السلام عليكم يا شباب
كنت بسأل عن سرعات المكيف .. الحمل اللي بيكون على الموتور بيزيد لما بشغل التكييف على أعلى درجة ولما الحمل بيكون ثابت على الموتور سواء شغلت التكيف على اقل درجة أو أعلى درجة ؟؟
عرض للطباعة
السلام عليكم يا شباب
كنت بسأل عن سرعات المكيف .. الحمل اللي بيكون على الموتور بيزيد لما بشغل التكييف على أعلى درجة ولما الحمل بيكون ثابت على الموتور سواء شغلت التكيف على اقل درجة أو أعلى درجة ؟؟
الحمل على الموتور ثابت لان الكمبريسور ما بتفرقش معاة لان اللى بتتغير سرعة المروحة فقط
اللي فهمته ان السرعة الرابعة لها كتاوت منفصلة
معني كده انها بتعمل حمل اكبر علي كهرباء العربية......زي ما بتفتح النور العالي وتلاقي العربية بتترج
والله اعلم
لو بنتكلم على حمل الكومبريسور يبقى ايوة
لو بنتكلم على حمل المروحة يبقى الحمل بيزيد عند السرعة 4 اكتر من اى سرعة تانية... بس الفكرة ان الزيادة دى زيادة يمكن اهمالها لان مروحة التكييف صغيرة و مش بتحمل جامد على الموتور
MMamdouh
طيب يا جماعه لو حمل التكييف لايتغير طب ليه صوت الموتور بيعلى كل ما نزود سرعات المروحه!!!!!!!!!!!
صوت الموتور مبيعلاش مع المروحة
MMamdouh
معلهش يا شباب علشان افهم وافك الغموض والإلتباس إلي حصل عندي
ممكن حد يدينا فكرة مبسطة كده علي علاقة دورة التبريد بالموتور
ياعني لما دورة التبريد تشتغل بتشغيل التكييف يبقي لما بأرفع سرعة مروحة التكيف بأزود الحمل علي الكومبرسور يبقي إستهلاك الكومبرسور هو إلي بيتأثر موش الموتور؟ صح الكلام إلي باقوله ده ولا ايه؟
مع الشكر
العلاقة بين دورة التكييف و الموتور هو الكومبريسور
شغلت التكييف ---> شغلت الكومبريسور ---> حملت على الموتور
طفيت التكييف ---> طفيت الكومبريسور ---> شلت الحمل من على الموتور
انسى حوار المروحة دة خالص
MMamdouh
انا برضوا استفد كتير من ارائكم دى لانى كنت بشغل التكييف على طول على سرعه 1 او 2 متخيل ان كدا انا بخفف الحمل من على الموتور
بس كدا الحمل بيكون واحد على اى سرعه
لا غلط... سرعة المروحة كل ما بتزيد بتستهلك كهربا اكتر و دة بيحمل على الدينامو و بالتالى الدينامو بيحمل على الموتور... دة من الناحية النظرية
من الناحية العملية التحميل دة زى تحميل النور الكبير مثلا... حمل غير محسوس بالمرة فى استجابة السيارة بالتالى متشغلش بالك بيه خالص
MMamdouh
صح يا عم ممدوح
الموضوع كومبروسر
المروحه دى سرعة تدفق الهواء فى الصالون
الى المفروض تظبطه درجة الحرارة تكون عالبة قدر المستطاع علشان الكومبروسر ميشتغلش كتير
زى تكييف البيت لو ظبطه على 20 مثلا ,قابيلنى لو فصل
ولا ايه
طيب تعرف منين ان الكمبروسر فصل انا حاسس ان عمر ما الكمبرسر فصل معايا على اى درجه حراره
الحمد لله اني فتحت موضوع طلع مهم اوي كده وشاغل ناس كتير :shine[1]:
و الله انتم ناس زي العسل و دايما الواحد بيستفاد منكم
بارك الله فيكم
ده سؤال تاني.
هل تغيير درجة الحرارة بتقلل الحمل؟
اللي اناحسيته من كام يوم ان لما تقلل درجة الحرارة لحد النص مثلا ممكن يكون السخانات بتشتغل مثلا علي خفيف عشان توصلك للدرجة اللي انت عايزها فمتحسش بالهواء بارد اوي
لكن في نقطة ما قبل السخان بيكون الهواء بارد
يعني ممكن يكون اللي معندوش سخانات ميحسش بفرق في درجة الحرارة خالص طول ما الكمبريسور شغال
وبكده يبقي الكمبريسور معندوش درجات برودة...وتحكم التكييف في درجة الحرارة بيكون من خلال السخانات
بس من ناحية تانية هل الكمبريسور بيفصل بعد الوصول لدرجة الحرارة المطلوبة ويرجع يشتغل تاني لما تزيد (زي ما موجود في تكييفات البيت) ؟
ده يستلزم وجود حساس حرارة داخل صالون السيارة.....هل موجود؟
لو مش موجود يبقي الكمبريسور مبيفصلش
لو موجود يبقي بيفصل
انا مشوفتش ثرموستات للتكييف بالتالى معتقدش انة بيفصل بناء على درجة حرارة معينة خصوصا ان التحكم فى درجة البرودة بيعتمد على اضافة هوا سخن الى مسار الهوا البارد للتحكم فى درجة حرارة الهوا
MMamdouh
معلش سؤال جانبي ياشباب
سعر مروحه التكييف بتاعت اللانوس كام جديده واستيراد علشان عند واحد صاحبي المروحه دي بايظه
سرعات المروحه ليها علاقه بالتحميل على الموتور بطريقه غير مباشره
انا مش عارف التفاصيل لكن الموضوع له علاقه بأن السرعه الاولي فى المروحه بتخلي الكمبرسور بيفصل كل شويه فالحمل بيبقي اقل على الموتور انما كل ما تعلي السرعات الكمبرسور حيشتغل فتره اطول وبالتالي تحميل اكتر على الموتور هيه دي الفكره
كلام مظبوط نسبة كبيرة من العربيات الحديثة التكيف بيفصل مع الحمل الجامد علي دواسة البنزين عن طريق سينسور الدواسة الي علي البوابة بيدي المعلومة للكمبيوتر فابيفصل التكييف ثواني علشان يقلل الحمل علي الموتور ويطلع الفول باور.....الموضوع ده كان عندي اكيد في البي ام 535 1992 e34
وده كان سينسور حرارة الصالون.......هو كمبريسور التكيف بيفصل كمان عند الوصول لدرجة برودة ومعادلة ضغط معينة مش فاكرها بالظبط دلوقتي.....بيفصل الكمبريسور عن طريق صمام الضغط عند الموتور تحت الكابوت....حاجة كدة زي لما يكون الغاز ناقص ....بيبقي سيفتي علشان الكومبريسور مايتحرقش.
http://www.autohausaz.com/secure/Par...4511468411.jpg
http://www.autohausaz.com/secure/Par...4531390070.jpg
http://lh6.ggpht.com/_3eYCKTqxBqE/Sa.../AC_Layout.jpg
وده نوع من انواع ثيرموستات التكيف
http://cache.autoanything.com/images...1331627293.JPG
موقع ظريف لاجزاء مختلفة لما يخص تعديلات وتطوير التكييف عند الرغبة.
[flash=http://cache.autoanything.com/images/worldpac_media/part_type/ac_thermo_switch[11284]/large/W01331627293.JPG]WIDTH=350 HEIGHT=400[/flash]