-
تسريب زيت الموتور
السلام عليكم
ياجماعة مش عارف اشكركم ازاى على الاستفادة الجامده جداً من المواضيع والاراء اللى بتتناقش هنا ومش هطول عليكم المهم أمباح روحت اغير زيت ولما العربيه اترفعة لقيت ترشيح زيت فى المنطقة مابين الموتور والفتيس وبتاع تغيير الزيت قلى ده جوان الكرنك عايز يتغيير برجاء الافادة عن مدى خطورة هذا العيب وهل له اى تاثير على اداء السيارة وده حاجه بسيطة ولا شغلانه وتكلفة الموضوع ده هتبى فى حدود كام. والف شكر:ask:
-
99% دة اويل سيل كرنك خلفى
استمرار التسريب يعنى نقص دائم فى مستوى الزيت
التغيير حيتطلب فك الفتيس و طقم الدبرياج و ترس الفلام و طبعا الاويل سيل شخصيا... المصنعية ممكن توصل 200 جنية او اكتر سنة
MMamdouh
-
ألف شكر يا استاذ ممدوح
يعنى كل الخطر هيكون فى ان الزيت ينقص ويلزم متابعته بإستمرار اما لة عملة التصليح اللازم ايه نوع الأولسيه (جوان) ويبقى فى حدود كام اللى يبقى ميه ميه واركبه وانساه علشان دى شكله شغلانه مش بسيطه ولازم تتعمل صح من اول مرة
-
الاويل سيل رخيص... انا جبت واحد من ابو الحسن من اسبوع ب 15 جنية... اعتقد الاصلى جالة الاسبوع دة بس معرفش بكام
طبعا دور على الاصلى بمنكاش لان السوق مليان اويل سيلات مضروبة بالعبيط و زى ما انت شايف علية التغيير مش سهلة و فيلم هندى و تكلفة... فا هات الاويل سيل الاصلى و اشترى دماغك
MMamdouh
Content Relevant URLs by
vBSEO 3.6.0 PL2