عفشة السيراتو ناشفه, الحل؟

**xShadow** · 06-04-2010 08:36 PM

المشاركة الأصلية كتبت بواسطة abouleila

انت تقصد اهلى م نصر بس ده بعيد عليا انا من الهرم وشغلى فى الدقى شوف حاجه كده تكون قريبا منى وشكرا لتعبك معايا

إنت ممكن عامةً تنفخ نتروجين في أي مركز معتمد لبريدج ستون و دول موجودين في كل حتة..

عموماً أقرب واحد أعرف ليك في شارع المنيل أريب من mcdonalds .. بس لو سألت أكيد في أقربلك من كدة

**timtim77** · 06-04-2010 08:37 PM

المشاركة الأصلية كتبت بواسطة abouleila

انت تقصد اهلى م نصر بس ده بعيد عليا انا من الهرم وشغلى فى الدقى شوف حاجه كده تكون قريبا منى وشكرا لتعبك معايا

انا اسف جدا اللى اعرفه عند النادى الاهلى مدينه نصر
اعتقد انك حتلاقى بتوع كاوتش قريبين من حضرتك وعندهم الجهاز بتاع النيتروجين

**M7amD_7amDy** · 06-04-2010 09:01 PM

انا كمان عامله على 32 ومكبر الجماجم :)

**hobaz** · 06-04-2010 11:01 PM

انا من مؤيدين العربية دي ومش ضدها ومن رأيي عامة في اي عربية لازم تلتزم بضغط الكوتش المزبوط بتاعها لأنه لو قل هيستهلك بنزين وهيقلل عمر الكوتش لأن مساحة التلامس مع الأسفلت هتكبر ولو الضغط كتر هيقلل الثبات لأن مساحة التلامس مع الأسفلت هتقل أوي والله أعلم..
تقبلو مروري...

**arafahafez** · 07-04-2010 03:09 AM

انا من رأيي الحفاظ علي ضغط العجلات حسب كتيب السيارة عند 32 لان هذا الرقم حددته الشركة الصانعة علي عدة عوامل منها ( وزن السيارة فارغة - السرعات المحددة للسيارة - مقاس الاطار - وزن السيارة بكامل الحمولة - نوع العفشة المستخدمة بالسيارة اماميا وخلفيا ) . اما عن رأى بعض الاعضاء فى استخدام النتروجين بدلا من الهواء العادى فأننى اعدكم بتقرير مفصل عن مميزات وعيوب هذا الاقتراح ... الى اللقاء قريبا .

**Cutevampire** · 07-04-2010 12:01 PM

طيب هل نشوفية العفشة سببها الكوتش بس ؟؟
يعني تغيير اجزاء اخري من العفشة مش هيفرق ؟؟
حاجة تانية .. الناس اللي عملت كيلووات كتير .. لسه مفيش فرق؟؟ .. علشان انا برضه يدوبك 3000 كيلو

**mameen** · 07-04-2010 12:23 PM

انا وصلت 5600كم وحاسس بفرق شوية

**excel_team2000** · 07-04-2010 01:12 PM

يا جماعة نشوفية العفشة لها بعض الأسباب فى أى عربية ومنها فى السيراتو على سبيل المثال
1- نظام التعليق الخلفى
2- الجنط 17
3- الكاوتش عريض وايضا ( لو بروفيل )
بالنسبة للسبب الأول مالوش حل والسبب الثانى ممكن نغير الجنط ب16 وشكل يكون شيك برده بالنسبة للسبب الثالث نغير الكاوتش بس نخلى البروفيل أعلى بنفس مقدار فرق الجنط17من16 وذلك للحفاظ على نفس خلوص العربية من الأرض عشان الثبات وفى النهاية النيتروجين فى الكاوتش وإنشاءالله العفشة حتكون ولا اليابانى ولو حد جرب ياريت يقولى النتيجة