سؤال لولبى بخصوص المياه الخضرا

**srm** · 06-04-2010 04:31 PM

ازيكم يا شباب ......انا كنت غيرت المياه بتاعت الرداتير من يومين بمياه خضرا ودى اول مره اعمل الحكايه دى انا كنت بحط الاول مياه عاديه ..انا الحوار طبعا عملته عند الميانيكى .....المهم جيت ببص امبارح على المياه وانا بغير الزيت لقيت لونها بقى بنى يا ترى هل ده طبيعى وانا لسه مغيرها من يومين ولا فى حاجه غلط؟؟؟؟؟؟؟؟؟؟؟؟؟؟؟؟

**MMamdouh** · 06-04-2010 04:33 PM

صداء

MMamdouh

**venomixus** · 06-04-2010 04:45 PM

المشاركة الأصلية كتبت بواسطة srm

يعنى المفروض اغيرها تانى يا ممدوح باشا ولا اسيبها شويه ولا اعمل ايه بالظبط؟؟؟؟؟؟؟؟

المفروض تكشف على الرادياتير اذا كان فيه بارومة ولو لقيته سليم تعمل غسيل رادياتير وتغير المية نصفها خضراء والنصف التاني مقطرة... ونصيحة استخدم مية موبيل الزرقاء

**MMamdouh** · 06-04-2010 05:02 PM

المشاركة الأصلية كتبت بواسطة srm

يعنى المفروض اغيرها تانى يا ممدوح باشا ولا اسيبها شويه ولا اعمل ايه بالظبط؟؟؟؟؟؟؟؟

لازم تغسل الدورة كويس

MMamdouh

**محمد الشامي** · 06-04-2010 10:56 PM

الصح انك تغسل الدوره غسله محترمه , بس حاول متستخدمش كيماويات لإزاله الصدأ عشان متاكلش مواسير الريدياتير ,, انا شوفت ناس بتوع ريدياتير بيحطو ماده كيماويه لونها بنى ويسيب العربيه دايره 10 دقايق وبعدها يغسل تاني

الكلام ده كله غلط , لان الميا الخضرا نفسها لو كانت مركزه بتاكل المواسير وبتعمل نشع , ما بالك الكيماويات دي ,, وعلى فكره الطريقه دي صح جدا بس مع الريدياتير النحاس بتاع العربيات القديمه

عالعموم جرب تغسل دوره التبريد تاني (بنفسك) و مع اخر غسله حط شويه (خل طعام) مع الميا عشان يقضي على الرواسب الملحيه والأملاح بشكل عام , وبعدها غير الميا لأخر مره وفضيها وحط ميا خضرا خفيفه التركيز بدون اضافه ميا عاديه , زي النوع الاسبانى اسمه iada تقريبا بـ 25 جنيه الـ 5 لتر

بص على الموضوع ده كمان :-
http://www.nilemotors.net/Nile/138586-a.html

**SBkr** · 07-04-2010 03:27 AM

عموما تعكر المياة الخضراء موش وحش دة دليل علي ازالة رواسب الصداء من دورة التبريد لصورة مذابة في المياة ودة كويس ممكن تمشي كدة اسبوع مثلا وتشوف اللون البني دة هيزيد كمان ولا لأ لحد مايثبت هتكون ازالت غالبية الصداء من دورة التبريد اغسل بمياة عادية وحط جركن جديد السعودي ابو 15 جنية او الأسباني وان كنت بفضل السعودي مع اضافة عبوة أبروا نصف لتر مع الجركن ودي بعشرة جنية برضة مياة خضراء غير مركزة واستخدم براحتك وهتشوف الوان اخضر فسفوري لامع زيتية و الحرارة هتريح معاك جدا حتي مع التكييف بإذن الله

**محمد الشامي** · 07-04-2010 10:03 AM

المشاركة الأصلية كتبت بواسطة SBkr

عموما تعكر المياة الخضراء موش وحش دة دليل علي ازالة رواسب الصداء من دورة التبريد لصورة مذابة في المياة ودة كويس ممكن تمشي كدة اسبوع مثلا وتشوف اللون البني دة هيزيد كمان ولا لأ لحد مايثبت هتكون ازالت غالبية الصداء من دورة

معقول الكلام ده !!!!

طيب ازاي هيقدر يقول ان اللون الغامق اصبح ثابت وهي كده كده معكره ومش باين منها حاجه ؟؟
وبعدين مهي نفس الشوائب والصدأ المذاب في الميا هيتجمع تاني ويكون كتل اكبر من الصدأ والأملاح في أماكن تانيه !!! خاصه لو ركن المحرك بدون عمل لمده 3 ايام مثلا !!!! صح ولا ايه ؟؟؟؟
وكمان هل يجوز اننا ننضف حاجه بحاجه مش نضيفه اصلا ؟ ولا المفروض بنحط حاجه نضيفه عشان تنضف الشوائب والأوساخ و وبعدها نغسل تاني وتالت ورابع ؟؟؟

على فكره يا اخي انا مش بعارضك الرأي , بس احنا بندردش