الموضوع: 3 تحقيقات NM صوت وصوره(نفق مدينة العبور وأهدار المال العام)

المشاركة الأصلية كتبت بواسطة أبو عبدالله

[b]والله انتم بتيجوا على حاجات غريبه والله ..................

انتم اضحكتموني ................

دا انتم غلابه دا احنا عندنا الععجب في المنصوره ............. انتم في القاهره مدلعين والله
انتم لو شوفتم اللي بيتعمل في المنصوره والله مش بعيد تعيطوا من التخلف اللي موجود .
هقولكم مثال بسيط والله وكلام ثقه ....

كان عندنا زيارة للسيد رئيس الوزراء راحوا مسفلتين شارع الجيش اللي فيه مبنى المحافظه عارفين بكام بـــ 7مليون جنيه
عارفين الغاز شغال في المنصورة ومش عاوز أقولك محافظ المنصوره الناصح عمل ايه ...
محافظ المنصوره الله يصلح حاله ولو مش هيصلح حاله يبقى ربنا يرحمنا منه ويفارقنا بقه أخترع نظام جديد وهو :

اي شركه كانت بعمل اعمال حفر داخل المحافظه كانت بتبقى مكلفه انها ترجع الشئ لأصله يعني تردم وتسفلت اللي هيا حفرته ومن ضمنهم شركة الغاز فشركة غاز مصر كانت بتبدأ عملها في الساعه الواحده بعد منتصف الليل ولما حضرتك تصحى الصبح تلاقي الشارع متسفلت زي ما هو ويكونوا هما خلصوا شغل ..... والحمد لله مفيش أذيه لأحد
اوم الحاج صوان محافظ الدقهليه قالك ..... لأ لأ اي شركه تحفر مالهاش دعوه بإعادة الشئ لأصله وتدينا الفلوس بتاعت الردم والأسفلت واحنا هنعمله ..... وكان ذلك

والله لا يريكم على اللي بيحصل في العربيات من ترزيع وحفر ومطبات ولا التراب اللي مغرق البلد الشارع بيقعد بالشهور والله محفور بالعرض على طول الشارع وطبعا مش متساوي لأن مكان الرتش بتاع الأسفلت ومكان الأسفلت معمول حسابه ... والله انا لو قعدت أحكيلكم مش هتتصوروا مدى المأساه اللي المنصوره عايشاها

المنصوره دلوقتي لا تخلو من شارع محفور ومعكوك بالأسفلت اللي ينطط العربيه
أخر حاجه بعد زيارة السيد رئيس الوزراء وصرف 7 مليون جنيه على الأسفلت بعديها بيوم او يومين كانت شركة الغاز بتحفر في الشارع ده والله هذا حصل عارفين الكارثه ايه بقه
انهم بعد ما خلصوا وطبعا كالعاده الشارع فضل محفور كام يوم ما يقارب بأسبوع وشويه على ما العربيات تظبط وتعمل عمليه دهس للحتت المحفورة اتسفلت على أد الحفر وطبعا كالعاده أيضا بعد يومين الحته اللي اتسفلتت هبتطط لأن مش متخدم عليها دبش كويس راحوا مسفلتين نص الشارع وبعديها بكام بوم راح المكان بتاع الحفر نازل تاني والله هذا حصل وبيحصل عالطول يعني مش دي الحاله الوحيده والله ده في كذا حاله تانيه ....... ووالله انا اول ما لقيت الأسفلت الأولاني هبط قولت لواحد زميلي انا عارف هما هيعملو ايه .... قالي ايه قولتله هيسفلتوا نص الشارع لأن ده والله اعلم قانون عندهم ................ وحسبي الله ونعم الوكيل

تحبوا أكمل ولا كفايه

انت عارفين نكته الراجل اللي ارح يشتري فراخ فراح المحل قاله عاوزها مش عارف ايه ولا ايه راح قايله اطلع تاني دور وهكذا وهكذا لحد ما طلعوه الدور العاشر باين وفي الأخر قالوله هو مفيش فراخ ولكن ايه رأيك في النظام ...................

والله ثم والله ثم والله هي دي مصر ................. ايه رأيك في النظام

يا جماعه الموضوع اكبر من كده بكتير والله وده مش تقليل للي انتم قلتوه ولكن مصر اكبر من كده يعني نصايب مصر اكبر من النفق بمراحل

عندك حق في كل اللي قلته
دا حته شارع البحر بقي تعبان و مليان منخفضات
او الطريق اللي ورا استاد الجامعة كأنك ماشي في حقل
و الاختراع الجامد جدا الخاص بالتلتوار اللي في المشاية و البحر و المحافظة
بالمناسبة يا اخ شهبور انا بشبه علي العربية هي رقمها **1061 ؟؟ اصل تقريبا بشوفها كده كل جمعة

الفساد موجود في كل مكان في المحروسه

كل إللي علينا أننا نرصده ونحاربه ونفضحه قدام الناس وده أضعف الإيمان

وصدقوني العصر إللي أحنا فيه هو العصر الذهبي لنا لأننا أصبحنا نملك الادوات التي تمكننا من ذلك

المشاركة الأصلية كتبت بواسطة وائل عطية

ولكن منذ عام فوجئنا نحن المواطنون أن هذا النفق وبعد اكثر من 8 سنوات من أنشاءه قد تقرر أن يتم تبطينه بالرخام الجرانيت من أغلى الأنواع

طبعاً أنا مع هاني في اللي قاله لأني بحكم سكني في مدينة العبور كنت شاهد إثبات على الكلام ده
بس عايز أقولك حاجة ياهاني ..موضوع النفق ده أهو في الشارع والناس كلها بتستفيد من شكله ونظافته
أمال تقول إيه لو دخلت مكتب أحد الوزراء (وليكن مكتب وزير النقل اللي أنا شغال مترجم فيه) هاتشوف بذخ بمعنى الكلمة ..المكتب كله متبطن رخام وجرانيت أسباني بشكل مستفز... ومين اللي بيستفيد من الكلام ده ؟؟؟؟!!
طبعاً مفيش !!!

خاف على نفسك يا عم وائل وكـُل عيش

المشاركة الأصلية كتبت بواسطة أبو عبدالله

للأخ خالد ايو عربيتي رقمها **1060 هي دي
لو شفتني ابقى عرفني بيك
واحنا نتشرف

إن شاء الله في اول فرصة