الموضوع: مهزلة في البنوك المصرية .... وبتعليمات من البنك المركزي ... المحترم

انا ما كنتش مصدق ... لغاية ما اتأكدت
تعليمات من البنك المركزي المصري لكل البنوك بصرف نسبة من اي مبلغ كبير يتم صرفة للناس على هيئة عملات معدنية ........ والبنوك مش بتقبل ان الناس تودع الفلوس دي
تروح تصرف شيك من البنك تلاقي البنك بيجبرك انك تاخد كمية مهولة من العملات المعدنية
النهاردة كنت في شركة باراجع حساباتها لقيت الصراف راجع م البنك ومعاة 1600 جنية عملات معدنية في اكياس نايلون شكلها في منتهى القمائة
8 اكياس جنيهات و 16 كيس 50 قرش .... 24 كيس غير الفلوس الورق .... الراجل كأنه شايل شيكارة اسمنت ... افتكرت افلام زمان ايام الجاهلية لما كان الراجل الشرير بيحدف صرة الدنانير للتاجر اليهودي .... ويضحك ضحكة شريرة مجلجلة .... خذ ... هذه لك .... هذه ترضي ضميرك ... هاهاهاهاهاهاها
.....
والبنوك فيها ورق متعلق مكتوب عليه التعليمات دي ... وكل بنك له حصة اسبوعية من الدنانير المعدنية لازم يوزعها على العملاء بتوعه
نفسي اعرف مين الشخص الفاشل اللي فكر بالاسلوب الفاشل ده ......... المفروض يبعد عن اي منصب قيادي لمدة 80 سنة 6 شهور .... وبعدين يتمد على رجليه ويترفد
...
زمان كان فيه ازمة طماطم .... كان البياع يقول للزبون كيلو الطماطم لازم تشتري معاه كيلو بطاطس .... كله على بعضة ..... من ده على ده يا مواطن
..
التاريخ يعيد نفسه