الحمد لله ربنا و فقني و اشتريت لوجان 2010 فول اوبشن من 5 ايام
اشتريتها من موزع السبع استلام بعد 48 ساعة بدون اوفر بريس 68000
و انا بشتري العربية عملة ورقة فيها كل النصائح بتاعتكوا بخصوص استلام العربية
لدرجة ان الراجل اللي في المعرض طلب تصوير الورقة عشان تبقي مرجع لكل اللي بيستلم لوجان

طلبت من الراجل انه يشيل اللزق بتاع الموزع بس قاللي كده حنجرح العربية فخفت

و قدر الله و ما شاء فعل وانا برخص واحد ريح علي العربية جرحلي الفانوس

تقييم صغير علي قدي كدة
العربية وسعة ما شاء الله و السقف بتعها عالي
التكييف بتعها معقول اوي
مكان الاشارات و الكلاكس اتعودت عليهم من اول يوم
العربية عالية عن الارض
في المجمل عربية ممتازة بالنسبة للفئة السعرية بتاعتها
انا كنت محتار بين افيو و لانوس و لوجان
بس لوجان مميزتها كانت اكبر بكتير و قطع الغيار كانت متقاربة جدا

اللي مش عجيبني بقي 3 حاجات
اولا لمبة المرشدير مش لاقي منطق انها تكون لامبة واحدة
ثانيا فعلا وجدت عضة في الفتيس بالاخص في المرشدير و مستني اسأل في الصيانة ان شاء الله
ثالثا البنزين لازم يتفتح بالمفتاح

طلباتي بقي من حضارتكم
1- عايز كتالوج العربية pdf
2- عايز اعرف التليين بتاع العربية ازاي
3- هل من الممكن ان انا اشغل التكييف الان
4- اول صيانة امتي ان شاء الله
5- انا استلمت كتالوج اصفر مش عارف ده بتاع ايه
6- هل اللوجان بيجي معاها عدة


و جزاكم الله خيرا