بنزين 95 لمرة واحدة بس !!!!!!!!!!!!!!!

**mohameduoser** · 18-04-2010 03:28 PM

المشاركة الأصلية كتبت بواسطة exlog2580

أنا تجربتى مع البنزين 92 والبنزين 95 ما فرقش كثير ولكنى حسيت بأنى بأدفع فلوس فى الـ 95 ومن فرق كثير ملحوظ فى الآداء ، إنما من حوالى 4 شهور جربت حاجة أشتريتها من محطة البنزين موبيل اللى جنب ماريوت القطامية أسمها octane booster بـ 29 جنيه من شركة stp الأمريكية الصنع ، مع بنزين 92 وبصراحة لاحظت إن آداء العربية أختلف تماما وحسيت بأنى مركب تربو فى العربية فعلا مع صوت أهدئ للموتور وإستهلاك أأقل فى الوقود فعلا ، فلذلك أشتريت كرتونة من المنتج ده بالجملة من واحد بتاع كماليات معرفة ومن يومها بأضع واحدة من الزجاجة دى على تانك كامل ملئ بـبنزين 92 ، وأعطيت واحدة لوحد صاحبى معاه لانسر 2000 قالى بأنه حس بفرق فى عربيته فعلا . وشكراً

انا استعملتو قبل كدة لونة برتقالى بس تمنة دلوقتى 32.5 جنية
منين يتجاب جملة و بكام

**Astra200** · 18-04-2010 11:43 PM

المشاركة الأصلية كتبت بواسطة kareemafifi

حطيت بنزين 95 لمرة واحدة و كانت احلي مرة في حياتي و رحت مظبت الكاوتش نيتروجين كمان و كان فعلا احلي اداء ،
محتاج رأيكم في اللي عملته ده حد جربه؟؟؟؟؟

عملت كده وحسيت بفرق --

السحب حلو وناعم والمطبات احسن
ولا أحتاج لتزويد هواء كل شوية

بس برضه محتاجين تاكيد من ناس تانيه جربت

**ابوهاشم** · 18-04-2010 11:48 PM

طالما مافيش فرق يبقى دفع فلوس على الفاضى

**hosar** · 26-04-2010 01:39 PM

متابع ..... اية اخبار الهيدورجين و الإطارات

**kareemafifi** · 26-04-2010 04:48 PM

انا عملت زيك بالضبط كانوا في يوم واحد حسيت بفرق تاني خالص ، نعومة في السحب ، سهولة و نعومة المطبات

**hisham_85** · 26-04-2010 06:41 PM

المشاركة الأصلية كتبت بواسطة m2die4

غالى قوى بصراحه مش ناقصه نفتح بند 95 ده , نمشى براحه و صوت الموتور حيهدى لوحده مع انى مش متخيل عالى ازاى , العربيه زى الفل بيعلى مع الشد الزياده قوى مش الشد العادى ( تصقيت النقلات و الحرق ) لكن لو خدتها بالمسايسه كده و لا بيعلى و لا حاجه ( الرجاله هنا هما القلولى كده و جربتها و نجحت جداً ) و اداءها مش وحش علشان احط بنزين 95
دى مجرد وجهه نظر يا باشا مش قصدى حاجه

انت عندك حق انا جربت ال95 وحاطط نيتروجين بالنسبة للبنزين ولا ليه لزمة ومفيش اي فرق انا ملاحظه بصراحة الكلام ده يفرق مع العربيات القديمة بس انما الجديد لا خالص وبالنسبة للنتيروجين جميل لانه بيحافظ على الكوتش لانه غاز خامل

**solly1979** · 27-04-2010 04:19 PM

المشاركة الأصلية كتبت بواسطة exlog2580

أنا تجربتى مع البنزين 92 والبنزين 95 ما فرقش كثير ولكنى حسيت بأنى بأدفع فلوس فى الـ 95 ومن فرق كثير ملحوظ فى الآداء ، إنما من حوالى 4 شهور جربت حاجة أشتريتها من محطة البنزين موبيل اللى جنب ماريوت القطامية أسمها octane booster بـ 29 جنيه من شركة stp الأمريكية الصنع ، مع بنزين 92 وبصراحة لاحظت إن آداء العربية أختلف تماما وحسيت بأنى مركب تربو فى العربية فعلا مع صوت أهدئ للموتور وإستهلاك أأقل فى الوقود فعلا ، فلذلك أشتريت كرتونة من المنتج ده بالجملة من واحد بتاع كماليات معرفة ومن يومها بأضع واحدة من الزجاجة دى على تانك كامل ملئ بـبنزين 92 ، وأعطيت واحدة لوحد صاحبى معاه لانسر 2000 قالى بأنه حس بفرق فى عربيته فعلا . وشكراً

متهيئلى والله اعلم انه بتاع تنظيف الانشكشن وكترة مش كويس
انا جربته مرة فى لانوس حسيت ان العربيه فيها تربو على رأيك
بس انا معايا دلوقتى a4 و لسه مجربتوش فيها

**El Prince** · 27-04-2010 04:53 PM

أعتقد من الاسم :
الاوكتان بوستر غير منظف دورة الانجكشن ...
يا ريت لو حد عنده معلومات
مشكورين

**haysam2000** · 28-04-2010 08:57 PM

هو مجرد سائل بيساعد على حرق البنزين ف بالتالى بيحسن الأداء و بيقلل الأستهلاك فعلا بس بنسبه ضئيله جدا نتيجه ان الحرق على اد الكبس طالما الكاربرتير سليم و كل حاجه تمام علشان كده اللى جرب بيحس بموضوع التيربو ده :)