لو سمحتوا يا جماعه هو ضغط الكاوتش المفروض بيبقي كام
في الصيف والشتاء
هل في شيء مكتوب موصي به للعربيه
وهل بيكون ثابت صيف وشتاء ولا بيتغير
انا عامله علي 28 بما اننا في الصيف
ايه رأيكم؟؟
عرض للطباعة
لو سمحتوا يا جماعه هو ضغط الكاوتش المفروض بيبقي كام
في الصيف والشتاء
هل في شيء مكتوب موصي به للعربيه
وهل بيكون ثابت صيف وشتاء ولا بيتغير
انا عامله علي 28 بما اننا في الصيف
ايه رأيكم؟؟
اللي اعرفه ان مقاس الهواء 30 وممكن في عز الصيف يكون 28
فى العربيات اليابانى الضغط بتاع الكوتش يا اما مكتوب فى باب التنك او القايم بتاع باب السواق و الناس معظمها بيقول 28 صيفا و 30 شتاء و الله اعلم
هتلاقيه مكتوب على قايم باب السائق
عندي في الكريستاله
الضغط على البارد للامام والخلفي
cold tire inflation pressure kgf/cm2
2.1
والرقم ده بيتحول للضغط العادي يطلع =29.99 يعني 30
في موقع بيحول ارقام ضغط الكاوتش بس مش فاكره
من واقع نصيحة الأعضاء ليا
28 أفضل ضغط للحفاظ على الكاوتش ..والعفشة
..والله أعلم..
افضل ضغط للكاوتش هو فعلا 28 صيفا و 30 شتاءا
شكرا ليكوا يا جماعه
فعلا انا جربتها علي 32 كانت ناشفه جداجدا بس كانت بصراحه بحس ان التجميع بتاعها اسرع
وجربتها علي 30 كانت ناشفه برضو بس في الشتاء بتكون كويسه
اما 28 فأعتقد انها مناسبه في الصيف جدا وطريه
بس هل هيكون ليها تأثير علي الكاوتش؟؟؟؟؟
وبعدين في سؤال تاني
هل الاستبترونك لما اجي احوله من اوتوماتيك الي مانيوال لازم اوقف العربيه ولا عادي وهي ماشيه
لأني لما اشتريت السيراتو الراجل بتاع المعرض قاللي لازم العربيه تقف ؟؟؟
فعلا انسب حاجه هو 28 بس السحب بيكون اتقل
اما وضوع الفتيس ده انا اعرف انه طبيعى يتغير وهى ماشيه وجربتها فى البى ام وعمرى ماسمعت انك لازم تحوله والعربيه واقفه
لانه كده كده بيكون حاسس بسرعه العربيه
خلاص نشوف راى الاستاذ طارق ولو طلع الكلام مظبوط تبقا معلومه جديده
بس اكيد المعلومه دى موجوده فى الكتيب
كان فيه حد سأل على موضوع الفتيس دا وتقريبا" البشمهندس طارق قال وانت ماشى عادى ....
وبالنسبه للكاوتش انا بعمل على 28 صيف وشتاء
طيب بعد اذنكوا انا لو عايز انفخ الكاوتش نيتروجين بيبقى نفس مقاس العادي ؟؟؟؟ وهل بزوده كل شوية ولا بعد فترة؟؟؟؟
متشكر ليك جدا dr.amr على سرعة ردك وياترى فيه فرق بينه وبين الهوا وايه مميزاته؟؟؟؟ معلش بتقل عليك :shyy:
موضوع مقاس الكاوتش فالانسر بيتوقف على الكاوتش و لانسر 2010 خليجى ونازل معاها مقاس كاوتش يشبة القلم والكتالوج بيقول ان مقاس الكاوتش لـ
195/60/15 بيكون ..... 2.1 كجم / سم 2
امامى وخلفى ولما ضبط الكاوتش على 30 بالمقاس العادى وشوفتة بالمقاس الموجود معى كان فعلا ً 2.1 كجم / سم 2
- اما الكاوتش مقاس 185/65/14 فمكتوب فالكتالوج انة يحتاج الى ضبط امام 2.00 وخلفى 1.8 كجم / سم 2 وممكن من دى نعرف المقابل بالمقاس العادى ولكنى ان شاء الله هأجربها عمليا ً واقولك النتيجة
ودى صورة المقاس واحد جانبية القياس ب كيلوا باسكال والناحية الثانية كجم / سم 2
http://up.arab-x.com/Mar10/WfM77610.jpg
اما موضوع الفتيس ستريبترونك :-
فيمكن التحويل من اتوماتيك الى المانيوال اثناء التحرك بالسيارة ( مكتوب بالكتالوج وتجربة شخصية ) وبياخد الغيار الذى يتناسب مع سرعة السيارة فى هذا الوقت
يعنى لو انت ماشى على على الغيار الثالث تلاقى اتكتب امامك على الشاشة بين العدادات الغيار الثالث وبعد كدة انت بتكمل عادى للغيار الرابع مثلا ً او بتسقط غيار يدوى
ملحوظة :- وانت ماشى على الغيار الرابع مثلا ً وضغط على الفرامل فيتم التسقيط للغيارات اتوماتيكيا ً بالرغم من انك تسير على المانيوال ليتحول على غيار يتناسب مع سرعة السيارة
ارجو ان اكون اوضحت واى استفسار انا فالخدمة
dr.amr اقدر اعرف حضرتك حطيتوا عند مين ؟؟؟؟؟
دكتورنا الفاضل
الستبترونك معمول اساساً علشان لو حضرتك عايز فجأة تزود سحب وسرعة العربية تحول مانيوال وتزود بنزين مع تغيير الفتيس للموجب وبالتالى أستجابة العربية لضغطتك على دواسة البنزين بتكون سريعة بعكس الاتوماتيك بتكون النقلات مقننة ومش هاتنقل الا لو دوست لأخر الدواسة فجأة علشان تسقط نقلة وبالتالى تحويل النقل من اتوماتيك لمانيوال اثناء السير عادى جدا ومش شرط توقف العربية الاول.يعنى مثلاً لو انت سايق اتوماتيك وبدأت تطلع من العربية اللى قدامك وأتفاجأت بأن المقابل جاى وقارص والمسافة اللى حضرتك مقدرها مش مظبوطة تحول الى مانيوال فجأة وتديها موجب وتدوس بنزين تلاقى استجابة العربية سريعة جدا وتقدر تعدى العربية اللى امامك بسهولة.
متشكر ليك جدا dr.amr :M_yes[1]: