مشكلة في اسكورت 1600 زيتيك

**ahmed_ox2002** · 07-04-2010 11:52 AM

بسم الله الرحمن الرحيم
السلام عليكم ورحمة الله وبركاته
انا يا جماعه عندي فورد اسكورت 1998 1600 انجيكشن
من حوالي شهر كده بدأت تعمل حاجه غريبه جدا معايا وهيه انها لو وقفت كام ساعه كده علي بعض زي مثلا لو ركنتها بالليل وجيت تاني يوم اروح بيها الشغل ماترضاش تدور خالص قولت اكيد بطاريه خصوصا شتا بقي والحاجات دي كنت بسيبها واروح الشغل بتاكس :) الغريب بقي اني لما ارجع من الشغل ادورها تدور من اول مره عادي جدا
الخطوات الي عملتها بقي علشان احاول احل المشكله دي :
جبت كهربائي وبطاريه جديده ووصلناها بدل القديمه العربيه برضه مش بتدور
جبت ميكانيكي وجرب ضغط البنزين والطلمبه والحاجات دي كلها سليمه بس برضه مش بتدور
جبت ميكانيكي تاني وجرب يحط بنزين فالانجيكشن علطول برضه مش بتدور
فصلت الانذار لاني شكيت ان هوه السبب او بايظ وبيعلق او كده مع انه شغال ميه ميه وبرضه مش بتدور
مع العلم ان لفات الموتور سريعه اثناء تشغيل العربيه بالمارش ورغم كده جبت برضه كهربائي يكشف علي البطاريه والدينامو والمارش وقالي كله سليم ................ امال مش بتدور لييييييييييييه
قولت يمكن المفتاح اللي بيقفل طلمبة البنزين ده بيعلق بصيت عليه لقيته عادي شغال مافيهوش حاجه
اغرب حاجه بقي دلوقتي بتعملها اني كل ماجيب ميكانيكي يشوفها وهيه كده اول مايجرب الاقيها بتدور علطول :)
ودلوقتي بقيت متعود انها مش بتدور قبل الساعه 1 الضهر ههههههههه
قولولي بقي اعمل ايه :(

**egytamer** · 08-04-2010 11:23 AM

يمكن مبتحبش الصحيان بدري وحبة السقعة بتاعت الصبح حاول تقنعها ان الصحيان الصبح والنوم بدري مفيد ههههههههه
جرب روح لميكانيكي كويس وخلية ينضفلك الايدلر وبعدها الموضوع هيتظبط معاك وهتشتغل الصبح ومش بعيد تلاقيها بتديلك كلاكس تصحيك بدري كمان

**ahmed_ox2002** · 08-04-2010 11:50 AM

اولا الف شكر علي مرورك وردك طبعا
لكن انا عاوز اقولك اني لسه محمي الايدلر بتاعها بالميه والشامبو من اقل من شهر دانا مخلص عليه علبه اسبراي كامله تقريبا الي هيه بتاعت تنضيف الكاربيراتير دي فكرك يكون اتوسخ تاني ؟ :)

**ahmed_ox2002** · 08-04-2010 11:51 AM

وبعدين معني كلامك اني لو شيلت الفيشه بتاعت الايدلر ممكن تدور ؟ عموما هاجرب واشوف وبعدين اشمعني صحيح الايدلر بيبقي محتاج نضافه الصبح بس يعني ؟ ماهي بتدور بعد الساعه 1 الضهر عادي ههههههههه
علي اساس اننا اول مابنصحي بنغسل وشنا وكده ؟