الموضوع: سؤال مهم و مخوفني

صباح الخير علي احلي منتدي و احلي ناس
حضراتكم انا عندي عربيه فيرنا 2009 جي ال اس القصه و ما فيها
1- اني ساعات لما بلف بجيب الدريكسيون لاخره وبسمع خبطه كده حديد في بعضه و دي اكيد معروف ليكم كلكم الحكايه دي عملتها كتير بس مش كل يوم مثلا و ناس تقولي كده انت بتقلل عمر المقصات و الحاجات دي للاسف انا خبرتي في الحاجات دي معدومه فهل ممكن حد يرشدني اعمل ايه لو حصلت تاني
وهل فعلا ماستغباش علي الدريكسيون و اجيب اخره
يا ريت يا جماعه تقولولي اعمل ايه و ايه طرق الكشف عليها

2- الحاجه التانيه هيا هايفه جدا لكن عاملالي صداع و هيا بخصوص صوت طالع من الكاسيت صوت زنه كده و شيلت الوش بتاعه برضه لقيت الزنه دي فيه فرام اسود حواليه لما بضغط عليه الصوت بيروح فكرت و روحت لفيتته بلحام اسود الصوت اختفي بس يرجع تاني
فهل فيه حل ينفع علشان الغي الصوت المقرف ده
شكرا ليكم كلكم

بالنسبة لحكاية صوت حك الحديد ، حصلت معايا كتير في عربيتي الكيا ريو القديمة وكانت دايما بتحصلي بعد الصيانة، وكان السبب فيه ان الصنايعي ماكنش بيركب "غطا التراب" كويس اللي بيبقى موجود في العفشة.