة mohammad_alshamy مشاهدة المشاركة
متأكد انه صوت موتور ؟؟ اصلي من سنه حصلي الموضوع ده واكتشفت بعد شهر انها خشونه في البلي الامامي !!!!!! وكان صعب جدا عليا وقتها اني افرق بين صوت الموتور وصوت البلي

عالعموم لو شكيت في البلي ممكن تعمل الأختبار المعتاد
عند الوصول لسرعه 100 مع وجود صوت عالى افصل الغيار , وشوف الصوت ايه اخباره
لو اختفى يبقه فعلا صوت موتور ووقتها بص على نضافه الفلاتر وبص على الشكمان كمان , واعمل للعربيه السيرفس بتاعتها
ولو الصوت فضل موجود حتى مع فصل الغيار , فـ زياده للتأكيد اطفى الموتور لمده ثواني وانت ماشي و وقتها لو الصوت فضل موجود يبقه الموضوع بلي بنسبه 100%
بس خلي بالك طبعا من استخدام الفرامل وقت ما تكون مبطل العربيه وهي ماشيه
وخلي بالك متقفلش المفتاح خالص عشان الدريكسيون ميقفلش (يسوجر) يعني خلي المفتاح على on وخليك حذر جدااااااااا
الف شكر على اهتمامك

هجرب اعمل كدا فعلا انهاردا مع انى عملتها انبارح بس مكنتش مركز اوى انى اراقب الموضوع دا بس ان شاء الله وانا راجع انهاردا هجرب الموضوع دا


وانا هعدى على الموكينيكى يوم الخميس ان شاء الله عايز احط العربيه على اسكانر كنوع من الصيانه


والشكمان انا شاكك انه فيه خرم بس خليت الراجل بتاع العفشه يبص عليه قالى مفهوش حاجه بش ممكن من النيكل ال انت حطه فى نهايه الشكمان هو ال بيعمل الصوت دا