السعر الجديد للجراند بونتو التيربو

**ahmedbasto** · 06-04-2010 08:36 PM

والله انا كمان غير كدة كل ما اساله فى حاجة يقعد يضيع

**semsem_uno** · 06-04-2010 11:06 PM

انا بقي نفسي اشتغل في اوماترا
هشقلب الدنيا بس اعمل ايه يا ربي العمر و الدراسة و و و و و :(

**Ghamrawy** · 07-04-2010 01:35 AM

العربية دى عندى احسن من البرافو ال 120 الا لو اللى عايز عايز عربية اوتو

**ahmedbasto** · 07-04-2010 08:19 AM

المشاركة الأصلية كتبت بواسطة semsem_uno

انا بقي نفسي اشتغل في اوماترا
هشقلب الدنيا بس اعمل ايه يا ربي العمر و الدراسة و و و و و :(

وانا والله يا سمعة بس بردو نفس الأسباب

**mmffor** · 07-04-2010 10:25 AM

والله يا جماعه فعلا التوكيلات مش بتهتم بالمبيعات عندها و ده برضه في توكيل هيونداي و بعض التوكيلات اللي رحتها, بيدوا للي عايز يشتغل محاضره واللا اتنين عن العربيه يحفظوا فيها انها حلوه و جميله و صاروخ و امان و بس على كده! تيجي تسأله فنيات او حقائق عن العربيه تلاقيه ميح ميفهمش غير, تكنولوجيا ياباني او الماني, شاسيه حديد, عفشه حديد و ناعمه في نفس الوقت, صالون فاخر, قماش تنجيد فاخر, معامل امان على اعلى مستوى ( فرامل و اكصدامات و حزام امان ) اختبار تصادم 5 نجوم ( و متكنش دخلت الاختبار من اساسه ) و يسكت تسأله اي سؤال عن الموتور او تجربة القياده او التجهيزات الفنيه يبصلك و بس!!!
تجربه ليا: مره رحت لتوكيل فاو الجديد ( كان توكيل كيا في السابق) معروفه ان الفاو عربيه صيني و جديده في السوق و ناس كتير متعرفش عنها, انا كنت عاوز اشتري عربيه و ليا واحد صاحبي في التوكيل فرشحها ليا علشان توكيل جيد و قطع غيار رخيصه فعلا مع انها تويوتا على عكس توكيلات الصيني التانيه قطع غيارها غاليه و علشان العربيه تجهيزات تويوتا بالكامل ( موتور + عفشه + فتيس + مارش + دينامو و خلافه ) المهم رحت التوكيل بصيت بصه سريعه على العربيه الاقي بتاع التسويق بيقوللى العربيه 5 نجوم اختبار تصادم (انا عارف انه مستحيل لأن اغلب السيارات الاوروبي و الياباني بيجيبوا 4 نجوم و بيبقوا فرحانين) المهم فلتلوا وريني راح موريني فيديو للعربيه الاكبر من فاو اللثي بموتور جيتا و شاسيه مازدا 6 قلتلوا بس دي مش هيا الفيتا الصغيره دي الكبيره راح قاللي بس نفس الشركه!!! المهم كل كلامه اللي هما حفظهولوا العربيه موتور ياباني طيب ماشي و بعدين ؟
انا رحت البيت و كنت ناوي اجيبها دخلت على النت و دورت على الشركه: فاو اختصار كلمة اول مصنع سيارات في الصين. الشركه فعلا من اوائل الثمانينات و فعلا كانت بتصنع ميني باصات و اوتوبيسات في الصين و عملت شراكه مع فولكس فاجن 1989 لتصنيع سيارات الفولكس و محركاتها محليا!! عام 1995 عملت شراكه مع مازدا برضه بتوفير خطوط انتاج لمازدا لتصنيع السياره محليا و اخيرا شراكتها مع تويوتا موتورز عام 1999 لتصنيع محركات الكورولا و تصديرها لجنوب افريقيا لتجميعها هناك و ايضا تصنيع محركات الياريس للتجميع المحلي و حاليا بيستخدموا احدث تكنولوجيا تويوتا في المحركات a5+
و الشركه الاوتوماتيك بتاعها مش عادي لأ ايزي ترونيك (احدث من الاستيبترونيك) بس الفتيس الاتوماتيك بيستوردوه بالكامل من ايطاليا (يعني مش افتكاسه صيني للاوتوماتيك) العربيه بتتصدر لاستراليا و للمكسيك وروسيا و 3 او 4 دول كمان بس طبعا غير الشرق الاوسط . استراليا الوحيده اللي عملتها اختبار تصادم و متانه و سلامه و نجحت فيها (جابت 3 او 4 )
و قريت اختبارات قياده لمالكين حاليين للسياره في منتديات عربيات هناك و النيجه ان الموتور اداءه اكثر من رائع و الفتيس ممتاز بس اشتكوا ان في بوادر صدأ ابتدت تظهر حوالين اماكن فتحات المسامير في البودي و الرفارف. و ان موتور المساحات و القربه بيبوظوا بسرعه و انهم غيروها بمواتير مساحات تويوتا و شغاله زي الفل حاليا!!! الكماليات كامله من اول راديو سي دي مع مشغل ام بي ثري و وصلة يو اس بي. حساس ركن. وساءد هواء اماميه. فرامل اي بي اس.
الشركه بتوفر قطع غيار مجانا هديه لكل العملاء تكفيهم لحد 40 الف كيلو قياده!!!! و ضمان سنتين او 3 مش فاكر و ده ممتاز لعربيه صيني!!

شفت انا من فضولي جمعت معلومات قد ايه عن العربيه و الشركه المصنعه و اراء المستخدمين!!
و مندوب المبيعات اللي شغال في التوكيل مش عارف غير انها موتور تويوتا (على فكره فعلا كل حاجاتها تويوتا بس بتتصنع في خطوط انتاج تويوتا الصين مش اليابان) انا لما قلتلوا تويوتا صحيح بس صيني مكانش مصدق! كان فاكرها تويوتا اليابان!

**ahmedbasto** · 07-04-2010 02:13 PM

فعلا والله مشكلة

الموضوع: السعر الجديد للجراند بونتو التيربو

LinkBack

أدوات الموضوع

عرض

-

-

-

-

-

المواضيع المتشابهه

صيانة الـ 20.000 للجراند بونتو

جنوط للجراند بونتو

<<<فرش نضيف للجراند بونتو>>>

فوجات للجراند بونتو

هل يمكن رفع hp للجراند بونتو

الكلمات الدلالية لهذا الموضوع

المفضلات

المفضلات

ضوابط المشاركة