ملحوظة غريبة لو ممكن نفكر فيها سوا

**samirayad** · 06-04-2010 05:59 PM

طب و لو عايزين نتفادى القصة دي نعمل ايه ؟

تنك البنزين ياباشا
المفروض يتنظف ويتروق كل فتره زمنيه طويله من الأستخدام
بسبب الوساخه اللى بتبقى فى البنزين
وراكده فى القعر

**samirayad** · 06-04-2010 06:00 PM

المشاركة الأصلية كتبت بواسطة kasten

مشكور على الموضوع الجميل ده

ربنا يخليك
وشكرا على المرور

**تامر.محمد** · 06-04-2010 06:23 PM

خلاص خير ان شاء الله يا باشمهندس
شوية كده و ابقى اعمل الموضوع ده ان شاء الله
انا اصلا ما عملتوش في السنة و شوية اللي العربية قعدتهم معايا , و ما اظنش ان العربية اتعمل لها كده قريب اصلا

و اهو بقى عندنا سبب كمان ممكن نزوده لقائمة احتمالات ضعف السحب
:)

**samirayad** · 06-04-2010 06:37 PM

و اهو بقى عندنا سبب كمان ممكن نزوده لقائمة احتمالات ضعف السحب

صح كده

وعلشان تكون مطمن أوى قبل ماتحله
أن دى رواسب فعلا

فول بأستمرار

وكل ماتستهلكلك صفيحه مثلا
أو تعمل 150 كم مثلا
روح على طول وفول ( من مكان محترم برضه )

وعلشان تشيك على الأحتمال ده بنفسك
ولو الظاهره دى مبنتش معاك

يبقى تفكيرى صح

لأن الأخفاق وارد برضه مع أى فكر مهما كان

لأن الكمال لله

جل علاه

**samirayad** · 06-04-2010 08:57 PM

المشاركة الأصلية كتبت بواسطة waelkaramany

يا باشمهندس سمير انا بحس الموضوع ده معايا صحيح مش بالصورة اللى بيتكلموا عنها الاخوة الاعضاء . مع ان عربيتى لسه زيرو بس لما بفولها بحس ان ساحبها بيبقى عالى اوى ومن اقل لمسة بتطير (بمناسة موضوع الطيران انا عارف انك حابب مواصيع الطيران اللى طالعة اليومين دول) وعلى فكرة انا بحط بنزين 92 يعنى المفروض ان التانك ملحقش يرسب ولا البنزين ده برضه ......

حقيقى الوضع عندك يحير شويه

يا أبو يوسف

المفروض الأحساس ده يبقى مش موجود أساسا

وأنا عربيتى أقدم من عربيتك

ومفيش الكلام ده

دا غير أن المفروض أن تنك البنزين يعمل بكفاءه مع جميع مناسيب البنزين اللى حتبقى جواه

بأمان تام
دون التأثير على كفاءة سحب الطلمبه وضخ البنزين عامة

فمش عارف أاقول أيه الصراحه

فهل ممكن تكون أنك تعرضت لعملية غش تجارى
ومونت بنزين مره أو أكثر ومكنش نظيف

وفيه عندك نسب تلوث خفيفه فى التنك

جايز ..............والله أعلم

**waelkaramany** · 07-04-2010 12:43 AM

يا هندسة انا لما بقرا تعليقاتك بحس انك دكتوريعنى انت الباشمهندس الدكتور ... اما موضوع السحب بتاع العربيه انا العربيه الحمد لله سحبها جميل جداا ..انا قصدت اقول انى لما بفولها بحس انها بقيت خفيفة جدااا وبتسحب جامد من اقل لمسة بينما لما يكون التانك ع النص يبقى ساحبها طبيعى عادى يعنى فهل ده له تفسير؟!

**samirayad** · 07-04-2010 12:57 AM

اما موضوع السحب بتاع العربيه انا العربيه الحمد لله سحبها جميل جداا

الحمد لله

انا قصدت اقول انى لما بفولها بحس انها بقيت خفيفة جدااا وبتسحب جامد من اقل لمسة بينما لما يكون التانك ع النص يبقى ساحبها طبيعى عادى يعنى فهل ده له تفسير؟!

نفصله تفسير منطقى برضه يا أبو / يوسف

ونظرا لظروف أنك لسه زيرو

فجايز ............جايز

يكون خط الفائظ بتاع التنك مش شغال عندك بكفاءه كامله

بحيث مبيحصلش تهويه وتنفيس عن التنك بالصوره الصح مع هبوط مستوى البنزين بالتنك

فوارد جدا
يكونوا فى مركز تقفيل السياره مقاموش بالواجب الهندسى الصح مع خط الفائظ بتاع تنك البنزين

كأعمال تركيبات صح بين زور التنك وبداية خط التموين من الداخل

يعنى يجب تخليهم يطمنوا على الخرطوم ده فى الزياره القادمه للتوكيل

بس برضه خللى فيها ريال ولا حاجه للميكانيكى
علشان يدى الموضوع أهميه برضه

فيه مثل حلو برضه يا أبو يوسف ( أنا لسه مألفه حالا )

شخشخ جيبك بنجاح ...............تعيش مرتاح

**waelkaramany** · 07-04-2010 01:18 AM

المشاركة الأصلية كتبت بواسطة samirayad

الحمد لله
فيه مثل حلو برضه يا أبو يوسف ( أنا لسه مألفه حالا )

شخشخ جيبك بنجاح ...............تعيش مرتاح

ههههههههههه

**engoss1990** · 07-04-2010 01:55 AM

المشاركة الأصلية كتبت بواسطة tlrsiap

همممم , هو وارد و منطقي , بس طرمبة البنزين دي جديدة , هل ممكن مثلا يكون انسداد في اي مكان في دورة البنزين ؟ مع ان حاطط منظف دورة البنزين قريب ؟

مش عارف ليه شاكك في منظف دورة البنزين اللي حضرتك حطيته
لاني من ضحايا هذه المنتجات اول مرة اجربو بعديها باسبوع غيرت الرشاشات فنصيحة اخوية بلاش و ممكن تبقي صدفة بردوه

-

الموضوع: ملحوظة غريبة لو ممكن نفكر فيها سوا

LinkBack

أدوات الموضوع

عرض

-

-

-

-

المواضيع المتشابهه

ملحوظة وعايز اخد رايكوا فيها...

فكره ممكن نفكر فيها مع بعض؟

ملحوظة غريبة في اللوجان و محتاج أرائكم في التعامل معاها

ملحوظة غريبة اوى

الكلمات الدلالية لهذا الموضوع

المفضلات

المفضلات

ضوابط المشاركة