تغيير زيت الفتيس الأوتوماتيك كل 30000 كم (معلومة أكيدة من التوكيل)
إخوانى الأوبتراويه
إمبارح سألت مهندس معرفة فى التوكيل عن تغيير زيت الفتيس الأتوماتيك لعربيتى الأوبترا خصوصا إنى عامل 42000 كم الآن فقالى التغيير على 30000 كم قولتله مش 60000 كم قالى ده فى المانيوال :shyy:
رحت إمبارح لأخصائى صيانة أتوماتيك عندنا فى إسكندرية و بالفعل غيرلى الزيت ( أخدت 4 ك زيت موبيل 120 جنيه إجمالى ) و و نضف لى الفلتر بتاع الجيربوكس و الكارتيرة بتاعت الفتيس بالبنزين و الهواء (مصنعيه 40 جنيه و 10 جنيه إكرامية) و للعلم الفلتر كان فيه عكارة كتير و كمان الزيت ما كانش نضيف
فحمدت ربنا إنى عملت الصيانة للجيربوكس و ما غيبتش عليه أكتر من كده
معلومة جميلة و مش جديدة بالنسبة لى بس المهندس صلاح صاحب الورشة أكدهالى
إن الفتيس بتاع الأوبترا هو هو بتاع الكورولا الشكل القديم (2005) و قالى كمان تعالى إتفرج
دخلت المخزن لقيت ما شاء الله جيربوكسات أشكال و ألوان كلها إستعمال خارج
و قالى ده الجيربوكس بتاع الأوبترا و الكورولا و تمنه إستعمال خارج بالضمان 3000 جنيه فقط:verygood:
و قالى بإذن الله مش هتحتاج تعمل فيه حاجة لإنه محترم جدا و هو معاه أوبترا أتوماتيك 2010 الرياضية و بيقولى العربيات دى ما حدش يعرف قيمتها إلا إلى يشتغل فيها
