حكاياتى مع الافيوا بالتفاصيل المملة

الموضوع كذا محور
1- الحجز 10/11/2007 منصور المهندسين
2-الاستلام 13/1/2008 كنت حاجز نبيتى كاملة مانيول مكنش فية خت سماوى و السواق جيبها من المخزن و طالع معرض المهندسن اتحكت و استلمتها لانى لو كنت استنات غرها كنت هستنى اسبوع تانى بس رحت مخزن ابو رواش تانى يوم فى خمس دقائق رجعت زى الاول العربية كويسة جدا بالنسبها لانها كورى تافيل مصرى الخمات البلستك مش اد كدا زى غطاء علبة زيت الفرامل الجوان بتاعة عامل زى الجوان بتاع غطاء البيبسى بس اكيد اكبر بس انا كنت راكب المانى قبل كدا فاكيد المتانة حاسس بها بفرق لكن العربية مريحة جدا انا طبعا مجنون و كان لازم اعرف كل التافاصيل عنها الشكمان من مصنع ابوا اليذيد الى فى اكتوبر الكراسى تاكى المتور لانوس 2 مع بعض التعديلات فى حساسات الانجكشن الى خلتها متكلش بنزين العفشة خليط بين الانوس و النوبيرا مقص امامى نوبيرا و دة مخليا اسبت من الانوس بكتير البور تحفة التكيف تلاجة الفرمل و طية شوية بس كويسة الدبرياج تحفة النقل خشن شوية بس دة علشان برودة الجو زيت الفتيس متجمد الدوارة فى لحظات
-----العيوب الى اكتشفتها حتى الان و دة طبعا بسسب الايدى العاملة المصرية العظيمة
1- فى رعشة بسيطة فى الدلكسون و دة طبعا ترصيص بس بسيطة اوى يعنى حد تانى غيرى مش هياخد بالة
2-ماكنتة الزجاج الشمال اسرع من اليمين ب 5 سوانى و دة طبعا مش عاب مكنة و لكن عيب الى ركب الزجاج لان الزجاج مش مترجلش فى المجرة بتاعة الباب كويس فخلت المكنة تتقل بنسة 5 سوانى
-----------------------------
بخصوص شركات التامين طبعا انتوا عارفين ان التامين المفروض انك بتتدفع فلوس كل سنة علشان تتعوض فى الحوادث فكان لازم اعرف هتدفع و استفيد و لا هدفع و بس رحت معضم الشركات ماعد الشركات الخاصة لانها بنسة عليا بس اكيد خدمة كويسة بس مش مستهلة
1- الجمعية المصرية
ارخص نسبة 1.6 اكيد فى اسباب نزلت الدور السادس بلاغات الحوادث زحام تاخد مذكرة و تكتب حكاية حتثتك و تستنى العوض
2-الشرق( سابقا) لان مصر للتامين دمجت الشرق و اعادة التامين لنفسها يعنى كولوا بقا مصر بس هما لسا فى مرحلة اندماج و غلطتى انى رحت الشرق لانى رحت الشرق و عملوهالى فى مصر و لما جات اطلب جواب سدسد قلولى معندندناش ختم مصر لان مبقاش فى حاجة اسمها شرق فى حاربت لد مخت ختم مصر النسبة 2% +100 دمغات و نسبة مندوب التامين

بجد شكرا علي التفاصيل المملة بي هي مش مملة خالص و مفيدة جدا .. و ياريت كل الناس تعمل زيك علشان تبقى عارفة اصل و فصل سيارتها

و شكرا برده للمعلموات عن بتوع الـتأمين .. انا بصراحة لحد دلوفتي .. خايف منهم .

يعني المحصله النهائيه انت مرتاح للافيو ولا لاء؟

اة اكيد مريحة

Thnx 3la Al Tfasel Bs Ana R2ii Ank Knt Rakeb German W Al German Myt3wdsha Ana Shaif Anha 7aga 3'reba Ank T3'ir German B Korean Bs 3momn Mabroooooook W Isa Tb2a Kwisa M3ak





















Ibiiiiiiiiiiiiiiiiiiiiiiiiiiiiiiiiizzzzzzzzzzzzzzz zzzzzzaaaaaaaaaaaaaaaaaaa For Ever

ممكن أسأل عن :

1- استهلاك البنزين عامل ازاي ؟
2- مراكز الصيانه ممله وزحمه ولا الموضوع سهل ؟
3- الثبات في السرعة العالية عامل ازاي والملفات ؟
4- لسه مشكلة التأخير في التسليم دى قائمة ؟


واسف علي الأطاله .

ربنا يباركلك فيها

مبروووك يا شادي
ربنايعطيك خيرها ويكفيك شرها
ما تشغلش بالك بالحاجات الصغيرة دي
ممكن تعديلها في الصيانة وانا حسب علمي ان الوكيل محترم

مبروووووووووك يا باشا :)

شكراااااااااااااااااااااا ااااااا

التسليم دلوقتى بقى 3 شهور بدل من شهر و نصف
7استهلاك البنزين فى الطرق السريعة كويس جدا
الثبات بالنسبة للكورى كويس جدا قريب من النوبيرا

مبروك يا شادى الف مبروك
انا اللى كلمتك قبل كده وكنت معاك خطوه بخطوه حتى ساعه استلام العربيه

على العموم الف الف مبروك وربنا يديك خيرها ويبعد عنك شرها يارب .... امين

اما بالنسبه لى فأنا لم استلمها حتى الأن بس انا تبع ابوغالى ... ومش عارف ليه ... اتخنقت معاهم ومع منصور وبصراحه الناس فى منصور فعلا محترمه اكتر بيحولوا يريحونى جدا اما بالنسبه لأبو غالى هما متعبين وبتوع كلام وبس مش عايزين يدونى عقاد نافع مخصرنى لغايه دلوقت اكتر من 5 الاف جنيه
اولا اتنين بتوع انهم بيسلموا بالسعر الجديد مش القديم زى منصور للى حاجز من زمان و3 الالاف جنيه فى العربيه القديمه بتاعتى لإنهم قاعدوا يأخرونى لغايه ما طار الزبون وأضررت أبيعها لأى واحد بأى سعر بالرغم من قله المدفوع عن 3 الالاف جنيه وفى الأخر ماسلمونيش حاجه وكمان لسه ما أستلمتش حاجه لغايه دلوقت انا مش عارف أعمل معاهم ايه

هما بيقولولى ان الأمر مش بأييديهم وان منصور هو اللى مأخرهم بس انا مالى انا المفروض استلم من زمان دى مشكله بينهم هما وانا مليش دعوه بيها

على العموم سيبك النهارده هيكون المجزره الكبرى ويا انا يا هما .... وانا بفكر يا اعمل ليهم محضر يا اشتيكيهم فى جهاز حمايه المستهلك بس انا مش عارف اعمل ايه بالضبط وفين الجهاز ده وازاى اعمل الشكوى

طبعا ممكن حد يقولى طيب ليه ما تخدش فلوسك وادور على حاجه تانيه انا فعلا فكرت كتير فى الموضوع ده وكل ما افكر فيه استحرم انى اضيع الوقت ده كله على الفاضى بعد ما أخذوا الألف جنيه وحطوها فى البنك واستفادوا منها وكمان كل ما افكر من جديد فى العربيات والمميزات والسعر الاقى نفسى تانى ما اداميش الا الأفيو برضوا او الأوبترا او الميجان او السفيك وده حسب ترتيب الأسعار والجوده وحساابتى فلألقى نفسى تانى لازلت افضل الأفيو بس مش عارف اعمل ايه

على العموم مبروك ليك وربنا يملهالك بركه وادعيلى اقضى عليهم النهارده فانا اليوم يا اقتل يا مقتول

ربنا معاك انا مقدر و اللة لانى كنت فى نفس المشكلة و حاسس بيك بس اكيد التعامل مع الوكيل هيكون ارحم منصور ارحم من غيرة و بينقوا الموظفين كويس و كلهم و لاد ناس بس الواحد مبيتعملش ببلاش و طول ما احنا فى مصر هنلاقى حجات ملهاش معنى يعنى انا استلمت العربية و عاوزة ترصيص ازاى مصنع محترم يطلع عربية بدون ترصيص هما فى التوكيل مبيتاخروش بس ضياع و قت و فلوس هتار اخد اجازة علشان اوح التوكيل ارصص العربية الى عمة 700 كيلو عجبىىىىىىىىىىىىىىىىىىىىىى ىىىىىىىىىىى ربنا معانا كلنا

الف الف مبروك علي العربيه :)

استاذ شادي.... اولا مبروك وربنا يملاها لك بركة.

العربية محتاجة ترصيص وإنت لسة مستلمها؟؟؟؟؟؟؟
الحجز زاد من شهر ونص إلى 3 شهور
سعرها عمال بيغلى على الفاضي

بالذمة دي عربية محترمة او دة توكيل يتوقع لة ان يكون محترم؟؟؟؟؟؟؟؟؟

الاخ إللي لسة متعلق بوهم إستلام العربية من ابو غالي .... خد فلوسك وإجري ..... العربية دي مش الاملة ولا تنخدع بالشكل الجديد.... دي لانوس متخفية وليست متطورة! التطور شمل الشكل الخارجي فقط ولكن الموتور والعفشة لانوس على نوبيرا! عربيات من 1998!

قلتها وبقولها منصور لن يكون احسن من غبور وإنتظروا لما الافيو والاوبترا تغرق السوق.

اة تانى فى السبعين انا لو عليا عمرى مهركب كورى اصلا

بس احنا فى مصر العربيات غلية و زى الزفت بس دة امر و اقع سافر لبيا و انت تركب انضف العربيات بتراب الفلوس و على فكرة احنا كلها السنة الى جية و الى معاة مائة الف مشهيعرف يركب عربية زيروا الحق اركب اى حاجة و السلام

اركب اة فيرنا الى تبلوها لا يوصف و لا فرش الباب و لا نور التابلوة الرائع الى المصرين بيحبوها على شان متورها بيجرى و اجرى فان اصلا فى الزحمة دة هوا احنا بنمشى علشان اجرى و لا المتركس الى الناس بيركبولها اكصدمات و يفتكروا نفسهم ركبين 4*4 و اكيليوا الى شكلها عتيق

على راى شادى هركب ايه مهو كلهم زى الزفت ودى ااعور فى وسط عمى
وهى دى مصر وهوده جهاز حمايه المستهبل اللى مبحميش الا النصابين من المستهلكين المتامرين

اقتباس:

---

المشاركة الأصلية كتبت بواسطة shady_elkady

بس احنا فى مصر العربيات غلية و زى الزفت بس دة امر و اقع سافر لبيا و انت تركب انضف العربيات بتراب الفلوس و على فكرة احنا كلها السنة الى جية و الى معاة مائة الف مشهيعرف يركب عربية زيروا الحق اركب اى حاجة و السلام

---

ليه يا أخ شادي ايه اللي هيحصل كمان سنه ؟؟؟؟؟؟؟ ممكن التوضيح ؟؟؟

اقتباس:

---

المشاركة الأصلية كتبت بواسطة hogobingo

مبروك يا شادى الف مبروك
انا اللى كلمتك قبل كده وكنت معاك خطوه بخطوه حتى ساعه استلام العربيه

على العموم الف الف مبروك وربنا يديك خيرها ويبعد عنك شرها يارب .... امين

اما بالنسبه لى فأنا لم استلمها حتى الأن بس انا تبع ابوغالى ... ومش عارف ليه ... اتخنقت معاهم ومع منصور وبصراحه الناس فى منصور فعلا محترمه اكتر بيحولوا يريحونى جدا اما بالنسبه لأبو غالى هما متعبين وبتوع كلام وبس مش عايزين يدونى عقاد نافع مخصرنى لغايه دلوقت اكتر من 5 الاف جنيه
اولا اتنين بتوع انهم بيسلموا بالسعر الجديد مش القديم زى منصور للى حاجز من زمان و3 الالاف جنيه فى العربيه القديمه بتاعتى لإنهم قاعدوا يأخرونى لغايه ما طار الزبون وأضررت أبيعها لأى واحد بأى سعر بالرغم من قله المدفوع عن 3 الالاف جنيه وفى الأخر ماسلمونيش حاجه وكمان لسه ما أستلمتش حاجه لغايه دلوقت انا مش عارف أعمل معاهم ايه

هما بيقولولى ان الأمر مش بأييديهم وان منصور هو اللى مأخرهم بس انا مالى انا المفروض استلم من زمان دى مشكله بينهم هما وانا مليش دعوه بيها

على العموم سيبك النهارده هيكون المجزره الكبرى ويا انا يا هما .... وانا بفكر يا اعمل ليهم محضر يا اشتيكيهم فى جهاز حمايه المستهلك بس انا مش عارف اعمل ايه بالضبط وفين الجهاز ده وازاى اعمل الشكوى

طبعا ممكن حد يقولى طيب ليه ما تخدش فلوسك وادور على حاجه تانيه انا فعلا فكرت كتير فى الموضوع ده وكل ما افكر فيه استحرم انى اضيع الوقت ده كله على الفاضى بعد ما أخذوا الألف جنيه وحطوها فى البنك واستفادوا منها وكمان كل ما افكر من جديد فى العربيات والمميزات والسعر الاقى نفسى تانى ما اداميش الا الأفيو برضوا او الأوبترا او الميجان او السفيك وده حسب ترتيب الأسعار والجوده وحساابتى فلألقى نفسى تانى لازلت افضل الأفيو بس مش عارف اعمل ايه

على العموم مبروك ليك وربنا يملهالك بركه وادعيلى اقضى عليهم النهارده فانا اليوم يا اقتل يا مقتول

---

أولا لى تعليق بسيط جدا فى أن توكيل منصور أم أبو غالى وسأترك لكم تقدير النصب على أصوله :
الحجز يوم 17/11/2007 من توكيل منصور شيفورليه نفسه ودفعت 1000جنيه
مع وعد بالتسليم قبل 31/12/2007
يوم 8/1/2008 أتصل مندوب الشركة حتى أقوم بسداد باقى المبلغ وقدره 73000جنيه علشان هما محترمين ومش حيزودو فى سعر السيارة لأنى حاجز على السعر القديم
بالفعل قمت بسداد باقى المبلغ على أساس أنى سأستلم خلال يومين
خسرت ما يقرب من سعر السيارة إتصالات بالمندوب والمركز الرئيسى بالقاهرة وفرع الكيلو 28
وكلها ردود محترمة حسيت منها كأنى أستثمرت فلوسى فى الريان
وحتى ساعته لم يتم أى شئ علما بأنى طلبت فلوسى فأغلقوا الموبيلات ولازلت فى الأنتظار وشكرا لكل من يفترض الأحترام وكل من يعتقد بوجوده فى مصرنا الغالية

تنبيه للعضو:
ممنوع منعا باتا الكتابة باللون الاحمر لانه لون مخصص للادارة فقط
الادارة(1)

1000000 مبروك

هي دي مصر بلد الهرجله

نفسى اعرف العربيه دى بقت مطلوبه ليه !!

اقتباس:

---

المشاركة الأصلية كتبت بواسطة mido

نفسى اعرف العربيه دى بقت مطلوبه ليه !!

---

لأن حسب ما سمعت هى الأفضل فى حدود السعر ده من حيث سعة الصالون وقوة الموتور وشكلها الخارجى وفى النهاية شيفورلية
مع الحرص فى موضوع الحجز اللى أنا أنخدعت فيه ولكن لا ذنب للسيارة فيه
http://www.nilemotors.net/Nile/showthread.php?t=15002

أنا مش شايف صراحة انها تحفة خالصص...و ماتستهلش الفلوس....

رأيي الكليو جميلة و سعرها تحفة مقارنة بامكانيتها و كمالياتها و تقفيلها الممتاز

استاذ شادى بما انك بقالك اربعة شهور معاك الافيو 2008 المصرى ايه رايك فيها وتنصنى بيها ولا لأ مع ذكر الاسباب بعد اذنك فى الحالتين و جزاك الله خيرا

الحمد الله العربية كويسة

يعنى اتوكل على الله و اشتريها إن شاء الله و لا النيو اكسنت 1400 سىسى افضل يارت حضرتك تفدنى اكتر عن الأفيو و جزاك الله خيرا

انا عن نفسى افضل الافيوا فى الشكل و الصالون و التوكيل و الصيانة و عموما العربية مريحة و انا عامل 9000 كم محصلش مشكلة غير موضوع عندى صوت خشونة فى الدريكسيون و هروح الصيانة و اشوف المشكلة و على فكرة الافيوا مفيهاش عيوب نقدر نعممها لان فى 3 استلموا معايا العربية و بعد شهر 2 منهم حصل عندهم مشكلة الجلب الخلفية و الصوت و ناس لا و عموما اى مشكلة بتتحل فى التوكيل علطول

يعنى حضرتك رأيك يا أستاذ شادى انى اتوكل على الله و اشتريها

اكيد و ربنا يكرمك