عرض للطباعة
من يومين كنت في مشوار المهم وانا بقفل العربيه قفلت معايا من الرموت جيت افتح العربيه من الريموت مش عاوزا يفتح يهديك يرضيك مفيش اي فايده من اللمبه في المفتاح بتنور يا تري ايه المشكلة هل البطاريه بتاع المفتاح انتهت وعاوز نغير البطاريه ولا هو خلاص عليه العوض هو المفتاح من يوم مشتريت العربيه محدش فتحه يعني هو بتاع الفبريكه ولا خلاص انتهي ومش هيشتغل تاني يا رجاله
طب انت متاكد من نور اللمبه اللي في المفتاح الاضاءه زى الاول ولا ايه النظام وبعدين جرب تغير البطاريه مش هتخسر كتير
انا مره الريموت علق معايا كده مره واحده جربت بتاع 6 مرات وانا واقف جنب الباب مش راضي يفتح بس سبته شويه وبعدين جربت اشتغل عادي
اولا بشكر كل الي رد عليا
ثانيا انا ابتديت افك الريموت وكان اول مرة يتفك بصراحه لقيتو متغلف بلاستيك كله ملزوق بتاع الفبريكه طبعآ المهم كانت البطرية بترعش مالمبه شغالة المهم غيرت البطارية واللمبه اشتغلت بس لسا منزلتش عشان اجرب مع العربيه ربنا يسهل وارد عليكو
الريموت مشتغلشبعد مغيرت البطاريات بتاعه يا تري ايه الحل افيدوني لاني حزين جدآآآآآآآآآآآآآآآآآآآآ
حصلت معايا وطلع العيب فيوز
هروح بكره للكهربائي بتاعي يشوفلي الفيوز
فى طريقة فى كتالوج العربية توضح طريقة اعادة برمجة الريموت على العربية بعد تغير البطارية
و هى كالاتى (اضغط على احد المفتاحين الموجودين بجهاز الارسال-الريموت-ثلاث مرات خلال 20 ثانية)واكيد الكلام ده وانت بالقرب من العربية
لو مشتغلش بعد كدة ممكن تشيك على الفيوز الخاص بجهاز الانذار كما قال الزميل(علبة الفيوزات داخل المقصورة)