ما هي طريقة بيع سيارة مستعملة و مازالت عليها أقساط (4 سنوات) مع العلم ان عليها حفظ ملكية كما هو مثبت في الرخصة
أفيدونا جزاكم الله خيرا
ما هي طريقة بيع سيارة مستعملة و مازالت عليها أقساط (4 سنوات) مع العلم ان عليها حفظ ملكية كما هو مثبت في الرخصة
أفيدونا جزاكم الله خيرا
متابع باهتمام
متــــــــــــــابع انا كمان
ايه يا رجاله مفيش غير متابعات باهتمام ؟؟؟
اكيد اكيد قصدك انك مستعجل علي الرد
بس الناس لما بتشارك بالرد الموضوع بيكون مرئي اكتر لأنه بيطلع علي قايمه القسم بتاعه
و اكيد هما ميعرفوش
انت شكلك مستعجل و الله يعينك بس مش لدرجه ان واحد يرد عليك و هو بيفتي فيما لا يعلم
انا برضو مش عارف و مستني ويا حضرتك حد عارف برد علينا و علي الله يكون رد سريع و شافي
على حد علمي والله أعلم
لا يجوز اطلاقا نقل ملكية السيارة طول ما عليها حظر بيع، عشان تبيعها لازم تفك الحظر عن طريق تسديد ثمنها بالكامل للبنك وبعد كده بيديك جواب لفك الحظر في المرور.
انما لو عاوز تبيعها لحد وهو يكمل اقساطها فدي مشكلة أكبر لأنه مينفعش تتنقل من على حسابك في البنك على حساب حد تاني. ولكن بعض الناس بتتحايل على الموضوع ده عن طريق البيع بتوكيل خاص وايصالات أمانه عشان حفظ حق كل من البايع والمشتري.
بس انا شخصيا شايف ان الموضوع ده فيه مشكله كبيرة لكل من البايع والمشتري.
العمليه بسيطه يا أخ grnada
1-أنت بتتفق مع اللي هيشتري منك على السعر اللي أنت هتبيع بيه
2- بعدين تروحوا أنتو الأتنين و معاكو الفلوس للبنك و تدفعوا الباقي من تمن العربيه و تاخد مخالصه من البنك
خلي بالك الباقي من تمن العربيه ده اللي هو من أصل القرض + 3% تعجيل دفع
يعني ايه؟
يعني أفرض مثلا أن فاضل عليك 48 قسط قيمه القسط 1500 جنيه مثلا
48*1500= 72000 جنيه
ال 72000 دول عباره عن اصل القرض + الفوائد في ال 4 سنين
أنت هتدفع الأصل بس مش ال72000 كلهم يعني هتدفع مثلا 50000 جنيه
+ 3% من ال 50000 تحت مسمى غرامه تعجيل دفع 5000*3%=1500 جنيه
يعني كل اللي هتدفعه يبقى 51500 جنيه فقط لا غير
طبعا الأرقام اللي أنا كاتبها دي للتوضيح بس لكن النسب الفعليه و الأرقام الحقيقيه أنا ما أعرفهاش
بس أنت تقدر تروح البنك اللي أنت عامل منه القرض و تسأل لو أنا عايز أخلص باقي القرض دلوقتي أدفع كام كاش بغرامه تعجيل الدفع
3- تكتبوا العقد بتاعكو عادي و تاخدو المخالصه و تروحوا المرور تفكوا حظر البيع بالمخالصه اللي معاك
4- بعدين تسجلوا أو تعملوا توكيل زي ما تتفقوا
و ربنا يكرمك في بيعها
بس نصيحه صغيره ليك في الأخر
البنوك بتعمل حاجه مستفزه بتخلي نسبه الفايده في السنين الأولى من القسط أعلى بكتير من نسبتها في السنين الأخيره
يعني تقريبا لو قسطك على 5 سنين هتلاقي نفسك دفعت 75% من الفايده خلال ال 3 سنين الأولانيين
و ال 25% الباقيين في أخر سنتين
فلما تيجي تخلص القرض بعد سنه زي ما أنت عايز تعمل تلاقي أن معظم الفلوس اللي أنت دفعتها راحت تحت بند الفايده و جزء صغير أتخصم من أصل القرض
قتلاقي لسه باقي كتير من أصل القرض
و عموما ربنا يوفقك للي فيه الخير ليك
اولا عقد بيع سيارة يوقع عليه البائع والمشترى مكتوب فيه سعر البيع ولنقل مثلا 40000 جنيه اللى هما هيدفعوا للبائع اللى واخد قرض البنك بأسمه ويوقع على العقد 2 شهود يكونوا من الورثة (واحد يكون وريث للبائع ابنه مثلا او زوجته وواحد وريث للشارى زوجته مثلا او ابنه لان الاعمار بيدى الله وعلشان محدش ييجى بعد كده ويقول لآ ما حصلش)
ثانيا 4 شيكات بنكية او ايصالات امانة بالمبلغ الاجمالى المتبقى على السيارة كل شيك بقيمة الاقساط السنوية بحيث يقوم البائع بتسليم الشيك بعد سداد قيمة القسط السنوى سنويا
ثالثا ايصال امانة او شيك بنكى بالقيمة المدفوعة للسيارة (40000 جنيه) من البائع للشارى يسلم بعد سداد الاقساط واخذ مخالصة البنك ورفع الحظر عن السيارة
................................*
محمود عينو
أولا انا اشكر كل الأخوة اللي بعتوا ردود و اقلوهم جزاكم الله كل الخير
ثانيا بافكر اعمل الآتي و يا ريت تقولولي صح ولا لأ
1- انا هبيع للمشتري و اتفق معاه اني استمرفي سداد باقي الأقساط
2-و اعمل للمشتري تعهد بانهاء كافة الإجراءات المتعلقة بتجديد الرخص و خلافه
3- انا باعمل كده لأني محتاج الفلوس مش محتاج اسلم العربية ووخلاص
ممكن المساعدة ؟؟