السلام عليكم
انا معايا اوبل كورسا 2003 والمفتاح الوحيد اللي معايا ضاع ومش عارف اعمل ايه
والعربيه ركنه ف الشارع
بالله عليكم اللي يعرف حل يقولي عليه دلوقت
عرض للطباعة
السلام عليكم
انا معايا اوبل كورسا 2003 والمفتاح الوحيد اللي معايا ضاع ومش عارف اعمل ايه
والعربيه ركنه ف الشارع
بالله عليكم اللي يعرف حل يقولي عليه دلوقت
اعتقد ونش وعلى التوكيل عدل
استنى رأى بقيه الاعضاء برضه
مفيش غير الونش و على التوكيل
لأنى اعتقد انك انها لو زى الفيكترا يبقى حتى لو كسرت الزجاج الجانبى بردو الباب مش هيفتح
و لو الباب فتح برضوه هتعمل ايه
عليك وعلى التوكيل وكلمهم هما ممكن يبعتولك ونش او حد يعرف يشغلها
لو مركونة فى مكان كويس و عادى لو باتت يومين سيبها و روح التوكيل يعملولك مفتاح
ربنا معاك فى الموقف الى يضايق دا
جزاكم الله خيرا يا جماعه
بالنسبه للتوكيل انا كلمتهم ومحدش فادني بحاجه خصوصا انني معيش نسخه تانيه من المفتاح والتوكيل قاللي مش هيعرفو يطلعولي مفتاح غير لما يكون معايا واحد تاني يطلعو عليه (صباح الغباء) وقالولي ان الحل اغير طقم كوالين ب 3000 جنيه طبعا غير المصنعيه
انا سمعت انو ممكن اطلع المفتاح من ال vin code بتاع العربيه بس مش عارف في حد هنا في مصر عندو فكره ولا لأ
في واحد اسمه سعيد جاكسون فى شارع السودان اتصل بيه يمكن يكون عنده حل .
رقمه مش معايا .
فيه مركز مفاتيح فى احمد سعيد
ممكن تشوف قسم المواضيع الأعلانية
سيبك منالتوكيل ياباشا 3000 ايه الحل عندهم اكيد بس هما ح يلفو منك وياخد فلوس اكتر وبقولك احنا غيرنا الطقم كله
بلاش ياباشا
اكيد فا ناس تقدر تعملك مفتاح خارج التوكيل
والله مشكلة وحشة جداااااااا ربنا معاك.
الحمد لله لقيت المفتاح .......... :coool::banana:
الحمد لله طلع عليه نسخة تانية وحافظ عليه عشان متحتجش التوكيل
بقى الفتاح معاك و عامل الدوشة دي كلها
هقولك على حاجة
دايما ربنا بيعمل للصالح
عارفة كدة احسن من بكرة و بعده تكون فى المصيف او فى مكان بعيد و يحصل معاك الموقف دة
دا اكيد شد ودن صغيرة
طير اعمل علية مفتاح او اتنين و وزعهم واحد فى المحفظة و التانى فى البيت
بكدة ربنا يسترها معاك
ان شاء الله
و سلام
الحمد لله إنك لقيته
طلع منه نسخة بسرعة
بوص يا باشا المشكله اني العربيه ده طالما قافله انت بالريموت بتاعها لو عملت ايه مش هتعرف تفتحها ولا تدورها غير بالمفتاح بتاعها والمصيبه بقي الكبري اني الباب بتاعها مش بيفتح غير بالمفتاح او الريموت بس المفتاح بتاع العربيه لو عملت عليه نسخه علي الاقل هتعرف تفتح الباب بتاع العربيه بس المصيبه اني المفتاح مش هيدور العربيه
فانت اعمل مفتاح كده وربنا يسترها علي المفتاح اللى معانا ده لاني لما سالت عليه حد قالي 1500 وانا مش عارف ده صح ولا لا ولما سالت مره في منصور اللى في جامعه الدول قالي 750 ومش موجود اصلا
وانت لو لاقيت حل يا ريت تقولي بجد
اعمل عليه و سيبها على الله بعد كده