استفسار هام جدا عن الاوبترا 2010 برجاء الرد من سيادتكم

ا - عند القيام بتدوير العربية بسمع صوت غريب كده صوت مارش يعنى بس زى كهربة زياده كده ده لحظة التدوير بس و مش كل مرة بيظهر انا قصدى مش الطبيعى بتاعها لحظة التدوير تحس ان فى صوت كهربة كده او تشويش وبروح طبعا بعد الدوار؟ ؟

2 - اول مرة كونت اجرب انى اجرى جامد بالعربية و كونت مشغل التكييف و زرار الهولد كونت بصراحة بهزر انا وواحد صاحبى المهم وصلت معاه لحد 180 بس صوت العربية كان عالى اوى و تانى حاجة بعد لما وقفت حسيت فى ريحت شياط خفيفة كده ناحية الكبوت فهل ده عادى عشان حرق زيادة و لا ايه ؟؟؟؟

وشكرا لحضراتكم

صوت الزنه اللي عند اداره المفتاح في الوناكت ده صوت طلمبه البنزين وحضرتك يا ريت مدورش العربيه غير لما للمبه الصفراء بتاعت الهولد تختفي وبعدين تدور وتسيب العربيه تسخن برحتها حوالي 3 دقائق قبل التحرك بيها.
حضرت موضحتش وانت علي السرعه ديه ال ار بي ام بتاع العربيه كان علي كام لان زرار الهولد بيثبت النقله اللي العربيه وخداها وموش بيدي الاعلي يعني لو انت علي التالت والسرعه كانت مثلا 70 حتفضل العربيه علي نفس الغيار مهما كانت السرعه وده طبعا مش كويس علي العربيه استخامه لفترات طويله وسرعات عاليه كده .
شكرا

السلام عليكم باشا انا مش قصدى صوت طرمبة البنزين انا عارف صوتها وكده كده بستنى ثوانى لما بفتح الكونتاكت و بعد كده بدور ده صوت كده زى عارف خروشة ارسال كاسيت كده لمده ثانيتين كده لحد ما بدور بس - بالنسبة للار بى ام مش عرف بصراحة مكنتش باصص خالص غير على السرعة بس انت قصدك انى دخلت مثلا فى red zone

الصوت دا انا مش عارف من إيه اعتقد انه لازم يتسمع ماينفعش يتوصف

ثانيا بالنسبه لريحة الشياط فدا اكيد طالع من الكاوتش بسبب السرعه فالكاوتش سخن

استاذ حسام ازيك يا باشا طيب يعنى زار الهولد ده ممكن يدخل الاربى ام فى الاحمر وهل لو دخل فى الاحمر يعمل ريحة شياط مش عارف طيب ما هو الكاوتش و انت ماشى مثلا 140 او 150 مافيش ريحة شياط ؟

اقتباس:

---

المشاركة الأصلية كتبت بواسطة mohamedabobasha

استاذ حسام ازيك يا باشا طيب يعنى زار الهولد ده ممكن يدخل الاربى ام فى الاحمر وهل لو دخل فى الاحمر يعمل ريحة شياط مش عارف طيب ما هو الكاوتش و انت ماشى مثلا 140 او 150 مافيش ريحة شياط ؟

---

زرار الهولد ملوش علاقه بريحة الشياط

زرار الهولد لو كنت دايس عليه وصلت ل 180 دا معناه انك ماشى 180 وانت على التالت

لان الهولد فى الحاله دى مبيخلكش تنقل على الرابع يبقى أخرك التالت

وبكدا انت بتحرق على الموتور جامد واكيد ال Rpm كان على الأحمر وطبعا الموتور لازم صوته يبقى عالى جدا واكيد استهلاك بنزين أكتر وطبعا دا فى الأول والاخر حمل على الموتور ويضره

اما ريحة الشياط سببها انك كنت ماشى 180

سواء كنت دايس هولد او مش دايس

السرعات العاليه لمسافات طويله بتخلى درجة حراره الكاوتش ترتفع أكتر والاحتكاك بالأسفلت بيزيد فبتطلع ريحة الشياط دى

عادى ماتقلقش

السلام عليكم
بالنسبة للهولد انا جربته في سيارة قريبي و كانت السيارة علي سرعة 100 و الاربي ام علي 3 فجأه الاربي ام زاد الي 4 و السرعة زادت الي 110 تقريبا و اظن وظيفة الهولد تشبه تسقيط النقله في المانيوال
موضوع الشياط ده حصل معي اول امس حينما كنت اتخطي مطب بلدي ارتفاعة ميقلش عن 20 سم و ساعتها حرقت علي البنزين جامد و رجلي كانت مترفعتش علي الاخر من علي الدبرياج و حينها الموتور زعق جامد و شميت ريحة شياط قويه و بعد ما عديت نزلت و فتحت الكبوت و حاولت اوصل لمصدر الرائحة و ساعتها شميت الريحة من تحت غطاء المحرك من ناحية الشمال و مش عارف ده من ايه بالضبط فهل تكون اسطوانة الدبرياج

اقتباس:

---

المشاركة الأصلية كتبت بواسطة arakysolom

السلام عليكم
بالنسبة للهولد انا جربته في سيارة قريبي و كانت السيارة علي سرعة 100 و الاربي ام علي 3 فجأه الاربي ام زاد الي 4 و السرعة زادت الي 110 تقريبا و اظن وظيفة الهولد تشبه تسقيط النقله في المانيوال
موضوع الشياط ده حصل معي اول امس حينما كنت اتخطي مطب بلدي ارتفاعة ميقلش عن 20 سم و ساعتها حرقت علي البنزين جامد و رجلي كانت مترفعتش علي الاخر من علي الدبرياج و حينها الموتور زعق جامد و شميت ريحة شياط قويه و بعد ما عديت نزلت و فتحت الكبوت و حاولت اوصل لمصدر الرائحة و ساعتها شميت الريحة من تحت غطاء المحرك من ناحية الشمال و مش عارف ده من ايه بالضبط فهل تكون اسطوانة الدبرياج

---

فعلا ممكن تكون الإسطوانه

طيب ده ايه علاجه و خاصة انني تحركت بعدها و لم تظهر الرائحة مرة اخري ارجو الافادة

انا اول اما اشتريت العربيه كنت بشم ريحه الشياط ده بصفه مستمره وبالذات مع التكيف
لكن مع الوقت الريحه دى مش بقت تظهر خالص حتى وانا بجرى ومشغل التكيف
انا بعتقد ده علشان العربيه كانت لسه جديده