الموضوع: Kia Carens Vs. Nissan Livina

اوووووووووووبا
حيرتونى معاكم انا كمان لانى كنت ناوى على ال كارينز للمدام وانتم مشكورين لفتوا نظرى للنيسان ليفينا كده انا هفكر تانى
........................*
محمود عينو

عايزين نعرف تفاصيل اكثر
عايزين مقارنات قوية يا جماعة مش كدة
همتكم معانا

مفيش وجه للمقارنة
ليفينا طبعا

المشاركة الأصلية كتبت بواسطة mohaismail

مفيش وجه للمقارنة
ليفينا طبعا

ليييييييييييييييييييييييي يييييييييييييهههههههههههه ه ؟؟؟؟

Nissan Livina Much Better than Carens

ياجماعة لو تكرمتم .... اللى اشترى منكم نيسان ليفينا يقولنا ايه أخر أخبار العربية معاه ؟ و رأيه ايه بعد الاستعمال ؟

شكرا لكم جميعا.

اخى الحبيب ... اليك مقارنة بسيطة على قدر حالى بين السيارتين من حيث الامور التى تهم كل مستهلك
اولا : المنشا : كما هو نامى الى علم الجميع ( الكيا . كارينز ) كورى المنشا ... ( النيسان . ليفينا ) يابانية التصميم ، صينية التجميع وطبعا فى مصانع نيسان تحت تطبيق نفس معايير الجودة اليابانية ( مش مصنع تحت السلم يعنى ) السيارة براند نيم ( نيسان ) فتيس وموتور التيدا ، تقفيل فى مصنع نيسان بالصين تحت جودة واسم نيسان وده للظروف الاقتصادية للتصنيع بالصين ، وكلمة صينى عيب لما تقال لما نرتقى لهذا المستوى لانك مش رايح تجيب فانوس رمضان ولا قاعدة تواليت فبتقارن بين الايطالى والصينى ، السيارة توزع فى جميع انحاء العالم من مصنع الصين واول مرة ظهرت فى معرض بامريكا كانت جميع البيانات الخاصة بها بالصينى فخرا بيها هى والسيارة بلو بيرد ( سيلفى ) وعلى فكرة لاند روفر بتنشئ مصنع فى الصين وبى ام دبليو كمان .. تفتكروا ها يبقى وضعهم فى السوق العالمى بعد ذلك .. دى نيسان كما سيكون الحال مع جميع كبرى مصانع السيارات فى العالم فيما بعد وكما الحال مع تويوتا فى جنوب افريقيا ... واخيرا هايتم تصنيعها فى مصر كمان
ثانيا : الموتور : ( والتعليق سيكون مختصرا فقط لما يهم المستهلك وليس للمحترفين )
الكارينز : 1600 سى سى 124 حصان
الليفينا : 1600 سى سى 109 حصان
ثالثا : الكماليات .
الكارينز : ( الاتوامتيك العادية وسعرها فى التوكيل دلوقتى 118000، اما الهاى لاين 127000 والخليجى تسليم فورى 132000 ) تكيف ، باور ستيرنج ، زجاج كهرباء ،سنتر لوك بدون ريموت كنترول ، مرايات كهرباء ، راديو سى دى كلاريون ( مش اصلى ، تركيب ) وينقصها ( اير باج ، ايه بى اس ، اي بى دى ، حساسات ركن خلفى ) المقارنة بالنسبة للخليجى والوكيل
الليفينا : تكيف ، باور ستيرنج ، زجاج كهربائى ( امان ضد الغلق ) ، راديو كاسيت ، مرايات كهرباء ، اتوماتيك ، ايه بى اس ، ايه بى دى ، بى دى ، مفتاح ذكى مانع لتشغيل الموتور ، فتح السيارة من خلال لمس الاوكر ، جنوط المونيوم 15 ، حساسات للاضاءة الامامية ( تشغيل اتوماتيكى للاضاءة الامامية )، فوج لايت ، شبكة نيكل ، تشغيل المحرك بدون مفتاح وليس بصمة ، فرش ضد الماء .
رابعا : الحجم .
الكارينز : خمسة راكب وحدث ولا حرج للاتساع الداخلى لان اصل السيارة 7 راكب وتم الغاء الكنبة الخلفية لتخفيض السعر .
الليفينا : خمسة راكب ، سعة صالون مرضية بالذات المساحة الامامية
خامسا : التصميم الخارجة والداخلة والخامات
الكارينز : التصميم الخارجى وحجم السيارة اخااذ ملفت للنظر تتسم بالرحابة وكبر المقاسات سيارة جميلة المظهر والمضمون ، التصميم الداخلى للسيارة ليس فيه اناقة عالية ولا ابهار مميز ولكنه يتناسق مع رحابة السيارة الا ان الخامات المستخدمة رديئة جدا تكاد تكون من البلاستيك الرخيص مما لا يعطى فخامة لجوهر الصالون.
الليفينا : الشكل الخارجى جميل جدا يضيف عليه فخامة علامة نيسان الكبيرة بالنيكل وشبكة نيسان الجديدة التى تضفى فخامة غير مسبوقة على مقدمة السيارة كما تتميز بجودة الطلاء وزيادات من الفيبر فى الاكصدام الخلفى والامامى تتناسق مع البيكتات على الابواب والرفارف ... اما التصميم الداخلى فهو يتسم بالعملية دون وجود بعض اللمسات العصرية . عملى اكثر من اللازم دون وجود ابهار فى التصميم ولكن جودة الخامات المستخدمة يجعلك تتغاضى عن اى شئ اخر ففعلا السيارة تتسم بجودة الخامات المستخدمة فى التابلوه والابواب مقارنة بمثيلتها من الكارينز .
سادسا : السعر
الكارينز ( الاسعار الرسمية لها دون النظر الى الاوفر برايس ) المانيوال 107000 والاتوماتيك 118000
الليفينا ك 114900 وموديل 2010 عليه خصم 110000 بعد الخصم ( علما بان سعر نزول الموديل كان 135000 )
سابعا : الاعتمادية : السيارتين فى نفس درجة الاعتمادية ولكن كبر حجم الكارينز يعطى نسبة تحميل وفراغات للتخزين اكبر
ثامنا : سعر اعادة البيع:
الكاربنز افضل وذلك لشدة الطلب عليها
الليفينا اقل طلبا واكثر صعوبة فى البيع ولذك الكارينز تتفوق على الليفينا بشراسة فى هذه النقطة
اخيرا : التقيم النهائى
الكارينز : اكبر حجما ، اقل فى الكماليات ، جودة خامت رديئة ، اكثر استثمارا فى سعر اعادة البيع
الليفينا : نيسان ، كماليان عالية جدا ، جودة خامات عالية ، اقل استثمارا فى سعر اعادة البيع
واراى اخيرا : للمستهلك حسب افضليته للامور وحسب ما يريد من السيارة فلكل مستهلك طلبات ورغبات متغيرة عن الاخر وكل سيارة ستشبع رغبات مستهلك عن الاخر ... رايى الشخصى بالنسبة لمتطلباتى فى السيارة الليفينا ستكون الافضل بالنسبة لى .. كماليات بوفرة وليس فيها نقص شديد من الكماليات كما فى الكارينز ، شكل جديد ، نيسان وجودة نيسان بغض النظر عن موضوع تجميع الصين ده ، سعر اقل بالنسبة للتسليم الفورى فاكارينز الخليجى تسليم فورى دلوقتى اتومتيك 132000 جنيه فانا ارى وهذه وجهه نظر شخصية الليفينا صفقة رابحة عن الكاريبز ان شاء الله لان الاوفر برايس يعادل ضعف سعر اعادة البيع فى الليفينا . واخيرا تقبل منى رائى المتواضع .. حياك الله