ارتفاع سعر البنزين المنتطر وتأثيره على أسعار السيارات في مصر

**Ahmed Samy** · 24-01-2008 02:36 AM

المشاركة الأصلية كتبت بواسطة badblood

كفايه اشعاااااااااااااااااااااا اااااااااااات

اشاعات ايه يافندم ؟؟؟
هوا احنا نفسنا مثلا ؟؟
ولا كلامنا هايجيب و للا يودي ؟؟
ده هايحصل هايحصل (لو حضرتك متابع متابع الأداء الاقتصادي للبلد و الوكسة اللي بتزيد يوم عن يوم كنت استنتجت لوحدك من غير اشاعات ولا حاجة).
احنا بس بنشوف من الغربال :)

**عاشق الفولفو** · 24-01-2008 02:53 AM

هو المنتدي اتقلب سياسي ولا اية
علي العموم لو اتقفشنا انا ماشفتش حاجة

بس سؤال صغنطوط (هو فلوس الدعم دي جاية منين؟)
(الراجل اللي راكب عربية مرسيدس ب 400الف ده هلي ال400 الف دي كلها تمن العربية ولا تمن العربية بالكتير 120 الف والباقي ضرائب وجمارك والذي منه؟؟؟؟)
(وبعدين يا جماعة بلاش نفتري علي الحكومة)
خلي الشعب يعييييييييييييييييييييييي ييييييييييييييييش
هو انا قلت لو اتقفشنا انا ماعرفش حاجة ولا لا!

**Ghamrawy** · 28-01-2008 12:15 PM

بيقولوا حايعملوا موضوع زيادة البنزين ده بطريقة غير مباشرة و حيكون على رسوم ترخيص السيارة يعنى لما تيجى ترخص او تجدد لو عربيتك سعتها اللترية عالية حاتدفع كتير و العكس بس الفئات و الرسوم لسه ماعرفش حاجة عنها يعنى حاتبقى مثلا فى العادى لحد 1300 او 1600 و لا حاتزيد من بعد 1300 كل ده حيبان السنة دى،اما بالنسبة للديزل فالزيادة حاتكون مباشرة على سعر اللتر.
و على فكرة انا ليا واحد صاحبى عايش فى انجلترا و بيقول اسعار العربيات الصغيرة هناك مرتفعة علشان بتوفر فى البنزين و العكس صحيح .

**Ghamrawy** · 28-01-2008 12:25 PM

على فكرة الموضوع ده تم نشره فى جريدة المصرى اليوم عدد 27/1/2008 انا مش عارف اذا كان ينفع احط اللينك بتاع الجريدة هنا و لا ممنوع عموما البحث عن الجريدة سهل و الخبر موجود فى المواضيع الرئيسية.
شكرا و اسف على الاطالة.

**Goodle** · 28-01-2008 02:32 PM

المشاركة الأصلية كتبت بواسطة gemino

على فكرة الموضوع ده تم نشره فى جريدة المصرى اليوم عدد 27/1/2008 انا مش عارف اذا كان ينفع احط اللينك بتاع الجريدة هنا و لا ممنوع عموما البحث عن الجريدة سهل و الخبر موجود فى المواضيع الرئيسية.
شكرا و اسف على الاطالة.

طبعا يا باشا تقدر تحط اللينك