بخصوص لمبة الـ Check ... !

السلام عليكم و رحمة الله وبركاته ..,

اعضاء و رواد نايل موتورز ..

كان عندي استفسار بخصوص لمبة الـ Check

انا معايا نوبيرا اوتوماتيك ..معايا بقالها 5 سنين ..والحمد لله تمام

اول امبارح كنت راجع من اسكندريه بالليل ..الطريق فاضي كالعاده ..
بس قولت اجرب اشد شوية بالعربيه ..مع العلم ان كان اخري بيها 120
المهم .. شديت بالعربيه مشيت ع 170 ..
لقيت لمبة الـ Check ظهرت لثواني واختفت ...
ع كده تلات مرات ..
مع العلم انها عمرها ماظهرت ع السرعات العاديه 100 &110&120
فـ انا بصراحه متضايق ..ممكن اعرف السبب لو حد يعرف ايه ده ؟؟

وانا شاكر جداً ليكوا ..,

اقتباس:

---

المشاركة الأصلية كتبت بواسطة som3a2

السلام عليكم و رحمة الله وبركاته ..,

اعضاء و رواد نايل موتورز ..

كان عندي استفسار بخصوص لمبة الـ check

انا معايا نوبيرا اوتوماتيك ..معايا بقالها 5 سنين ..والحمد لله تمام

اول امبارح كنت راجع من اسكندريه بالليل ..الطريق فاضي كالعاده ..
بس قولت اجرب اشد شوية بالعربيه ..مع العلم ان كان اخري بيها 120
المهم .. شديت بالعربيه مشيت ع 170 ..
لقيت لمبة الـ check ظهرت لثواني واختفت ...
ع كده تلات مرات ..
مع العلم انها عمرها ماظهرت ع السرعات العاديه 100 &110&120
فـ انا بصراحه متضايق ..ممكن اعرف السبب لو حد يعرف ايه ده ؟؟

وانا شاكر جداً ليكوا ..,

---

ممكن يكون حساس جكمان او اسمه o2

ايه اخبار الصيانه الدوريه ؟

غالبا ده حساس الأكسجين زى ما افاد صديقنا mrsailorص، اللى حصل انك لما كبست على السيارة بشدة علشان تجيب آخرها وحده التحكم دفعت الرشاشات لحقن كمية كبيرة من الوقود للمحرك مما ادى الى ان العادم بتاعها سبب حالة من العمى المؤقت لحساس الأكسجين، وده له معنى من 2، اما ان حساس الأكسجين بتاعك ابتدا يضعف، او ان الرشاشات بترمى بنزين زيادة، وفى كلتا الحالتين تأثيرهم هو استهلاك مرتفع للوقود، لو انت بتعانى من استهلاك مرتفع للوقود وعدم دوران السيارة بسهولة لو انت لسة طافيها من شوية ، يبقى غير الرشاشات، ولو ده مش حاصل يبقى لو تكررت معاك الظاهرة تانى اكشف على حساس الأكسجين عند متخصص ولو تعبان غيره، وفى كل الظروف هى مش مشكلة كبيرة، يعنى انت معندكش كارثة فى العربية لكن قطعة غيار عادية وقت تغييرها قرب سواء كان الرشاشات او حساس الأكسجين

حط العربية على سكانر و شوف كود العطل اللى اتسجل ايه

MMamdouh

تمام ...بالنسبه لاستهلاك البنزين .... العربيه بتاكل بنزين ..
بس انا بحطلها بنزين 80 بقالها يجي 4 سنين ماشيه ع 80 ...ومش مزعلاني ..
بس بتاكل بنزين ...
وهحط العربيه ع سكانر زي ما محمود باشا قال ...واشوف ايه الكلام ..
بس بالنسبه لحساس الاكسجين ده ..أخلي مين يكشف عليه ..ميكانيكي ولا كهربائي ؟؟

اقتباس:

---

المشاركة الأصلية كتبت بواسطة som3a2

بس بالنسبه لحساس الاكسجين ده ..أخلي مين يكشف عليه ..ميكانيكي ولا كهربائي ؟؟

---

لو السكانر طلع ان الحساس بايظ خللى ميكانيكى يغيرة

MMamdouh

الف شكر يا ممدوح باشا ...
ان شاء الله من بكره هحط العربيه ع السكانر ..
انا شاكر جداً جداً ليكوا ياجماعه بجد ...شكراً لكل واحد اهتم و رد عليا ...