الموضوع: حاسة بحمل تقيل منمتش منه

المشاركة الأصلية كتبت بواسطة dolly13

حاولى تكونى محددة جدا فى كلامك مع المديرة فى الاشياء اللى هاتطرحيها وماتسيبهاش تجرك لكلام فرعى ممكن معاه الموضوع يضيع من ايدك
حطى فى بالك انك هاتتعرضى للمضايقة بهدف انهم يخرجوكى عن شعورك وتطلعى غلطانة لذلك تمالكى اعصابك تماما وخليكى بارده بجد
وفى النهاية لو لاقيتى انهم مش معتبرين موضوع الموبايل ده مشكلة يبقى تبتدى لهجة جديدة بمنتهى الادب
انك مش بس هاتكتفى بنقل الاولاد لا ده انتى كمان هاتقابلى اولياء امور اخرين لمقاطعة المدرسة
واعتقد ساعتها هاتبقى انتى سيدة الموقف وغصب عنهم هايستمعوا لارائك ويحاولوا ينفذوها
واخيرا ربنا معاكى وياريت تطمنينى بعد المقابلة

ميرسي يا دولي على المشاركة
ده فعلا اللي بيحصل
بيخرجوني من الموضوع الاصلي لمواضيع فرعية
وهم من غير تهديد بنقل الاولاد
مجرد ما يحسوا ان لهجتي معاهم بقت حادة بيجروا ناعم

اقتراحي يمكن يكون غريب شوية، خلي عندهم هواية تشغل وقتهم

رياضة رسم موسيقى قراءة إلخ، شوفي حضرتك اللى هما بيميلوا ليه وشجعيهم عليه ووجهيهم فى الاتجاه ده وانسيهم بعد كده

االفراغ هو مشكلة الجيل ده فى رأيي، وهو اللى بيخلي عندهم فضول يستكشفوا أي حاجة جديدة حتى لو كانت ضارة

لكن الطفل اللى بيكبر وهو إذنه موسيقية عمره ما هيحب يسمع كلمة بذيئة أو يصاحب شخص بيقول كلمة بذيئة

والطفل اللى بيحب الرسم عمره ما هيحب يشوف منظر مقزز أو يصاحب شخص هوايته تبادل المناظر المقززة على الموبايلات

والطفل الرياضي عمره ما هيشرب سيجارة ولا يصاحب حد بيشرب سجاير

والطفل اللى عنده أي هواية عموماً هيقل استخدامه للموبايل والكمبيوتر والنت وهينحصر فى الاتجاه النافع ليه فقط لأن هوايته هتشغل معظم وقت فراغه

وهيحس بنفسه متميز ومش هيرضى يصادق غير الأطفال المتميزين اللي زيه

باختصار خليهم متميزين في أي مجال، وارفعيهم فوق بركة السوقية والبذاءة اللى عايشين فيها

وربنا يعين حضرتك

المشاركة الأصلية كتبت بواسطة أبو حمزة

انا باتفق معاكي تماماً يا نور
بيتهيألي الأمر محتاج حملة إعلامية
فكرتي تبعتي لمنى الشاذلي مثلاً؟

انا فكرت في جروب على الفيس بوك
بس فكرة منى الشاذلي احسن

المشاركة الأصلية كتبت بواسطة ahmed_emad

اقتراحي يمكن يكون غريب شوية، خلي عندهم هواية تشغل وقتهم

رياضة رسم موسيقى قراءة إلخ، شوفي حضرتك اللى هما بيميلوا ليه وشجعيهم عليه ووجهيهم فى الاتجاه ده وانسيهم بعد كده

االفراغ هو مشكلة الجيل ده فى رأيي، وهو اللى بيخلي عندهم فضول يستكشفوا أي حاجة جديدة حتى لو كانت ضارة

لكن الطفل اللى بيكبر وهو إذنه موسيقية عمره ما هيحب يسمع كلمة بذيئة أو يصاحب شخص بيقول كلمة بذيئة

والطفل اللى بيحب الرسم عمره ما هيحب يشوف منظر مقزز أو يصاحب شخص هوايته تبادل المناظر المقززة على الموبايلات

والطفل الرياضي عمره ما هيشرب سيجارة ولا يصاحب حد بيشرب سجاير

والطفل اللى عنده أي هواية عموماً هيقل استخدامه للموبايل والكمبيوتر والنت وهينحصر فى الاتجاه النافع ليه فقط لأن هوايته هتشغل معظم وقت فراغه

وهيحس بنفسه متميز ومش هيرضى يصادق غير الأطفال المتميزين اللي زيه

باختصار خليهم متميزين في أي مجال، وارفعيهم فوق بركة السوقية والبذاءة اللى عايشين فيها

وربنا يعين حضرتك

انا معاك ان الفراغ بيخلي في فضول ولازم من ممارسة رياضة او هواية بس دي متنفعش غير في الاجازة الصيفية لان اليوم الدراسي طويل مش مخلي اي وقت فراغ لاي حاجة تاني
بس الحمد لله هم موصلوش لمرحلة البحث دي نهائي لسه منتهى البراءة
وموضوع الموبايل جه لحد عندهم بدليل ان الموبايل كان مع طالب من برة فصله وميعرفوش
انا بتابع الكمبيوتر باستمرار عشان اطمن مع انهم عارفين ان النت ممكن يلاقوا فيه اي حاجة
وانا وباباهم مصاحبينهم عشان كدة عرفنا موضوع الموبايل
ومرة كان جهازهم متفيروس وظهر لهم موقع قالولي عليه فورا
والله شوفته وهو بيداري وشه لغاية ما يقفل الصفحة
انا والله واثقة اني بربي صح بس الخوف من العالم الخارجي
يعني على سبيل المثال النهاردة يوسف الصغير 4 سنين ابن عمه من سنه بيشتمه على السلم ويقوله يا كلب اكتر من مرة
هو مفيش على لسانه غير ما تشتمش انا مش بشتمك
انا ناوية ادخل يوسف كي جي السنة الجاية معهد ازهري خاص فاتح جديد
عشان يكون في اهتمام اكتر بالقرآن الكريم

انا معاك ان الفراغ بيخلي في فضول ولازم من ممارسة رياضة او هواية بس دي متنفعش غير في الاجازة الصيفية لان اليوم الدراسي طويل مش مخلي اي وقت فراغ لاي حاجة تاني
[size=4][color=darkorchid

النقطة دي بالذات اسمحيلي حضرتك اختلف معاكي فيها شوية

أنا عارف ومقدر طبعاً النظام التعليمي الغبي اللى ساري فى بلدنا اللى بيعامل الطفل على انه معتقل فى المدرسة وعليه عقوبة أشغال شاقة مؤبدة لازم يقضيها طول النهار ويستمر فيها وهوا فى البيت ولحد ما ينام

بس بصراحة، يتحرق اللى عملوا النظام ده هما ومعتقلاتهم ومدارسهم والتعليم كله، انا مش هضيع على ابني بهجة وفرحة طفولته واعذبه ليل نهار 9 شهور فى السنة عشان أبسطهم، وارجع فى اجازة الصيف اقوله تعالى بقى يا حبيبي شوف تحب تعمل ايه وهو اصلا هيكون منهار نفسياً وعصبياً وجسدياً ومش عايز هيعمل اي حاجة غير انه يعوض النوم اللى اتحرم منه طول السنة

مفروض تكون الهواية ثابتة ومستمرة عشان يواظب عليها ويحبها ويطور نفسه فيها، ولازم بأي شكل من الأشكال أوفرله وقت يومي يمارسها فيه، حتى لو على حساب الأشغال الشاقة المؤبدة بتاعته

تعرفي حضرتك، كان عندي مدرسة عربي فى خامسة ابتدائي كل ما افتكرها يتحرق دمي وابقى عايز ارتكب جريمة قتل جدياً والله، مكانش عندها أي حاجة تعملها غير انها تفتح كتاب القراءة وتقولنا اكتبوا الدرس لحد ما الحصة تخلص، واما نروح برضه يبقى الواجب اننا ننقل الدرس تلات اربع مرات...منتهى العبثية وتضييع الوقت وترسيخ لقاعدة انقل ومتفكرش اللى موديانا فى داهية

وانا بصراحة مش هاقبل على نفسي اكرر التجربة تاني مع ولادي واحرمهم من رياضة أو هواية بيحبوها عشان يقعدوا ينقلوا الدرس 3 مرات ويبسطوا الهانم الميس!

ولو هوايتهم جت على حساب دراستهم مش هخليهم يبطلوها برضه، ليه يعني افضل اضغط عليهم واحطم اعصابهم عشان يجيبوا 98% فى الابتدائية؟ ما يجيبوا 88% هيا الدنيا هتولع؟ كل ده فى سبيل اني اسيبلهم متنفس لحاجة يحبوها فعلاً ويبدعوا فيها فعلاً


انا ارجو ان حضرتك متفتكريش اني متحامل عليكي بصفة شخصية، انا باتكلم عن ثقافة الآباء المصريين بشكل عام، وأنا برضه أعترف ان ايدي مش في النار وماقدرش اقيم الوضع زي حضرتك، بس على الأقل ده اللى نفسي اعمله اما ربنا يرزقني بأولاد إن شاء الله

المشاركة الأصلية كتبت بواسطة rembrandt

الموضوع شائك بلفعل والكلام دة ممكن يرجعنا تانى للكلام عن الثقافة الجنسية للاطفال والكبار فى مجتمعنا
يا ترى انتى حاولتى تعرفى الطفل لما شاف الفديو دة شافوة حبا للاستطلاع مش اكتر ولا بلفعل الطفل عندة مشكلة او رغبة ما !!
ياترى الطفل لما شاف الحجات دى كان مستمتع بلمشاهدة ولا اثارة استيائة؟؟؟؟؟؟؟
فى الحالة الاولى مفيش مشكلة الاطفال بطبيعيتهم فضوليين بيحبو انهم يكتشفو ويعرفو كل حاجة بنفسهم وبلتوجية السليم الطفل ممكن يستقيم لوحدة ويعرف ان كدة عيب وحرام
لكن فى الحالة التانية اعتقد ان لم تقومى باتخاذ موقف مناسب فممكن ان يتفاقم الوضع ويتطور من مشاهدة صور او فديو الى اختلاس النظر من ثقوب الباب ومن وراء الشبابيك الى ان يتفاقم الوضع الى لعبة عريس وعروسة وما اشهرها ما بين الاطفال
وسامحينى مش لاقى تعبيرات انسب من كدة
والحل الامثل لاحتواء الموقف هو الحوار المتزن والمتواصل مع الطفل بدون ضرب او زعيق طبعا
واذا كان الطفل عندة فراغ ما.. فانتى دورك انك تملئى الفراغ دة بانة يمارس رياضة هو يكون بيحبها او لو هو موهوب فى حاجة دورك انك تنميها.. عامتا الرياضة والفنون بتدفع الانسان السوى الى الاستقامة وبتحسة الى فعل الفضيلة ونبذ كل ما هو غير اخلاقى حتى فى الاطفال
وان شاء الله ربنا يحفظهملك من كل شر

المشاركة الأصلية كتبت بواسطة khaled_al_nowaihy

ايه اللى يمنع انك تسحبى الموبايلات من أولادك فى المدرسة ؟
واذا احتاجوا يتصلوا بيكى فى أى وقت ممكن يتصرفوا
مش ها تقدرى تسيطرى على ولاد الناس ... بس ممكن تسيطرى على أولادك حمايةً لهم.
وفى كل الأحوال لن تستطيعى مواجهة هذا التيار الا من ناحيتك انت.
أنا لما جبت للأولاد موبايلات كان بشروط اتفقنا عليها :
no lock-no passwords وعلشان ما يشعروش بالظلم طبقت المبدأ على نفسى أمامهم.
كل يوم اللى يدخل البيت يحط موبايله أمام الجميع ... ومفتوح للجميع ... مافيش أسرار

اذا كانزا شافوا حاجة فى المدرسة مع زمايلهم ... مش حايقدروا يحطوها عندهم
وربنا يعيننا جميعاً على المسئولية

الموضوع لم يتعدى انه شاف موبايل ولد في المدرسة ومش زميله في الفصل كمان
ده الولد اكبر في اعدادية وكان في حوش المدرسة
حتى لما سألته فيديو ولا صورة ثابتة قالي ملحقش يعرف
وانا مش بخليهم ياخدوا موبايلات المدرسة اطلاقا الا اذا كانت رحلة عشان اطمن عليهم
انا يا جماعة بتكلم في نقطة مهمة وهي دور المدرسة في الرقابة على الاطفال ودور باقي الاهالي اللي سايبين اطفالهم بدون رقابة
اما دوري انا والله والله مش شكر في نفسي ولا في اولادي
لكن فعلا ماشاء الله والحمد لله بيتضرب بيهم المثل في العيلة كلها حتى في المدرسة مميزين باخلاقهم وهدوءهم وتفوقهم الى حد ما ومعروفين لمدرسيهم وحتى للمديرة ومعروفين بالاسم