السلام عليكم يا جماعة...
أنا بجد في حياتي ما شفت منتدى وأحترمت أعضاؤه زي المنتدى بتاعنا ده.
المهم أنا عاوز أرائكم في الموضوع بخصوص ارتفاع سعر البنزين المنتطر (يتوقع يحدث ما بين أبريل ويوليو سنة 2008) ومدى تأثيره على أسعار السيارات في مصر.
بعض التوقعات (مجلة عربيتي الصادرة عن مجموعة كونتكت) بتقول إن سعر لتر البنزين 92 ممكن يوصل اللتر بحوالي 2.5 جنية (جنيهان ونصف). وتتوقع المجلة أن لتر البنزين 90 يصل إلي 1.75 جنيه (جنيه وخمسة وسبعون قرشاً).
منتظر آراء حضراتكم وأي معلومات جديدة عن الموضوع ده.
لا طبعا ده مستحيل!
انا تخمينى زياده فى حدود 30% بحد أقصى, يعنى ال 92 يوصل ممكن 180 قرش
وال 90 من 130 الى 160
اكتر من كده البلد هتقوم فيها ثوره
أنا رأيي إن البلد هاتقفل وتروح لو البنزين غلي أوي أكتر من ربع جنيه في اللتر
البلد دى ماعدتش فى حاجة بتأثر فيها -- كل حاجة بتزيد كل يوم وبرضو الناس قاعدة تشترى!! أن جاللى الضغط مش من ارتفاع الأسعار لأ من عدم وجود أى رد فعل لدى الناس كأن كله بيقبض آلاف اليوروهات شهرياً!!! طيب حد علق على تقرير الجهاز المركزى للمحاسبات اللى اتعرض فى مجلس الشعب الأسبوع اللى فات؟؟؟ دة لو اتعرض فى أى بلد عندها حبة دم كان زمان الحكومة بتاعتها استقالت ان ماكانتش انتحرت!! و لا حول و لا قوة الا بالله ...اقتباس:
المشاركة الأصلية كتبت بواسطة Nile Heart
أنا باوافق رأي الأخ جندي مجند..اقتباس:
المشاركة الأصلية كتبت بواسطة جندى مجند
إحنا وصلنا إن مهما السعر غلي هانبرطم شوية وبعدين عادي..
يا تري أسعار السيارات ممكن تتأثر بالزيادة في سعر البنزين؟؟؟
حد عنده رأي ؟؟؟
يا جماعة آراؤكم تهمني لأني هاحدد على أساسها أشتري وللا أستنى لو في احتمال انخفاض الأسعار
1- أعتقد إن الناس هتتجه للعربيات الصغيرة الموفرة فى إستهلاك البنزين زى اليارس و السيتى.
2- لو رفعوا سعر البنزين ممكن ينزلوا الجمارك
3- أعتقد أصحاب العربيات القديمة (بلاعات البنزين) ممكن يبيعوها أو يقللوا من إستخدامها (يعنى فى الحاجات الضرورية)
4- ممكن نتجه إلى ان كل إتنين تلاته ساكنين جنب بعض و شغلهم فى نفس المنطقة يروحوا الشغل بعربية واحدة ويتبادلوا.
شكرا يا باشا.. معاك حق
أكيد المستعمل اللى حريقة بنزين و العربيات فوق 1300 هتتباع كتير و بسعر رخيص أوى و بالنسبة للجديد كلة هايفكر فى العربيات المينى 800 أو 1000 cc بالكتير
هو انت علشان بتحب السيات بتقول كده ؟اقتباس:
المشاركة الأصلية كتبت بواسطة SEATLOVER
الناس اللى زى حلاتى تعمل ايه انا مشوارى 140 كم يوميا من مصر الجديده الى 6 اكتوبر وبالعكس
مش ممكن عربيه صغيره تستحمله الا اذا كانت معجزه من معجزات فيات على راى الاخ فادى "راجع موضوع -- ومازلت الحمله مستمره "
اولأً انا مش سيات الصغيرة مع كامل احترامى ليها ثم اية علاقة صغر العربية او كبرها سواء كان فى المساحة او ال cc فى بعد المشوار أو قربة .... على كدة البيكانتو مثلاً تمشى فى الشوارع الداخلية بس !!!اقتباس:
المشاركة الأصلية كتبت بواسطة noon_eg
يعني أفهم من كده يا جماعة إن الأحسن أستنى لما أسعار السيارت تنخفض نتيجة لارتفاع سعر البنزين؟
وللا الواحد أحسن يبتدي يدور على عربيات ديزل..
هو في عربيات ديزل إيه في مصر.. بحد أقصي 160 أو 170 ألف ؟؟؟؟
دى ممكن تكون اشاعت الغرض منها جذب القراء لمثل هذه المجلات
لأ يا باشا (ارتفاع اسعار الوقود) اتكتبت في الجرائد منها الأهرام والمصري اليوماقتباس:
المشاركة الأصلية كتبت بواسطة عزوز
حضرتك تعرف عربيات في الحدود اللي ذكرتها وبمحرك ديزل ؟؟
سعر البنزين اكيد ح يزيد لكن اسعار السيارات لن تتاثر كثيرا .لان البنزين مدعوق قصدى مدعوم من الدولة لكن السيارات تباع بقانون العرض والطلب والدولة واخده حقها تمام من ضرائب على السيارات وسيف وورد وربنا يكون فى عون الطبقة المتوسطة التى تنهار حاليا نحو شريحة المساكين العظمى من الشعب ...ولن تبقى الا طبقة المتوحشين والحيتان
على العموم لوالكلام ده صحيح
يبقى مفيش قدامنا غير اننا نقلب عربياتنا غاز
ولسه ياما هنشوف ومهما عملو فينا بردوا مش حننطق
معاك حق يا باشا والله
بس ما حدش رد عليا يا جماعة..
إيه العربيات الديزل الموجودة في مصر بحد أقصى 170 ألف جنيه
طب ما تزود 30000 و تشتري تويوتا Prius
و كهرباء و بنزين
و يطلعوك في التلفيزيون على انك المواطن الشريف اللي حل ازمة الوقود :)
واللى ما حلوهاش يبقوا مش شرفاء ولا ايه ههههههههههههههههاقتباس:
المشاركة الأصلية كتبت بواسطة Ahmed Samy
يا باشا انت أكيد عارف ايه هي مواصفات المواطن الشريف (اللي بيطلع في التليفزيون:p:p)
وفي مواطن شريف تاني (بيطلع عين أهله... بس مش في التليفزيون طبعا:cool::cool:)
اقتباس:
المشاركة الأصلية كتبت بواسطة Goodle
ايلي اعرفة ان البيجو الـ 407 الجديدة ديزل ....بس دي بـ 198 الف جنية....
ياما تشوفلك عربية لاند كروزر موديلات قديمة وتكون ديزل....او تتصرف وتعملك سجل تجاري وتشتري عربية برادو ديزل اتوبيس خاص....
دي الحلول ايلي اعرفها....غير كدة ممكن تجيب عربية هاي لوكس دبل كابين 4X4 ودي شكلها تحفة وعربية جامدة جداااااا وديزل ....بس عيبها الوحيد انها بتترخص نقل...(هاتبقي نقل خاصة)...بس بيمشي عليها قوانين النقل في ادارة المرور....يعني ما تقدرش مثلا تطلع كوبري 6 اكتوبر ..!!!
والله فكرة.. أهو عشان برضه الواحد يترحم من زنقة كوبري اكتوبر
هاهاهاا
يا جماعة سعر البنزين بيغلى فى العالم كله و ده نتيجة لانخفاض معدلات انتاجه, البترول فى نهايته و يقدر الجيولوجيين عمره ب40 سنة فقط, سعر البرميل وصل لحدود قياسية, و صعب انو الحكومة تدعمه بعد وصوله لتلك الأسعار, و بعدين لازم نفكر بالعقل برضو, لما الحكومة تدعم البنزين لواحد راكب مرسيدس ب400 الف جنيه و لا حتى بيجو ب200 الف مش يبقى حرام! أعتقد انو أى واحد عنده عربية و لو سيات مستواه المادى ممكن يتحمل الزيادة فى أسعار البنزين و الدعم فعلا يكبل الاقتصاد الوطنى خسائر ضخمة و من الضرورى أن يتم تخفيف الدعم خاصة على سلعة مثل البنزين التى تخص السيارات الملاكى أو راكبى التاكسى و هم فئة اقتصادية أعلى, مع الاستمرار فى دعم الديزل لأنه بيستخدم فى عربيات النقل و داخل فى كل حاجة.
كل حاجة بتغلى مش كفاية الجمارك ما بتنزلش.
طيب والحل يا جماعة هانفضل على كده لحد إمتى بس؟؟
لحد ما نموت و نستريح
فكرة برضه يا أحمد..لكن مش هاتحل الموضوع :) :)اقتباس:
المشاركة الأصلية كتبت بواسطة Ahmed Samy
لا .. لو الشعب كله مات
المشكلة هاتتحل
لأن الدعم هيكون موزع على 26 أسرة في مصر بس و عربياتهم و يخوتهم
وهما هايشيلوا الضرايب و الجمارك
و هيزودوا الدخل
و الدنيا عاتبقى فااااضيه
و مفيش زحمة خااالص
مش كده !! احنا اللي وحشين
:mad::mad::mad:الشعب هو السبب:mad::mad::mad:
طبعآ الشعب هو السبب
مش الحكومه دى ناس من الشعب؟
مش الشعب ده هو اللى بيزيد بتالت اعلى معدل فى العالم (بعد نيجيريا وبنجلاديش, وكلاهما زفت)
كفايه اشعاااااااااااااااااااااا اااااااااااات
اشاعات ايه يافندم ؟؟؟اقتباس:
المشاركة الأصلية كتبت بواسطة badblood
هوا احنا نفسنا مثلا ؟؟
ولا كلامنا هايجيب و للا يودي ؟؟
ده هايحصل هايحصل (لو حضرتك متابع متابع الأداء الاقتصادي للبلد و الوكسة اللي بتزيد يوم عن يوم كنت استنتجت لوحدك من غير اشاعات ولا حاجة).
احنا بس بنشوف من الغربال :)
هو المنتدي اتقلب سياسي ولا اية
علي العموم لو اتقفشنا انا ماشفتش حاجة
بس سؤال صغنطوط (هو فلوس الدعم دي جاية منين؟)
(الراجل اللي راكب عربية مرسيدس ب 400الف ده هلي ال400 الف دي كلها تمن العربية ولا تمن العربية بالكتير 120 الف والباقي ضرائب وجمارك والذي منه؟؟؟؟)
(وبعدين يا جماعة بلاش نفتري علي الحكومة)
خلي الشعب يعييييييييييييييييييييييي ييييييييييييييييش
هو انا قلت لو اتقفشنا انا ماعرفش حاجة ولا لا!
بيقولوا حايعملوا موضوع زيادة البنزين ده بطريقة غير مباشرة و حيكون على رسوم ترخيص السيارة يعنى لما تيجى ترخص او تجدد لو عربيتك سعتها اللترية عالية حاتدفع كتير و العكس بس الفئات و الرسوم لسه ماعرفش حاجة عنها يعنى حاتبقى مثلا فى العادى لحد 1300 او 1600 و لا حاتزيد من بعد 1300 كل ده حيبان السنة دى،اما بالنسبة للديزل فالزيادة حاتكون مباشرة على سعر اللتر.
و على فكرة انا ليا واحد صاحبى عايش فى انجلترا و بيقول اسعار العربيات الصغيرة هناك مرتفعة علشان بتوفر فى البنزين و العكس صحيح .
على فكرة الموضوع ده تم نشره فى جريدة المصرى اليوم عدد 27/1/2008 انا مش عارف اذا كان ينفع احط اللينك بتاع الجريدة هنا و لا ممنوع عموما البحث عن الجريدة سهل و الخبر موجود فى المواضيع الرئيسية.
شكرا و اسف على الاطالة.
طبعا يا باشا تقدر تحط اللينكاقتباس:
المشاركة الأصلية كتبت بواسطة gemino
شكرا على الردود يا جماعة و اللينك كالتالى
http://www.almasry-alyoum.com/articl...rticleID=91015