الموضوع: صوت تكة العجل

هذا السؤال كان منشور فى احد مواضيعى فىالصفحة الأخيرة من العضو(ة):GJOGJO80

ممكن اسأل حدرتك انا عندى صنى EX saloon -MT بس احيانا باسمح صوت تكتكة من العجل الامامى-رحت التوكيل قالولى دة زلط فى العجل، بس بعد مدة رجع تانى
اكون شاكرة لسرعة الردالاثنين 21 ربيع الثاني 1431

والرد:
بالفعل الصوت ده صوت زلط بيدخل بين شقوق العجلات، ممكن طبعا اى بتاع كاوتش ينضفه لكن مع عودة دخول زلط فى نقشة العجلة بيرجع تانى، وده عادة بيكثر من الناس اللى عايشين فى مناطق سكنية جديدة فيها اعمال مبانى ومد مرافق مما يسفر عن وجود زلط رفيع فى الطريق، او المناطق الريفية، والحل الوحيد له هو التعايش والطناش التام لأنه عادة يكون غير مؤذى

يا ريت بس يا أخواننا الشخص اللى بيقول (غلط فى غلط ) ده انطلاقا يعنى من احتكاره للحقيقة الكاملة يشرحلنا ليه غلط فى غلط، بس ياريت الشرح يكون مدعوم بشوية تفاصيل كدة عن معامل مرونة المطاط ومعامل مرونة السلك المستخدم لدعم الاطار ومعلوماته عن الاحتياطات اللى بتتخذها شركات تصنيع الاطارات لمثل هذه الظروف وحسابات عن المساحة من الفردة اللى هتسيب الأرض نتيجة للتحميل على الزلطة بناء على متوسط افتراضى لارتفاع الزلطة اللى لها قابلية للانحشار بين نقشة العجلة وتأثير ضغط نفخ الاطار على الستجابة للتحميل على الزلطة ده لو كان هيحصل تحميل اصلا، ومدى تأثير زلطة ثابتة فى تآكل الكاوتش مقارنة بزلط الطريق اللى الكاوتش بيخبط فيه فى كل لحظة ، وبعد كدة نبقى نشوف فين الصح وفين الغلط فى غلط

انا لما احب اختلف مع حد بابدأ كلامى بكلمة (باختلف معاك ) مش ب (كلامك كله غلط) وبعدين اقدم مبرراتى للأختلاف وبرضه فى النهاية من حق كل انسان ان يحتفظ برأيه، لكن قصة (غلط فى غلط ) عفوا ، محض هراء تام بالاضافة لكونها اسلوب غير مقبول