مشكور ياباشا ..موضوع جميل وجديد .تحياتي ...
عرض للطباعة
مشكور ياباشا ..موضوع جميل وجديد .تحياتي ...
اعتقد اننا بحاجة لتربية ثقافة المجال الحيوى ليس فى القيادة فقط ولكن فى الفكر واسلوب التعامل وجميع نواحى الحياه فبسبب الزحام اصبح التعدى هو الصح ؟؟؟؟:Ta_clap[1]:
موضوع ائع بصراحة
و لكن لا أحد يهتم بأصول القيادة و أولوياتها و المبادئ
بس نفسي أشوف اليوم اللي بيتم إتباع القواعد السليمة في الشارع و الناس تحترم بعضها و علشان كدة لازم المرور يكون له دور في المحاسبة علىعدم اتباع القواعد و الاسس السليمة ف القيادة
موضوع جميل شكرا يا هندسة ...
بالنسبة للجزئية دية اللى بيخليك تحس انك بتنجذب ليها ان مابيبقاش عندك مقاومة للهواء لان السيارة اللى قدامك بتبقى واخدة كل الهواء المعاكس فحضرتك بتتحرك بالسيارة بكل سهولة ويسر وبدون مقاومة هواء فبتحس ان سرعتك بتزيد حتى من غير ضغط
واحب اهنيك على الموضوع الجميل دة بس للاسف الواحد بيشوف مهاذل واخرها سياراتين بيجروا مع بعض والله ماشيين ورا بعض الاخير مافيش بينة وبين اللى قدامة غير سنتى واحد يعنى الاولانى لو داس فرامل او حتى ساب بنزين التانى هايخبط فية مافيش كلام ربنا يهدى
وفعلا القيادة الصحيحة انك تسيب مسافة بينك وبين اللى قدامك على حسب سرعتك لتفادى اخطاء الغير
مش هانختلف كتير و لكن ممكن أفسرها لك بشكل اخر أكثر وضوحا
1- من المعروف ان هناك هواء او في بعض الاحيان رياح علي الطريق تكون حركتها في الغالب بعرض الطريق و لنفرض مثلا من اليمين الي اليسار
هنا تشعر أثناء القيادة ان طارة القيادة مائلة نحو اليمين و ألا تتعرض السيارة للانحراف جهة اليسار بفعل دفع الهواء
أثناء تخطيك لسيارة اخري و خاصة لو كانت أكبر من سيارتك حجما و ارتفاعا فأنها تحجب عنك الهواء و بالتالي يتلاشي تاثير الهواء علي سيارتك التي توجهها نحو اليمين للتغلب علي الهواء و هنا تشعر و كانها انجذبت و بشدة نحو السيارة التي علي يمينك
2- تفسير اخر و هو ان السرعة تتناسب بشكل عكسي مع الضغط و ذلك من قوانين الفيزياء كما درسناها بالثانوية العامة (تذكر مثال القطار علي رصيف المحطة)
و هنا عند سير سيارة بسرعة كبيرة يجدث انخفاض للضغط حولها نتيجة لتأثر الهواء المحيط بالسيارة بسرعتها العالية و عند مرور سيارة اخري بجانبها لها نفس الفعل علي الهواء تصبح المنطقة بين السيارتين منطقة ضغط منخفض بينما خارج السيارتين يكون الضغط اعلي قليلا
و من المعروف أيضا أن الهواء يندفع من منطقة الضغط المرتفع الي منطقة الضغط المنخفض مما يسبب دفع جانبي للسيارتين في أتجاه الوسط ( اي في اتجاه بعضهما )
مما سبق يتضح ان المسافة بين السيارتين لو كانت قريبة جدا كما نري فقد يحدث تلامس بينهما نتيجة لدفع الهواء و هذا التلامس اللحظي علي سرعة عالية يكون كافيا لحدوث كارثة لكلاهما .
لذا انصح عند تخطي أي سيارة بالاتي :
1- الابتعاد عن جانبها قدر المستطاع
2- تخفيض السرعة عند الاقتراب بشكل يسمح لك بالتحكم في السيارة (خاصة في حالات الهواء الشديد )
3- الامساك بطارة القيادة بكلتا اليدين بشكل صحيح (وضع عقارب الساعة 3 ألا ربع)
و ربنا يسترها معانا جميعا
مع خالص تحياتي
م/ سمير الشهاوي
هيييييه يا بشمهندس.... قلبت علينا المواجع..... هو فى الحقيقة رغم وجاهة فكرة المجال الحيوى للسيارات الا انها عمليا غير قابلة للتطبيق و فى الحقيقة عكسها تماما هو الحاصل و الذى سيستمر فى الحصول..... و الاسباب طبعا معروفة..... ده حتى المجال الحيوى للبشر فى الاماكن المزدحمة زى وسط البلد بقى غير موجود
علشان نطبق نظرية المجال الحيوي للسيارت لازم النوعيه التانيه من السواقين دول لازم ياخدوا
مضاد حيوي واسع المجال من هيئة المرو الصحيه علشان يخلصهم من المرض الخطير اللي ممكن يسببلهم ويسببلنا كارثه
ويبقي وباء والعياذ بالله ويعدينا ونبقي زيهم
وشكرا يابشمهندس سمير علي الموضوع الجميل
موضوع جميل جدا ...
بس للأسف الجملة التالية حقيقية
القصة مش في السواقة فقط أى مكان فيه جمع من الناس تلاقي عادات المصريين الأزلية إنهم بيلزقوا في بعض ليه معرفش
لو نزلت تشتري سندوتشات ولتكن فول وطعمية من الشبراوي مثلا وإنت واقف في دورك هاتلاقي 5 أو 6 جم وقفوا وراك ولزقوا فيك ليه مش عارف مع إن المكان واسع لأ وكمان تلاقيهم راحوا رافعين إديهم بالريسيت للراجل وساندنها على كتفك كمان وإنت واقف قدامهم كأنك مش موجود أو خيال أو وهم ومتتفاجئش لما الراجل ياخد الريسيت من اللى وراك ويسيبك بحجة إن هوة جاهز ورافع إيده وإنت واقف محترم ومش عايز تحتط الريسيت في عينه عشان يعرف يشوف شغله في خدمة الزبون اللى قبليك
والصورة بتتكرر في حاجة .... الصيديلة , الفرن , كنتاكي , هارديز , البنك , فروع إتصالات وفودافون وموبينيل , الأسانسير , تقريبا كل مجالات الحياة في مصر بنفس الصورة ... ولما تقف بعيد شوية عن اللى قدامك تلاقي اللى وراك بيزقك عليه ويقولك ماتمشي شوية يا أستاذ خلى الطابور يتحرك (مع إن مافيش حد خرج من الطابور عشان يتحرك .. بس هوة مستخسر الحتة دي) ...
أنا حتى زهقت من الخناق مع الناس اللى بتيجي تلزق ورايا في الطوابير ..
وطبعا المعمعة الكبرى بقى في الشوارع والعربيات ... تقريبا كل واحد عايز يبقى أول عربية في الشارع ومش طايق العربيات اللى قدامه ومابيعرفش يمشي ورا أي عربية ومابيعرفش يمشي بسرعة الشارع وعيز ينط من فوق خلق الله ويعديهم (مش لطوارئ أو متأخر مثلا أو حاجة كان بقى حتى ممكن قد نعطيه عذرا .. لأ دا في ناس وشباب خلاص بقى اسلوب حياتها كده)
المشكلة في عادات شعب بالكامل نسبة بسيطة جدا منه تلاقيها كويسة وبتحاول تتخلص من العادات السيئة اللى شربناها من أهالينا وأصدقائنا وشعبنا لكن النسبة دي مش باينة