الموضوع: أخر سنة لجيتز...أشتري؟

المشاركة الأصلية كتبت بواسطة n_i_t_e

أخوانى أنا كنت بدور على عربية فى حدود +70000 أوتوماتيك عشان زحمة السير و متكونش كبيرة عشان سهولة الركن بالمدينة. طبعا أنا بأفضل السيدان كشكل بس الحق انا عمليا شاب مش محتاج شنطة. المهم بعد بحث لقيت ان انسب عربية بالمواصفات دي هى الجيتز خصوصا ان موتور 1600 auto لو حصل لى ظرف سفر مرة أو مرتين فى الشهر هتصد معايا على الطريق. المشكلة انى سمعت انها مش هتنزل تانى و هينزل مكانها i20 و بالتالى - على حسب ما سمعت - سعر اعادة البيع هيقل و قطع الغيار مش هتتوافر لأنها هتبقى موديل قديم ده غير النقطة الموجودة أصلا و هى مستوي توكيل غبور. أنا مستنى رأيكم و كاتب الموضوع هنا بمنتدي هيونداي متأكد ان وجهة النظر هتكون حيادية مش انحياز لهيونداى :)
و بشكركم مقدما على المشاركة :)

صباح الفل زود شوية وهات نيو اكسنت سبورت ........................ وربنا يوفقك

اه بس النيو اكسنت سبورت مانوال ب 80 واتوماتيك 86 عشان صاحب الموضوع يبقى عارف طبعا انا رايي برضو انها شكل قديم واحتمال كبير في شهر 6 حتنزل ال اي 20 يعني زي قلتها تجبها دلوقتي ف يا تزود شويه وتجيب نيو اكسنت سبورت شكل جديد اهو لسه طازه او تستنى الا ي 20 بس مضمنش حتنزل سعرها بكااام ممكن تكون غاليه زي كل الاي الي نزل على العموم ربنا يوفقك وتختار الافضل ليييك وشكر

الـ i20 هاتنزل بسعر اغلى من الجيتز (مش اكيد بس احتمال كبير) والوكيل المفروض انه ملتزم بتوفير قطع غيار السيارة لعشرة سنوات على الاقل (وغبور يتميز عن اي توكيل آخر بوفرة مخزونه من قطع الغيار) واكيد قطع غيارها متوفرة برة التوكيل فلا حاجة للقلق من هذه الناحية

المشاركة الأصلية كتبت بواسطة د.محمود صلاح

لو تقدر تصبر اصبر شوية لحين نزول ال i20

كده أفضل لو انتظرت

المشاركة الأصلية كتبت بواسطة atamim

بص يا باشا

شيبك من موضوع موديل او شكل
اى عربية بيعدى عليها نص السنه(يعنى الى بيشترى بعد 6 شهور من نزول الموديل) لحد الموديل الجديد الى بينزل بعدة و دا شهر 9 بتلاقيها نزلوا فى ثمنها 5 الاف عن كل سنه و زيهم على الاستعمال

يعنى ما تروحش ورا كلام الى يقولك هات عربية فى حدود 75 الف ولا 80 الف اوتوماتك علشان حتلاقيها كمان 5 شهور لما ينزل الموديل الجديد حتلاقى ثمنها 70 بالكتير

نصيحة من واحد مجرب
و بكرر تانى نصيحة من واحد مجرب
ما تشتريش ابدا فى نص مدة الموديل كمان 5 شهور حينزل اقل حاجة 5 الاف دا لو اصلا انت مستعملتهاش ولا رخصتها

نصيحة تانية
الزيرو زيرو يعنى لو جبت جيتز اوتوماتك او فيرنا اوتوماتك يكون كويس ما تزودش عن كدة
الفلوس الى بتروح فى فرق موديلات مفيهاش اى فروق حرام (الفيرنا و النيو اكسنت قريبين من بعض قوى يعنى مش فرق مرسيدس من فيات)
فماتدفعش على الفاضى لمجرد شكل فقط شوف فرق العربيتين من بعض فيهم فرق جوهرى ولا زى بعض

اللهم انى قلت بلغت
اللهم فاشهد

+11111111111111111111111111

بص ياسيدي
انا لسه جايبة الجيتز من اسبوعين اتوماتيك
والكلام بتاع i20 باسمعة من شهر 10 اللي فات
وهو ده اللي خالني استني لما كل ده لحد ما اشتري وده كان غلط بس ما علينا
انا استنيت معرض فورميلا الاهرام 2010 وغبور منزلش العربية في المعرض
وسالت في التوكيل ومرة قالي انها هتنزل علي نهاية 2010 وواحد تاني قالي مش هتنزل لان المصنع رافض يشيل حاجات كتير من اللي غبور بيعتبرها كماليات زي الايرباج وabs
بس الاتنين اجمعوا ان العربية ملهاش دعوة بالجيتز لانها هتبقي في سعر من 90 الي 100 الف ولانهم لما نزلوا i 10 مشلوش اتوس
وكان ده كلام المصرية للسيارات وسمير ريان والله اعلم هما بيقولوا الحقيقة ولا لا
بس كان في واحدة صديقتي كان عندها i 10 واخدت بيها مطب من سنة والعربية الفيبر الي تحت الماتور تقريبا اتكسر وفضلت العربية حوالي 3 شهور من غير قطع غيار مركونة ده معناه ان برده لما العربية بيتبقي لسة نزله برده بثيبقي ليه عيوب
ولذلك انا اتكلت علي الله واشتريت الجيتز لان لقيت ناس كتير بيشكروا فيها وبيقوا عيوبها قليلة بالنسبة لباقي السيارات وقولت انا كده كده لما هشتري عربية مش ناويه ابيعها علي الاقل لمدة 5 سنيين وبالتالي مش هيفرق معاي كتير سعر اعاده البيع لانه في كل العربيات الخسارة بعد الفترة تقربيا بيتبقي متساوية
المهم عربية ابقي مبسوطة منها ومرياحني وانا عملت استخارة كتير ممكن انت كمان تعمل استخارة
وربنا يوفقك للافضل ان شاء الله
لو حبيت تعرف حاجة عن الجيتز قولي مع اني لسه جديدة عليها بس ممكن افيدك