بس الصايغ يستاهل
محد قاله يشترى دهب مسروق
عرض للطباعة
بس الصايغ يستاهل
محد قاله يشترى دهب مسروق
الفترة اللي إشتغلت فيها صحفي علمتني أخد من الخبر حاجات معينة فقط و لو مقراهوش خالص يبقي أحسن .. الصحافة المطبوعة دي زي الفل!
في التلفزيون الموضوع مختلف لأن الكداب بيبان و لو ممعهوش مادة مرئية تثبت كلامه يروح يخبط دماغه في الحيط .. إلا لو كدبة علي مستوي كبير و تحوير مطبوخ تمام و ده ليه ناسه
الحمدلله قفشت كذا مرة حرامي لكن اغربهم حكاية أن مرة مسكت نشال في مترو الانفاق كان بينشلني وسرق مني 19 جنيه خرجت 20جنيه من وسط النقود ودفعت تذكرة بـ1 جنية وشلت 19 الباقي في الجيب الخلفي هما اللى اتنشلوا المهم مسكت النشال واديته اللى فيه النصيب وسلمته لقسم شرطة ثاني المترو بسرايا القبة بعد التلطيش في الحرامي وتفتيشة وجد معاه عدة موبيل تعبانة المهم اتعمل محضر وطلبوا مني احضر في النيابة المسائية في محكمة مصر الجديدة الـ19 جنيه استلمتهم هناك في ظرف بني متشمع والنشال اتحبس المهم بعديها بيومين لقيت صديق جايب لي جرنال الجمهورية وفيه اسمي والخبركان مكتوب كده " انهالت البلاغات بتعدد حالات السرقة بمترو الانفاق على اللواء فولان وامر العميد علان بعمل اكمنة داخل عربات المترو وتم القبض علي فولان نشال وهو يسرق حافظة نقود المواطن واسمي انا وعثر مع النشال على مبلغ 500 جنية و3 اجهزة محمول " من سعتها مابقتش اصدق الجرائد ابدا وخصوصا الجمهورية
ههههه انا أصلاَ مصدقش إن الحرامي ممكن يقع في إيد الشرطة .. انا أختي خبطها عربية و جبت للبوليس موديل العربية و كانت ملاكي إيه و لونها و 3 أرقام من اللوحة .. و معرفوش يجيبوها .. أو مدوروش أصلاَ .. فا لازم تجيب الحرامي في إيدهم! و ثكون واخد علقة موت عشان يبقي معترف جاهز !
و رحت لمأمور القسم أقوله أختي مش هتقدر تحضر للقسم عشان تقول أقوال في المحضر لأن متكسرة .. يقولي خلاص متعملش محضر عشان انا لغيت إن يتاخد أقوال في البيت!!! "أكن القسم ده ورث مثلاَ" .. و بمكالمة تليفون كانت الأقوال بتتاخد في البيت تاني يوم .. تحيا مصر!!
من ساعتها و انا بقول يا بخت حرامية مصر بشرطتها
ده مش فساد إعلامي بس ده جزء من صورة الفساد الكبيرة .. ماهو الصحفي لو مش هيضطر ينافق و يلمع في فلان و علان هيعمل كدة ليه .. و ما أكثر أصحاب النفوس الضعيفة
كان ليه صديق عزيز توفى منذ سنتان تقريباً هو و أمه و أخته في حادث على الدائري
و أخوه الصغير كان عند الجيران.. وابوه كان في الجزائر ساعتها ونزل فوراً
كتبوا بقى في الاخبار إن أخيه الصغير كان تائه و الشرطة عثرت عليه و شوية تحابيش
غير بقى المعلومات الخاطئة الخاصة يسنه و دراسته..أنا كنت قاعد اقرأ التحقيق في الجرنال في ذهول من التحابيش اللي موجودة فيه
أنا أصلا مش بصدق كلام الجرايد خالص علشان التهويل دة ....
يا راجل دي شويت توابل و بهارات لزوم البيع و الكلام معلهيوش جمرك
طيب بالنسبة للكاميرات اللي صورت الشرطة وهيه بتقفش الصايغ وخدوا منه الذهب وكمروا منه والكلام اللطيف ده كله
فين بقي الفيديو ده وليه مقدمهوش للنيابة عشان بثبت الفساد ده...